Iwiarmameakrikia ii wakeramu iwiarmamtainti. Tura Yuus wakerana nunisrik iwiarmampratniuitji. Itiur iwiarmampratniuitiaj nuna Yuus papiinium aujmateamu iistai.

1. Yuusa chichamesha iwiarmampratniuncha warintia jintinkratea?

Kristu aentska pushin penkeran iisar, chikich iirsarat tu enentaimtsuk penker enentaijiai entsarartiniaiti. Tura Yuusan enentaimtin asar wapikian entsachartiniaiti (1 Timiutéun 2:9, 10). Yuusa chichame tana nu nekaatai. 1) Pushi penker iisar entsartiniaitji. Yuusa iruntramurinkia penker iwiarmamin ainiawai. Amesha ii iruntairin ainis iwiarmamainia wainkiachuashitiam? Nuyasha Yuus aranta asar penker temashmartiniaitji, tura penker iwiarmampratniuitji. 2) Chikich iirsarat tu enentaimtsuk iwiarmampratniuitji. Tuma asamtai pushi sumpit nuya kaki entsarchatniuitji. 3) Tura penker enentaijiai iwiarmamin asar chikich nankamsar iwiarmamainiana nunisrik iisha iwiarmamprashtiniaitji. 4) Yuusan enentaimtuiniajai pachitra asar penker iwiarmampratniuitji. Penker iwiarmamkurinkia chikitcha Yuusan nekas enentaimtuiniawai tu enentaimsartatui (1 Kurintiunam 10:31).

2. Ii iwiarmamman iisar chikich Kristu aents itiur enentaimsarminiait?

Ii wakeramu iwiarmampramniaitji tumaitkiusha chikitcha itiurak enentaimsarat nuisha enentaimsatniuitji. Yaksha yajauch enentaimtiksashtiniaitji. Yuus papii tawai: “Chíkich shuar wakeramu enentáimtustiniaitji. Tura Yusja̱i̱ nú naṉkaamas shiir wekasatniun yáiṉminiaitkiui túratniuitji” (Rúmanam 15:1, 2 aujsata).

3. Ii penker iwiarmamkurin chikich aentscha itiurak enentaimsarat?

Tui weaj nui enentaimsar iwiarmamtainti. Nekaska iruntramunam weakur tura Yuusa chichame etserkattsar weakur penker iwiarmampratniuitji. Yuus yajauch ujukaij tusar penker iwiarmampratniuitji. Penker iwiarmameakrinkia chikich aentscha Jehovan nekaatniun wakeriartatui tura Yuusa chichame jintinkratmaka ti penker ujukattaji (Titiun 2:10).

 PENKER NEKAATAI

4. Jehová aranta asar penker iwiarmampratniuitji

Urukamtai nekaska penker iwiarmampratniuitiaj? Yus Kanta [Salmo] 47:2 aujsarum juna aujmattsatarum:

• Jehovanu etserin asar itiur iwiarmampratniuitiaj?

• Ii iruntairin nuya Yuusa chichame etserkattsar weakur urukamtai penker iwiarnarar wetiniaitiaj?

 5. Itiur iwiarmampratniuitiaj?

VIDEO iistarum.

Ii pushirinkia ti kuitjiai sumakchamuitkiuisha wapikcha nuya penker atiniaiti. 1 Kurintiunam 10:24 nuya 1 Timiutéun 2:9, 10 aujsatarum. Turarum juna aujmattsatarum:

• Urukamtai pushi mamuru turutskesh jaanaru entsarchatniuitiaj?

• Pushi sumpit turutskesha kaki tura chikich yajauch enentaimpramniash urukamtai entsarchatniuitiaj?

Kristu aentstikia Moisés akatramu chichamka umikchatniuitji. Tumaitkiusha nu chichamka Jehová itiur enentaimia nuna jintintramji. Muisais Ujakma [Deuteronomio] 22:5 aujsarum juna aujmattsatarum:

• Nuwaka aishmanka nunis urukamtai iwiarmamprashtiniait? Turutskesha aishmansha nuwa nunis urukamtai iwiarmamprashtiniait?

1 Kurintiunam 10:32, 33 tura 1 Juaṉ 2:15-17 aujsarum juna aujmattsatarum:

• Ii itiur iwiarmameaj nuna chikich aents majat iiniakui wari itiurkamniaitiaj? Urukamtai nu turatniuitiaj?

• Ame pujamna nuisha itiur iwiarmamin ainia?

• Kristu aentstisha chikich aents iwiarmamainiana ainis iwiarmampratniuashitiaj? Urukamtai tush enentaimiam?

 WARI NEKAAM

Jehová tura chikich aentscha arantakrikia penker iwiarmampratniuitji.

Awakeasrik nekaatin

• Jehová urukamtai penker iwiarmamprarat tusa wakera?

• Yuusa chichamesha itiur iwiarmampratniuitji ta?

• Yajauch iwiarmamkurin chikich aents warintiak enentaimsarminiait?