José wari itiurchatna katsuntramia? Nu nekaattsam Náṉkammari 37:​23-28; 39:​17-23 nui aujsata.

Wari nankaamamunma turunamia. Josesha urukamtai ainis itiurchat nankaamasmia? (Náṉ. 37:​3-11; 39:​1, 6-10). Urutma tsawanta ainis katsuntramia? (Náṉ. 37:2; 41:46). Nui pujumiania nuisha Jehová Josen itiur yainmia tura warinia turachmia? (Náṉ. 39:​2, 21; w23.01-S 17 párr. 13).

Tishipsam unuimiatrata. Potifara nuwe antar tsanumpramiania nuna José ayamprumakmiayi Yuusa chichamenka tatsui. Urukamtain ayamprumakchamia? (Nekatai̱n Jintinkiartin 20:2 nuya Túramuri 21:37 nui tana nujai apatkam iista). Yuusa chichamesha yaunchunia nankaamasu aujmatuk urukamtai mash tichait? (Juaṉ 21:25 nui tana nujai apatkam iista). José urukua asa itiurchatan wainkiamiania nuna katsuntramia? (Mik. 7:7; Ruk. 14:11; San. 1:​2, 3).

Wari unuimiateam nui enentaimsata. Juni animiasta:

• Kristu aents asan wari itiurchatna wainkiamniaitiaj? (Ruk. 21:​12, 16, 17; Isr. 10:​33, 34).

• Nu itiurchatan wainkian katsuntratniuncha wari yainkiamniait? (YKan. 62:​7, 8; 105:​17-19; w19.07-S 2-7).