Yuusa chichame ti penker unuimiartasam wakerakmeka jui tana nu yainmakminiaiti.

• Yaksha itit amajtamchamniana nui unuimiatrata. Penker japimkiamunam tura tsaapin amunam nui pujusam unuimiatrata. Mesanmasha awasam turutskesha aansha penker amunam pujusam unuimiatramniaitme.

• Tuimpia amek pujusam unuimiatramniaitiam nu eakta. Jesuska Yuusan seattsa kashik nantaki wuyayi turutskesha aents atsuiniamunam aran we Yuusan seauyayi (Mar. 1:35). Ame shuarjai pujuwitkiumka turutskesha yajainsha pujuwitkiumka urutai unuimiartatam nu ujakta tura itit amajtirap tu tiarta.

• Warinkisha ikiajniakarta. Celular turutskesha tabletajai Yuusa chichame unuimiatkumka muut najanam iniaisata. Unuimiatkum pujusam warinkisha turatniunam enentaimsamka arum turatin kajinmatkij tusam anujkata. Esetram enentaimsatin tujintiakmeka tsuriasmek iniaisam aa jinkim iimsamniaitme turutskesha nakuintramniaitme.