AKANKAMU 60
Yuus tuke umirkattsam wari najanatniuitiam?
Ju papii unuimiatkum Yuusna nukap nekaitme. Tuma asam Yuus aneame tura Yuusai sumamsam imianniuitme. Imiannichuitkiumka imiantin enentaimtsumeash. Imiannimsha Yuus penker umirkim wetiniaitme. Yuusa amikri tuke ataj tusam kakartiniaitme. Nu turattsam wari itiurkatniuitiam nu nekaatai.
1. Yuusa amikri tuke ataj takurkia wari itiurkatniuitiaj?
Yuusa amikri tuke ataj tusar kakartiniaitji. Urukamtai kakartiniaitiaj? Yuusainia penke kanakij tusar nu turatniuitji (Israernum [Hebreos] 2:1). Yuus tuke umirkattsar wari itiurkatniuitiaj? Yuusa chichame tuke etserkatniuitji tura Yuusna warinmansha yaimkiatniuitji (Jiripiusnum [Filipenses] 3:16 aujsata). Jehová enentaimtustinkia ti penkeraiti (Yus Kanta [Salmo] 84:10).
2. Wari najanma iniaisashtiniaitiaj?
Yuusa chichame unuimiatma amutekume, tumaitkiusha Jehová enentaimtustinkia yama juareame. Yuusa chichame tawai: “Tura yamaram enentáimtairam emetatarum” (Ipisiunam [Efesios] 4:23, 24). Yuusa chichame tuke unuimiatrata, iruntainmasha tuke pachinkiata. Nu turakmeka Jehovanu nu nukap nekaattame. Jehová urukuit ainis atasam kakarta. Nuyasha Jehová tuke umirkattsam yapajniakim weta.
3. Jehová tuke umirtukat tusa itiur yainmaktata?
Yuus papii junis tawai: “Wats, ishichik tsawant wáitsarmena nu naṉkaamasmatai Yus ataksha péṉker awajtámsattarme. Tura numi wewe wajana núnisaṉ ikiakátmartatrume” (1 Pítiur 5:10). Urutainsha yajauch turamnia nekaptainti tumaitkiusha nu katsuntratniun Jehová yainmaktatji (Yus Kanta [Salmo] 139:23, 24). Yuuska tuke umirtukarat tusa wakeruktinniasha tura umiktinniasha yainmaktatji (Jiripiusnum [Filipenses] 2:12, 13 aujsata).
PENKER NEKAATAI
Yuus tuke penker umirkattsam wari itiurkatniuitiam nu tura uruma nuisha tui pujuttam nusha nekaatai.
4. Yuusa amikri tuke atasam wari itiurkatniuitiam?
Yuus tuke seakum tura Yuusa chichame unuimiakum Yuusa amikri ajasuitme. Nu tuke ainis turakmeka Yuusa amikri tuke atatme.
Yus Kanta [Salmo] 62:8 aujsarum juna aujmattsatarum:
-
Penker enentaimsam Yuus tuke seakmeka ni amikri tuke atatme. Penker enentaimsam Yuus seattsam wari itiurkamniaitiam?
Yus Kanta [Salmo] 1:2 aujsarum juna aujmattsatarum:
-
Yuus papii aujeakmeka Yuusa amikri atatme. Yuusa chichame patatek aujsaij tusam wari itiurkatniuitiam?
Amek pujusam Yuusa chichame unuimiatkum wari itiurkatniuitiam nu nekaattsarum VIDEO iistarum. Turarum juna aujmattsatarum:
-
Videonam iisumna aintsam wari najanattsam wakeram?
-
Yuus papiinium wariniua unuimiartasam wakeram?
5. Yuusna juna najanattajai titia
Yuusna juna najanattajai tusam imiatrusmek najanattsam kakakmeka Yuus penker umirki wetatme. VIDEO iisrum juna aujmattsatarum:
-
Cameron Yuusnan juna najanattajai timiania nuna imiatrusan najana itiur enentaimsamia?
Mashikia yaja nunkanam Yuusa chichame etserutin jeatsji. Tumaitkiusha ii jeamuka Yuusna juna turattajai timiniaitji. Nekatai̱n Jintinkiartin [Proverbios] 21:5 aujsarum juna aujmattsatarum:
-
Yuusa iruntramurin warinma yaimkiattsam wakeram?
-
Yuusa chichame etsermanumsha wari itiurkattsam wakeram?
Yuus papii aujsajnia nui tana aintsan Yuusna najanatin wakeramu ejetuktasam wari itiurkatniuitiam?
Juna turatjai timiniaitme
-
Yuusan seakun penker enentaimsan seattajai.
-
Yuusa chichamen mash aujsan amuktatjai.
-
Wi pachitkiajna nui testigos de Jehová irunna nuna mash nekaawartatjai.
-
Yanaksha Yuusa chichame unuiniartinian juarkittiajai.
-
Precursor auxiliar turutskesha regular ajastatjai.
-
Aishmanka iruntramunam yaimin anaitiukarat tusan kakartatjai tu tiarminiaiti.
6. Warasam tuke iwiaku pujuttame
Yus Kanta [Salmo] 22:26 aujsarum juna aujmattsatarum:
-
Yamaisha tura uruma nuisha penker warasam pujuttsam wari itiurkatniuitiam?
WARI NEKAAM
Yuusa amikri tuke ataj tusam Yuusna nu tuke najanata. Tura warinkish ame Yuusna najanattsam wakeramu najanata. Nu turakmeka yamaisha tura uruma nuisha warasam tuke iwiaku pujuttame.
Awakeasrik nekaatin
-
Jehovaka nin tuke umirkatniun yainkiattawai urukamtai tu enentaimiam?
-
Jehová amikri tuke ataj tusam tuke tsawan wari itiurkatniuitiam?
-
Yuusna najanatin wakeramna nu umiakum itiur enentaimsattam?
NUKAP NEKAATA
Jehová nin tuke umireajnia nuna imiankaska penker iiyawai.
Jehová penker enentaimtatisha majat ajasminiaitji. Majat ajasrisha wari turakria kakarminiaitiaj nu nekaata.
Yuusna najanattsa wakeramu imiatrusrik najanattsar itiurkatniuitiaj?
Yuus paant awajsattsam Yuusnan juna najanattajai titia (La Atalaya, 15 de julio 2004)
Urukamtai esetrar enentaimin atiniaitiaj nuya ainis atasar itiurkatniuitiaj nu nekaata.
Jehová tsawantri ishichik ajasu asamtai esetrar enentaimin artai (La Atalaya, 15 de mayo 2009)
