Yaunchukka Israel aentska nampestinian ti wakerin armiayi. Tuntuiyatniun unuimiatra tura nampestinian unuimiatra armiania nunasha Yuus papiinium aujmatui. Yuus papiinium nampetka ti nukap iruneawai. Salmos, el Cantar de los Cantares tura Lamentaciones papiikia aents nujai nampesarat tusar aararmiayi. Papii yaunchuk itiur puju armia nuna junis aujmatui: Yuus papiinium Israel aentska tuntuisar nampestinian ti wakerin armiayi tawai Music in Biblical Life (La música en la vida bíblica).

Israelitas aentska nampetan ti penker enentaimtin armiayi. Israelitas aents itiur nekapainia nuna enentaimias tuntuisar nampen armiayi (Is. 30:29 TNM). Tura uunt akupin anaikiar, Yuusa enentaimtuiniak tura meseta awakmakar nuwaka shakapjai tuntuisar nampesar wara warat jantsemin armiayi (Juec. 11:34 TNM; 1 Sa. 18:​6, 7; 1 Ak. 1:​39, 40). Yaksha jakamtai israelita aentska kuntuts pujamun enentaimsar nampen armiayi (2 Crón. 35:25 TNM). Chikich papii tishipsar nekatai junis tawai: Israelitas aentska nampetan ti nukap enentaimtin armiayi tu tawai (Cyclopedia, de McClintock y Strong).

Israelita aents uunt akupin naamkaru nampetan ti nukap enentaimtin armiayi. Uunt akupin Saúl Davidtian arpa tuntui itiursata antukta tusa untsukmiayi (1 Sam. 16:​18, 23 TNM). David uunt akupin ajas tuntuisatniun ti nukap najankamiayi tura nampestiniancha ti nukap aarmiayi nuyasha Yuus enentaimtutai jeanam aentsu irur tuntuisa nampestinian iwiarkamiayi (2 Crón. 7:6 TNM; Ams 6:5). Uunt akupin Salomonsha ni pujutairin nuwa aishmansha nampetan nekau ainiana nujai pujuyayi (Ecl. 2:8 TNM).

Israelita aentska tuntuisar nampesar Yuusan enentaimtin armiayi. Jerusalennum Yuus enentaimtutai jeanam 4.000 aents nampestinian nekainia pujuarmiayi. Ninkia címbalos, instrumentos de cuerda, arpancha, trompetancha tuntuin armiayi (1 Crón. 23:5 TNM; 2 Crón. 5:12 TNM). Chikitcha nampestinian nekainia irunmiayi. Israelita aents Jerusalennum Yuus enentaimtutainiam wenak jintia nampeki wearmiayi, nu nampetka Canciones de las Subidas nuni nekamauyayi (YKan. 120-134). Judío aents aarman israelita aentska Pascua nampernum Hallel a nampetan nampen armiayi tu aujmatui.

Yamaiya juisha Yuus nampersatin ti penkeraiti (San. 5:13). Jehová enentaimtustaj tusar namperniuitji (Ipi. 5:19). Nampetka ii yachijiai ii umaijiai iruntrar pujustinian tura itiurchat katsuntratniun yainmaji (Túr. 16:25; Kurs. 3:16). Tura Jehová anea asar nampersatin wakerutainti.