Yuus enentaimtutainiam waniatai amunam nuni enkem wearmiayi, Santo tutainiam waniamunam awemiania nusha nekapkarisha urutmakia? 2023 jeatsain Traducción del Nuevo Mundo 2 Crónicas 3:4 nui TNM junis aarmauyayi: Waniatainiam amiania nuka wankantinkia Yuus enentaimtutai jeajai metekeyayi: 20 kuntuyayi tura yakirisha 120 kuntuyayi tu aarmauyayi. Tura chikich Yuusa chichame yapajin ainiaka waniatai amia nunaka 120 kuntuyayi tu aararuiti. Nuna takunka yakirinkia 53 metros timianuyayi tusa tawai.

Tura 2023 uwitin Traducción del Nuevo Mundo ataksha yapajiniakka junis aararmiayi: “yakirisha 20 kuntuyayi” tu aararmiayi. Nuka yakirinkia 9 metrosaiti. a Nusha urukamtai yapajiawarmia nu nekaawartai.

1 Akupin 6:3 nui waniatainiam amia nuna yakirinkia urutma nekapkuya nunaka aujmatsui. 1 Akupin 6:3 nui Jeremiaska wankanti tura esanti urutma nekapkait nuna aarmiayi, antsu yakininkia urutma nekapkait nunaka aarchamiayi. 1 Akupin akankamu 7 nui nekaska mash aujmateawai: mar de metal fundido nuna, diez carritos nunasha tura jimiar columna de cobre waniatairi ana nunanu aujmateawai (1 Ak. 7:​15-37). 50 metros yakiri timianai nekapkaitkiuinkia waniatai amiania nuka Yuusa jeejaisha ti yaki aminiuyayi. Jeremiassha urukamtai yakiri nekapkancha aarchamia? Nukape uwi nankaamasmatai judío aents papiin aainiak waniatainiam amiania nuka Yuusa jeejainkia ti yakichuiti tiarmiayi.

Chikich unuimiatraru armiania nu Yuus enentaimtutai jeanam waniatainiam amiania nuka ti yaki 120 kuntuyaitkiuinkia yumpuntramniuyayi tiarmiayi. Yaunchukka uunt jean jeamainiakka aya kayajai tura ladrillojai najanin armiayi. Egiptonam ni yuusrin enentaimtuiniak jea waitirin najatin armiania aitkiasan najanin armiayi. Apujamurinkia wankaram tura yakirinkia tsakap najanin armiayi. Antsu Salomón Yuusa jeen jeammiania nuka aintsanka jeamchamiayi. Chikich nuna unuimiatraruka nu jeaka wankantinkia 6 kunturi aminiaiti tiarmiayi, nuka 2.7 metrosaiti. Jea jeamtinian unuimiatra Theodor Busink junis timiayi: Salomón Yuus enentaimtutai jean jeamiania nuka ti wankarmachuyayi. Tuma asa waniatainiam amiania nuna yakirinkia 120 ti esaram achamniuyayi timiayi.

2 Crónicas 3:4 TNM awajirar aararuash tumainti. Ju akantramunmanka yaunchu chikich manuscrito aarmanumka 120 tu aararuiti tura chikich manuscrito aarmanumka nekasain 20 codos tu aararuiti. Códice alejandrino (del siglo quinto) tura Códice ambrosiano (del siglo sexto) ninkia ainis aararuiti. Urukamtai awajirar 120 kunturi apujsaruit? Hebreo chichamjainkia cien tura codos tana nuka metek takuiti. Ainis asamtai 20 kuntu apujtsuk awajirar 120 apujsaruash tumainti.

Salomón Yuus enentaimtutai jean najanamiania nu mash penker itiursauya tusar unuimiatraji. Tumaitkiusha Yuus enentaimtutai jeasha warinia iniakturma nu nekaatin imia penkeraiti. Jehová ti yuminkiaji itiurkaria ni enentiamtustiniaitiajnia nu jintinkrata asamtai (Isr. 9:​11-14; Apu. 3:12; 7:​9-17).