Etserma papiinium yamaipiattaku jinkiaruana nuna amamkesam aujsakaitiam? Ju anintramu aimkiamniashitiaj tusam iista:

Jehová nuwan itiur enentaimtiniait?

Aishman imia nankaamaku tu enentaimtsuk metekrak shiir enentaimtawai. Jehová nuwancha anturniuiti. Ni itiur nekapainia tura wari itiurchatna takakainia nuisha enentaimniuiti. Takatan susaruitiajna nunaka penker umikiartatui tu enentaimiawai (w24.01, página 15, 16).

Ipisiunam 5:7 nui “Nu shuar peṉké pachischatniuitrume” tana aitkiasrik turatai tusar itiurkatniuitiaj?

Jehová tana nuna umiktinian itiurchat amajtusminiana nu aentsjai tsaninchatniuitrume apóstol Pablo tu timiayi. Nu aentsjai nakak shiir amajnaisashtinian turutskesha internetnumaninsha shiir amajsashtinian jintintramji (w24.03, página 22, 23).

Antar tuiniamun akuptumainiakrin itiurkatniuitiaj?

Ii amikri warinkisha nankamas akupturmakakrin iischatniuitji. Yaksha nekashtai ekes aujmatainiamun correon akupturmakakrin nu correo japirtiniaitji. Yuusan nakitiak iniaisana nu Yuusa chichamen antuktasa wakera nuke ajakui ni tuiniamu anturkashtiniaitji (w24.04, página 12).

Salomonna, Sodoma tura Gomorranmaya aentsnasha nuya Noé tsawantin jakarmiania nunanusha warimpia nekaj tura warimpia nekatsuj?

Nu aentsnaka Jehová tuke amukaruashit nuka nekatsji. Tumaitkiusha Jehovaka waitnenkartin asa nu aentsun itiurkartata nunaka ninki nekawai timiniaitji (w24.05, página 3, 4).

Jehová uunt kaya aniuana nuna wari nekaamniaitiaj? (Muis. 32:4).

Itiurchat nankaamakrin Jehová yainmaji. Ninkia penke ikiukratchaiti. Jehovaka ni urukuit nuna penke yapajiashtatui tura ni chichakuana nunasha umiktatui (w24.06, página 26-28).

Yamaram congregacionnumsha wari turakria unuimiatkamniaitiaj?

Yaunchuk Jehová ni enentaimtinian yainkiarmiania aintsan iincha yainmaktatji tu enentaimsatniuitji. Ii yachi ii umai nuik pujumiajnia nuyainiajai apatkar ni imia penker armiayi tichatniuitji. Yamaram congregación yamai pujajnia nui warinmansha pachinkiatniuitji tura chikitcha amikmawartiniaitji (w24.07, página 26-28).

Jesús Matéu akankamu 25 nui apatak unuikiarturmiania nuna wari nekaamniaitiaj?

Oveja tura cabran Jesús aujmattsamiania nuka Jehová tuke umirkatniuitiajnia nuna jintintramji. Tura 10 nuwa natsanun Jesús aujmattsamiania nuka iwiarnarar tura anearar pujustiniaitiajnia nuna jintintramji. Nuya kuitian susarman Jesús aujmattsamiania nuka Yuusna asumprusar takakmastiniaitiajnia nuna jintintramji (w24.09, página 20-24).

Yuus enentaimtutai jeanam waniatainiam amiania nusha nekapkarisha urutmakia?

Yaunchu 2 Crónicas 3:4 TNM nui chikich manuscrito aarmanumka 120 kuntuyayi tu aararuiti. Nuna takunka yakirinkia 53 metros timianuyayi tusa tawai. Tura chikich manuscrito aarmanumka nekasain 20 kuntuyayi tu aararuiti. Nuka yakirinkia 9 metrosaiti. Jea wankantinkia tikia wankarmachuyash tumainti tuma asa yakirinkia 9 metros timianuyash tumainti (w24.10, página 31).

Iruntramunam yaimin anaikiamu penker nuatka tura apatkachu atiniaiti Yuusa chichame tana nusha warinkiua ta? (1 Ti. 3:12).

Yaimin anaikiamu ainia chikichkiniak nuatkatniuiti, tsanirmashtiniaiti. Tura aintsan aya ni nuariniak aneastiniaiti tura chikich nuwan wakerukchatniuiti (w24.11, página 19).

Juaṉ 6:53 tana nu nuya Jesús pankan tura vinon iniankeak timiania nujai urukamtai metekchait?

Juaṉ 6:53 nui Jesús junis timiayi: “Winia aya̱shur yúachmeka tura winia numpar umarchamka nekas iwiaaku pujatsrume” timiayi. 32 uwitin Galileanam pujus aents Yuusnan nekaatniun wakericharmiania nuna tiarmiayi. Antsu 33 uwitinkia Jesús ni unuiniamurijiai pankan yuawarmiayi tura vinoncha umararmiayi (w24.12, página 10, 11).