Jusha nekaata
Warinma ekemak wean Felipe Etiopianmaya aentsun inkiunmia?
Yuus papiinium carretan aujmatna nuka manitiai tseketai tura nukap aents enkemprar wetaincha nu carretan tawai (Tur. 8:28, 29, 38). Etiopianmaya aents carretanam enkemar wemiania nuka manitiai carretan turutskesha tseketai carretanam enkemar wechamiayash tumainti antsu uunt carretanam enkemar wemiayash tumainti. Nusha urukamtai ainis taji?
Etiopianmanka ti nekaamuyayi tura arantia tamiayi. “Nú aishmaṉsha Itiupía nuṉka akupniúri̱n, ni naari̱ Kantasen takarniuyayi. Kantaseka núwa̱uyayi. Tura nú aishmaṉ ti neka asa nuna kuítri̱n íirniuyayi” (Tur. 8:27). Yaunchukka Etiopía nunkaka Sudán juarki Egipto timianai auyayi. Etiopianmaya aentska nu carretanman enkemar wechamiayash tumainti tumaitkiusha arantia winia asa warinkisha nukap itiamiayash tumainti. Yaunchukka carreta ti uunt 4 llanta takaku armiayi tura yakinisha aakmakman taku armiayi. Nuinkia nukap aentsun ju armiayi tura chikitcha aintiaku irunin armiayi. Hechos papiiniumian aujmatu nui junis aarmaiti: Nu carretanmanka nukap warinkisha chumpiawar jukiarminiuyayi tura ekemsar wemin asamtai ti aran wemin armiayi tu tawai.
Felipe inkiunmiania nuinkia Etiopianmaya aentska aujki winimiayi. Yuusa chichame tawai Felipe tsekenki we inkiunmiania nuinkia Etiopianmaya aentska Isaías papiin aujki winimiayi (Tur. 8:30). Carreta yaitiamtaichik teteer wea asamtai Etiopianmaya aentska aujki wemiayi, tumaki wean Felipe amainianmiayi.
Etiopianmaya aents Felipen wakam ekemsata tu timiayi (Tur. 8:31). Carreta suntarna a wearmiania nuinkia aya wajasar wu wearmiayi antsu untsuri aents enkemprar wetaisha a wemiayi. Nu carretanam Etiopianmaya aents Felipejai enkemprar wearmiayi.
Túramuri akankamu 8 nui paant aujmatu asamtai tura chikich aentscha nunanun penker unuimiatraru tuinia asarmatai yamaikia Etiopianmaya aents nakumeakrisha manitiai carretanam eketu nakumchaitji antsu uunt carretanam eketu nakumniuitji.