AKAṈKAMU 3
¿Urúkuya péṉker nuṉka Edén náartinnium pujámusha?
Yuús warínkish núkap péṉkeran Adán nuyá Eva náartinian susarmiayi Génesis 1:28
Jehová nuwan Eva náartinian najána, Adán náartinian ni nuwé ati tusa susamiayi (Génesis 2:21, 22).
Adán nuyá Eva iniashí, enentáimmiari tunarchichu aínian Jehová najánawarmiayi.
Péṉker nuṉka Edén náartinnium pujúarmiayi. Nuiṉkia numisha, entsasha nuyá yajasmasha tí shíir irunmiayi.
Jehová niijiai chichármiayi nuyá unuíniarmiayi. Péṉker nuṉkanam tuke iwiáku pujúsartaj tuiniakka Yuúsan antúrkar nuyá umírkartiniuyayi.
Chikíchik numi wajana au neré yuawairap Yuús tímiayi Génesis 2:16, 17
Yuúsa suntarí chikíchik yajauch ajás, Yuúsa nemasrí ajásmiayi. Nu suntar Iwianchiti turuskesh Satanás tutainti.
Adán nuyá Eva náartinian Jehová chicharuk nuṉka Edén náartinniumia numi wajana au neré yuawairap tímiayi. Nuú numi wajana au neré yuiniakka jákartiniuyayi.
Íwianch Yuúsa umírkarain tusa nakitmiayi. Eva náartinian napín útsuk chicharuk ju numi wajana au neré yuamka jákashtatme nuyá Yuúsa aíntsamek ajástatme tímiayi. ¡Peṉké waitruamiayi! (Génesis 3:1-5.)
Jusha awai
ENSEÑANZAS IMPORTANTES DE LA BIBLIA
Yuús urúkamtai juú nunkán najánamia?
Juu nunkaka ti shiirmaiti. Etsaniasha arant pujawai, ishichik iniantawai tura yaitias peper ajawai. Urukamtai Yuus juu nunkancha ti shiirmach najanatasa wakerukmia
