AKANKAMU 31

Yuussha yana uunt ati tusa anaikiait?

ANTUKTIN, IISTIN

Yuus uunt anaik apujsana nuna Yuusa chichamenka imiankaska aujmatui. Ni anaikiana nujai Yuus ju nunkan iwiarattawai. Yuus yana uunt ati tusa anaikiait? Yuus anaikiamu uunt ajas eketeana nusha itiura nekaaj? Uunt anaikiamu eketeana nusha warinia najanait? Ukunmataisha wariniak najanat? Nu anintramuka jui nekaattaji tura chikich akankamunmasha nekaattaji.

1. Yuus yana uunt ati tusa anaikiait?

Yuuska uunt ati tusa nayaimpiniam Jesusan anaik ekentsaiti (Matéu 4:17; Juaṉ 18:36). “Ni akupeamuri̱sha Yus susamu asa peṉké amuukashtiniaiti” tawai Yuus papii (Rúkas [Lucas] 1:32, 33). Yuus anaikiamu asa aents ju nunkanam pujuinian penker wainkiattawai.

2. Jesusjai uunt anaikiamu ajasarat tusa Yuus yana anaikiaruit?

Jesusjainkia ashi nunkanmaya aentscha uunt anaikiamu ajasartatui (Apukarípsis 5:9, 10). Nusha urutma artata? Untsuri aents Kristu aents ajasaruiti. Tumaitkiusha aya 144.000 aentsuk Jesusjai uunt anaikiamu ajasartatui (Apukarípsis 14:1-4 aujsata). Tura chikichkia ju nunkanam tuke iwiaku pujuartatui (Yus Kanta [Salmo] 37:29).

3. Yuus anaikiamusha urukamtai timia nankaamakuit?

Aents naamkaru ainiana nuka penker yaimkiataj tuiniaksha timiatrusan yaimkiatniun tujintin ainiawai. Tura chikichkia yaimkiatniun nakitiainiayat naamak ekemin ainiawai. Tumaitkiusha Jesusnaka yaksha jiki ajapashtatui. Yuuska Jesusnaka penke nupetkachmin awajsaiti (Taniar 2:44). Jesuska ashi nunkanam uuntri ajastatui tura ashi aentsun yainkiartatui. Ninkia waitnenkratniuiti tuma asa aentsnasha niya aintsan arat tusa jintintiawartatui (Isayas 11:9 aujsata).

PENKER NEKAATAI

Yuus anaikiamusha urukamtai aents anaikiamu eketainiana nujaish imia nankaamakuit nu nekaatai.

4. Jesuska ashi nunkanam uunt anaikiamu atatui

Jesuska aents anaikiamu eketainiana nunash iniankas ninkia warinkisha ejetukminiaiti. Matéu 28:18 aujsarum juna aujmattsatarum:

Jesussha urukamtai aents anaikiamu eketainiana nunasha iniankasait?

Aents naamkaruka ashi aentsun yaincharminiaiti. Tura nukap uwi pujutsuk jinin ainiawai. Yuus anaikiamusha ainis atimpiash? Taniar 7:14 aujsarum juna aujmattsatarum:

Jesuska tuke uunt anaikiamu ajas pujutin asamtai urukattaj?
Jesús ashi nunkanam uunt anaikiamu ajasmatainkia itiur pujuttaj?

5. Uunt naamkaru eketainiana nuka amuukartatui

Jesús urukamtai uunt naamkaru eketainiana nuna amuktiniait? VIDEO iisrum juna aujmattsatarum:

VIDEO: Yuusa anaikiamurisha itiurkatta? (ishichik iistin jusamu) (1:41)

Aents naamkarusha itiura itiurchat amajkartusaruit?

Eclesiastés 8:9 TNM aujsarum juna aujmattsatarum:

Jesús aents anaikiamu eketainiana nuna amuktiniashit? Urukamtai ainis tame?

6. Jesusjai uunt anaikiamu artatna nuka iin yainkratkattsar wakeruiniawai

Jesús yaunchuk ju nunkanam pujumiayi. “Tuma asa ii tujintiaj nuna paant nékak ii itiurchatri̱n waitnentramniuitji” (Israernum [Hebreos] 4:15). Yuuska Jesusjai uunt anaikiamu ajasarat tusa 144.000 aentsun ashi nunkanmayan anaikiaiti (Apukarípsis 5:9).

Jesús tura nijiai uunt anaikiamu ajasartatna nusha ii waitiajnia nuna nekainia asarmatai amesha itiura nekapeam? Urukamtai tu nekapeam?

Jehovaka yaunchunian juarki Jesusjai uunt anaikiamu ajasarat tusa nukap aentsun anaikiaiti.

7. Aentsjaish nankaamas Yuus umirkar penker pujaji

Aents anaikiamu pujuiniana nuka penker matsamsarat tusar chichaman najanin ainiawai. Aintsan Yuussha penker pujuarat tusa chichaman najanaiti. Tura nu umiakrikia Yuus anaikiamusha yayaji. 1 Kurintiunam 6:9, 10 tura Israernum [Hebreos] 10:22 aujsarum juna aujmattsatarum:

Yuus tana nu ashi aents uminiakuinkia itiuran matsamsamniaitiaj? a
Yuus ju turatarum turameajnia nu penkerashit? Urukamtai ainis tame?
Aents Yuus tana nuna uminiachusha yapajiawarminiaiti urukamtai ainis taji? (Israernum [Hebreos] 10:22 nui iistarum).

Naamkaru ainiana nuka aents penker pujuarat tusar chichaman najanin ainiawai. Aintsan Yuussha penker pujuarat tusa chichaman najanaiti. Nu chichamka aents chichaman najanamujaisha iniankas ti penker ainiawai.

CHIKICHKIA JUNIS TINIU AINIAWAI: Jesús Yuus anaikiamu asa wariniak turat?