YUUS PAPII UNUIMIATRATTSAM JUTIKIAMNIAITME
Yuusa chichame iik pujusar tura ii jeen pujuiniajaisha unuimiatkur ju turamniaitji
Iruntramunam turutskesha uunt tuakmanumkesha Jehová enentaimtiniaitji. Tumaitkiusha iik pujusar turutskesha ii jeen pujuiniajaisha Yuusa chichame unuimiatkur Jehová enentaimtusminiaitji. Itiura nu turamniaitiaj nu jui aujmatui:
-
Iruntramunam unuimiatrattajnia nu unuimiatramniaitji. Nuyasha nampet nampesminiaitji turutskesha iruntramunam warimpia aujmattiasar enentaimiaj nu iwiarnarminiaitji.
-
Yuus papiinium yaunchuk nankaamasun aujmatu aujsamniaitji. Nu turar warinia aujmatea nuna nakumkamniaitji turutskesha papiinium wari unuimiaraj nuna aarminiaitji.
-
Yaunchunia aents Jehovan seainiak waritiarmia nuna unuimiatramniaitji. Iisha itiurkaria Yuus penker seamniaitiaj nui enentaimsartai.
-
Internetnum jw.org nui video irunu iisminiaitji. Tura urum wari unuimiatraj nuna aujmattsamniaitji. Turutskesha papiinium aarar anujkamniaitji.
-
Yuusa chichame etserkattsar weakur nuisha warintiataj nu iwiarnarminiaitji.
-
Jehová najankamusha iisar Jehová urukuit nu unuimiatramniaitji. Ii uchirijiai tura ii nuarijiainsha pujakur nuna aujmattsamniaitji. a
a La Atalaya marzo 2023 uwitiniu nui Conozcamos mejor a Jehová observando la creación tana nu aujsata.