AKAṈKAMU 5
¿Noé tsawantin, Yuúsan yá antúrkarmia?
Noé tsawantin aénts warínkish tí yajauchin najániarmiayi Génesis 6:5
Adán nuarijiai Eva náartinjiai uchin yajutmakar núkap pampararmiayi. Uruma nui chikichsha Yuusa suntarí iwianchia aíntsank Yuusa nemasrí ajasarmiayi.
Nayaimpinmaya akaíkiar nuwan nuatkatasar aénts najánakarmiayi. Uchín yajauch kajen, tí kakarman, chíkich aéntsnash iniankas aínian yajutmakarmiayi.
Aénts tí yajauch nuṉká aimnakmiayi. Yuús Papii tawai aénts aya yajauch armiayi nuyá yajauchiniak najánatniun enentáimiarmiayi.
Noé Yuusa umíreak uunt kánu je̱a aniun najánamiayi Génesis 6:13, 14, 18, 19, 22
Noé péṉkerauyayi. Jehová, Noén tímiayi yutumtikían entsán nuṉkánam aímkian aénts yajauchin amúktatjai.
Uunt kánu je̱a anin nanámas juakmin najánata tímiayi. Nui ni shuarin nuyá ashí iwiáru jeania, kampunniunmaya enkeatniuyayi.
Noé yutuk nuṉkánam aimnaktinian aéntsun ujakarmiayi, tumaitkiusha antúrkacharmiayi. Wishikiainiash nuyá tí kajerainiash armiayi.
Noé uunt kánun najána amúk kampunniunmaya iwiáru nuyá je̱ania aínian enkeamiayi.
