Unuimiatramu warik kajinmatu ajaukaitiam? Urutainsha mashiniu ainniuitji. Kajinmatkij tusam wari turamniaitiam? Wari nekaam nu awakeasmek iista.

Unuimiatkum unuimiatmena nui seturam enentaimsata. Ni papiin aarman ni yachi ni umaisha nuna unuimiatainian Pablo ainis turatarum timiayi. Ni junis timiayi: Tajinia nu nekaska juiti tu timiayi (Heb. 8:1 TNM). Pablo nu chichamjainkia ni timiania nuna esetrar enentaimsar tura nusha itiura nu enentainiak aujmatmia nuna nekaawarat tusa yainkiarmiayi.

Yuusa chichame unuimiatkum amustatuk ajasam wari nekaam nui enentaimsattsam 10 minutoskesha tsawan ankamniaitme. Kajinmatkimkia kajinmatkij tusam enentai patatkari irunna nu turutskesha párrafo juarmanum emka enentai aarman nukesha aujsamniaitme. Ame nekashma nekaamka ame enentaijiai itiura aujmattsamniaitiam nu titia. Unuimiarumna nu awakeasmek aujeakmeka unuimiatramui yupichuch kajinmatkishtatme tura unuimiatraitmena nu itiura ame iwiakmarmin umikminiaitiam nusha nekaattame.