1. Jehová tana nusha urukamtai umiktiniaitiaj nu apatkam aujmattsata.

 Watskea kampuniunam wakar wekaintji, uunt yawa, napi tura warinkish itiurchat amajkartusmin irunmanum wekaimniaitji. Nuyasha atajkintrar iniamnianumsha wekaimniaitji. Ainis irunmanum wekainjai nuni weakrikia shiir enentaimminiaitji. Ju nunkaka kampuntin aujmattsajnia ainis amunam wekajnia aintsaiti. Nukap itiurchat iruneawai warinkisha Yuusnumia aran amajkartusmin irunmanum pujaji. Tumaitkiusha Jehová iinkia jintiaa juramkimniaitji. Ninkia shiiram nunkanam tuke iwiaku pujuarat tusa jintiaa jurameaji.

2. Jehovasha yajainia jintintrameaj?

² Jehovasha itiura jintintrameaj? Ni chichamejai tura aintsan aishman anairamujaisha jintintrameaji. Testigos de Jehová takatrin irunturar chichamprin ainiana nujaisha penkera nuna turatniun yainmaji (Mat. 24:45). Aya nujain Jehová jintintramtsuji. Wekas iikratin tura uuntri anaikiamu ainiana nusha itiurchat wainkiarsha itiura katsuntratniuitiaj nuna jintintramainiaji tura ikiakatmainiaji. Yamaiya jui ti itiurchat amunam pujakrincha Jehová ainis yainma asakrin yuminkiaji. Ainis yainmakrin ni amikri tuke aminiaitji tura tuke iwiaku pujutin wakera asar kakaki weminiaitji.

3. Yamaisha wariniua unuimiatrattaj?

³ Jehová tana nu umiktin itiurchat aminiaiti, jintintramainiajnia nu iiya aintsan tunaarintin asarmatai umirkatin itiurchat aminiaiti. Ni turamainiajnia nu nekasash yainmakminiaitiaj tu enentaimminiaitji. Nuyasha ni turamainiajnia nu iijiainkia penkercha ainis enentaimiu asar Jehovasha  itiurkan ainis timiniait tu enentaimminiaitji. Ainis enentaimkiurkia ju kajinmatkishtiniaitji: nekas iismaka Jehová jintintramji nuya ni jintintramajnia nu umiktasar kakakrikia penker pujustatji. Ainis tuke enentaimsatai tusar ju nekaattaji: 1) yaunchuksha Jehová niniu armiania nuna itiura wain wemia, 2) yamaisha itiura waitmaj, 3) ni tana nu umirkatniusha urukamtai penkerait.

JEHOVÁ ISRAEL AENTSUN PENKER WAINKIAMIAYI

4, 5. Israel aentscha Moiseska Yuus anaikiamuyania nunasha itiura nekaawarminiuya? (Nakumkamusha iista).

⁴ Egiptonmaya jikiarat tusa Jehová Moisesan anaikiamiayi. Jehová Moisesan anaikiauyania nuna Israel aents nekaawarat tusa tsawaikia yuranmin tura kashikia ji kean eem apujsamiayi (Jiin. 13:21). Moisés Israel aentsjainkia ji kean apapekiar mar Rojo timianai jeawarmiayi. Israel aentska Egiptonmaya suntar ukunmaninkia apapeki winiam tura eemsha mar Rojo aa asamtai ti sapijmiakarmiayi tura sapijmiainia asar Moisesan nankamas tiarmiayi. Israel aentsun uwemtikrartasa Jehová Moisesan nuni jukiarta timiayi (Jiin. 14:2). Israel aentsun uwemtikrartasa aentstikia turachminian Jehová turamiayi (Jiin. 14:​26-28).

