Adán náartiniash najántsuk Jehová ni suntarín kákarman najánamiania, nuka eemka Uchiríyayi. Nayaimpiniam pujúmia nui núkap warínkish najánamiayi. Yuús ni Uchirín anturkarat tusa wakerawai.

Yuús ni uchirín irutkamu Belénnum akiniat tusa akupkamiayi. Nukurínkia María náartiniuyayi, Jesús anaikiarmiayi (Juaṉ 6:38).

Jehová urukuya aíntsank Jesússha nuṉká pujúmia nui shiir ajauyayi, nuyá waitnenkratniuyayi. Tuma asamtai aénts nijiai chichastasar wakeriarmiayi. Tura, Yuúsnan nekása nuna ashamtsuk unuíkiarturmiayi.

Jesús jainiancha tsuarmiayi nuyá jákaruncha iniankiarmiayi.

Yuúsnan yajauchí jintinkratiarmia nu Jesúsan kajeriarmiayi. Wait jintiarme nuyá yajauch najánearme tutai.

Jesúsan awattrar mawarat tusar, Yuúsnan yajauchí jintinkratiarmia nu Romanos aéntsun waitruawar ujakarmiayi.