AKANKAMU 34
Jehová aneakrikia wari turatniuitiaj?
Yuusa chichame unuimiakum Yuusa amikri ajaki weamna aintsam enentaimiamek? Yuusa amikri tuke atasam wakeramek? Yuusa amikri ajaki wetasam wakerakminkia aneamu asa Jehová nisha anenmastatui tura penker iirmastatui. Yuus anea asam wari turatniuitiam?
1. Jehová aneakrikia wari turatniuitiaj?
Yuus aneakrikia umirkattaji (1 Juaṉ 5:3, 4 aujsata). Yuuska umirtukat tusa yankesha utsuchuiti, antsu ninki wakerusar umirtukarat tusa wakerawai. Jehovaka ni enentaijiain umirtukarat tusa wakerawai (Rúmanam 6:17). Amesha Yuus aneakum umirkatniuitme. Tesamu 3 tura 4 nui Jehová warinia nakitia tura warinia wakera nu nekattame.
2. Jehová aneastin urukamtai yupichuchichu aminiait?
“Péṉkeran túrin ainia nusha ti wáitsartatui” (Yus Kanta [Salmo] 34:19). Tunaartin asar penkera nu turattsar kakartiniaitji. Tura aintsan kuit wainkiatin itiurchat aminiaiti nuya aents yajauch irunmanum pujaji, chikichcha itiurchat iruneawai. Itiurchat wainiakur Jehová umirkatin itiurchat aminiaiti, tura tunaanumka yupichuch iniarminiaitji. Jehová aneakmeka ni tana nu umiktasam kakartatme tura penke ikiukchattame. Yuussha penke ikiurmakchattawai (Yus Kanta [Salmo] 4:3 aujsata).
PENKER NEKAATAI
Urukamtai Jehová umirkatniuitiaj nuya Yuus penke ikiukchatniun wari yainmakminiaitiaj nusha nekaatai.
3. Iwianch iin makurmaruitji
Job papiinium Iwianch makurmaruitiajnia nuna aujmateawai. Juup 1:1, 6–2:3; 2:4 TNM; 2:5-10 aujsarum juna aujmattsatarum:
-
Jobka urukamtai Jehovan umireawai Satanás timia? (Juup 1:9-11 iistarum).
-
Iwiancha aents wari enentaijiai Yuusan umirainiawai ta? (Job 2:4 TNM iistarum).
Job 27:5 TNM aujsarum juna aujmattsatarum:
-
Job Jehová anea asa warinia turamia?
Jobka Jehovan anea asa penke ikiukchamiayi.
Iisha Jehová aneakrikia penke ikiukchattaji.
4. Jehová waramtiksata
Nekatai̱n Jintinkiartin [Proverbios] 27:11 aujsarum juna aujmattsatarum:
-
Ame umiream tura penkera nu najankumin Jehová itiurak enentaimia? Urukamtai ainis tame?
5. Amesha Jehová penke ikiukip
Jehová anea asar Jehovanu chikich aents tuke ujainiaji. Ni chichame etserkatin yupichuchichuitkiusha Jehová ikiukij tusar ni chichamenka tuke etsereaji. VIDEO iisrum juna aujmattsatarum:
-
Amijiaisha chikich aentsjai Jehovanu aujmattsatin itiurchatkai?
-
Video iisumna nui Grayson naartin ashamtsuk Yuusa chichame etserkattsa warinia turamia?
Yajauchia nu nakitiakrikia Jehová umirkattaji. Yus Kanta [Salmo] 97:10 aujsarum juna aujmattsatarum:
-
Jehová warinia penkera nuna najanawarat tusa wakera? Jehová warinia najanawarain tusa nakitia?
-
Amesha itiurkamea yajauchia nu nakitram penkera nu najanamniaitiam?
6. Jehová umirkurkia penker pujuttaji
Jehová umirkurkia tuke penker pujuttaji. Yus Kanta [Salmo] 32:8 aujsarum juna aujmattsatarum:
-
Amijiaisha penker pujustinian Jehová jintintramamniashitiaj? Urukamtai tu enentaimiam?
-
Yuusa chichame unuimiatram nuya Jehová nekaam urukaitiam?
CHIKICHKIA JUNIS TINIU AINIAWAI: Penkeran najaneakui nekasash Yuus warasat?
-
Ii najanmarin Jehová itiurak enentaimta tusam Yuusa chichame tua iniaktusaintiam?
WARI NEKAAM
Jehová aneakmeka umirkata tura itiurchat wainkiamsha penke ikiukip.
Awakeasrik nekaatin
-
Job nankaamasmia nui enentaimkium wari nekaam?
-
Amesha Jehová aneakmeka wari turattam?
-
Jehovainia aran ajaschatniun wari yainmaktata?
NUKAP NEKAATA
Jehovainia tura Kristu aents ainiana nunia penkesha aran ajasaij tusam wari itiurkatniuitiam nu nekaata.
Iwianch tsanumpramu nekaata.
Job Yuusan penke ikiukchamiayi (La Biblia y su mensaje, tesamu 6)
Uchisha Jehovan anena nu nekaata.
Natsamaru ainia ni amikri yajauch najanatniun utsuamsha itiurkartiniait nu nekaata.
