Tuke atsakamutin Yuusa chichame amek unuimiatratin tujin wemakam? Urutainsha aintiaku nankaamasuitji. Warinkisha tuke najantai iruneawai nu najanattsar tsawan ankar najantainti. Watskea maitiaj tusar tsawan ankatniuitji, mairkia penker nekaptainti. Aintsan Yuusa chichame unuimiakrisha penker nekaptainti (Ipi. 5:26). Ju turamniaitme:

• Urutai tura urutma ekemsamunma unuimiatrattam nu aarta. Kristu aentska Yuusa chichamen tuke atsakamu unuimiatratniun penkesha kajinmatkishtiniaitji (Jir. 1:10). Urutai tura urutma ekemsamunma unuimiatrattam nu kajinmakij tusam papiinium aarmaka paant wainkiamnianum peekam iniaisata. Turutskesha urutma ekemsamunma unuimiatrattam nu nuntumsamunam ujatmakat tusam celularnum alarma apujsamniaitme.

• Unuimiakum urutma pujurtiatam tura itiura unuimiatrattam nuisha enentaimsata. Nukap unuimiatainiak penker unuimiatincha irunniuiti tura chikichkia ishichik unuimiatainiaksha unuimiajat nekapin ainiawai. Amesha itiura unuimiatramniaitiam? Urutai tura urutma ekemsamunam unuimiatrattam nu papiinium aakmesha nuisha enentaimsata. Urutma ekemsamunam unuimiatrattam nu jeakui unuimiarchamnia nekapkumka 10 minutoskesha unuimiatramniaitme. Aya 10 minutos unuimiatkumsha nukap nekaamniaitme. Ishichik unuimiatu pujusam nu nukap unuimiatratniusha wakerukminiaitme (Jir. 2:​12, 13).

• Wari unuimiatrattam nui iinkia enentaimsata. Unuimiatrattsam pujusam wariniak unuimiatrattaj tusam yama eakmeka tsawan wasurkattame (Ipi. 5:16). Warinia unuimiatrattam nu chikichkimsam anujkamniaitme. Warinmansha enentaimsamka nunanu unuimiatrattsam anujkata. Unuimia pujusam warinkisha nekaatin enentaimsamka anujkata.

• Yapajiattsam wakerakmeka yapajiata. Tuke atsakamutin unuimiatratin iniaisaip. Ame wakerakmeka urutai, urutma ekemsamunma, urutmaya unuimiatrattam tura wari unuimiatrattam nusha yapajiamniaitme.

Yuusa chichame tuke atsakamutin unuimiartinkia ti penkeraiti. Yuusa chichame unuimiatkumka Jehovai weamkam pujuttame tura penker enentaimsam warinkish najanattame. Turakum penker nekaptiatme (Jus. 1:8).