⁵ 40 uwi yurankim eem wajai weakui Moiseska Israel aentsun nuni yaruak wu wumiayi. a Moisés pujamunam yurankim waja jua wemiayi, Israel aents nuna wainkiarat tusa Jehová ainis turu wemiayi (Jiin. 33:​7, 9, 10). Nu yuranminiam Jehová Moisesjai aujmat wemiayi tura iiksan Moisés Jehová timian Israel aentsun uja wearmiayi (Sal. 99:7 TNM). Ainis nankaama asamtai Israel aentska Jehová Moisesnaka anaikiaiti tu tiarminiuyayi.

6. Jehová Moisesan anaikiaitkiusha Israel aents urukawarmia? (Wekasarma 14:​2, 10, 11).

⁶ Moisesan Jehová anaikia asamtaisha Israel aentska Moisesnaka nakitrarmiayi (Wekasarma 14:​2, 10, 11 aujsata). Moisesan arantuiniachu asarmatai nu aentsnaka Jehová Canaán nunkanmanka ejecharmiayi (Wek. 14:30).

7. Ya Jehovan umirkarmia? (Wekasarma 14:24; nakumkamusha iista).

⁷ Chikichkia Jehová taman uminiash irunmiayi. Jehová Caleb naartinian penker enentaimias takamtsuk umirtukuiti timiayi (Wekasarma 14:24 aujsata). Tuma asamtai Canaán nunkanam jea tuimpia pujustasa wakerimia nuna iis pujusat tusa Jehová tsankatkamiayi (Jos. 14:​12-14 TNM). Arum akiniawarmiania nusha Caleb turamiania aitkiasan turuiniasha irunmiayi. Josuencha Jehová anaikia asamtai ni jaamam tuke umirkarmiayi (Jus. 4:14). Josuen umirkaru asarmatai Jehová Israel aentsun iwiakuk Canaán nunkanam ejewarmiayi (Jos. 21:​43, 44 TNM).

8. Israel aents uunt anaikiamu pujuarmiania nuisha Jehová Israel aentsun itiura penker wainkiarmia? (Nakumkamusha iista).

⁸ Nuyasha Jehová Israel aentsnum chichaman iwiarin arat tusa aishmankan anairamiayi. Ukunmatai nu takatnaka Yuusna etserin armiania nuna susarmiayi. Nu tsawantinkia uunt anaikiamu Yuusan umiriarmiania nuka Yuusnan etserniun anturin armiayi. Davidcha Natán kakaram chicharkam nankaamantu  enentaimtsuk anturkamiayi (2 Sa. 12:​7, 13; 1 Crón. 17:​3, 4 TNM). Jehosafatka Yuusna etserin Jahaziel timiania nuna anturkamiayi tuma asa Judá nunkanam matsamiarmiania nuna Yuusna etserin ainiana nu tuiniamu anturkatniuitji tu timiayi (2 Crón. 20:​14, 15, 20 TNM). Ezequiassha aintsan ti itiurchat amiania nui Isaías yainkiat tusa aujsamiayi (Is. 37:​1-6 TNM). Uunt naamkaru armiania nuka Jehová taman uminia asarmatai Jehovasha yaya wearmiayi (2 Crón. 20:​29, 30 TNM; 32:22 TNM). Niniun etserin armiania nujai Jehová Israel aentsun wainmiania nuka ti paantauyayi tuma amunman nukap uunt naamkaru tura Israel aentscha Yuusna etserin armiania nu taman anturkacharmiayi (Jrm. 35:​12-15).

YAUNCHUNIA KRISTU AENTS ARMIANIA NUNASHA JEHOVÁ ITIURA PENKER WAINKIARMIA?

9. Yaunchunia Kristu aents armiania nuna Jehová itiur wainmia? (Nakumkamusha iista).

⁹ Yaunchuk Jehová Kristu aentsun winiaru arat tusa irurmiayi. Nuna tura Kristu aentsun wainkiat tusa Jesusan anaikiamiayi (Ipi. 5:23). Jesuska Kristu aentsun chikichkimias warinia turatniuit nuna tu wechamiayi. Tumaitkiusha apóstoles armiania nujai tura Kristu aentsun wainin armiania nu Jerusalennum matsamiarmiania nujaisha jintin wearmiayi (Tur. 15:​1, 2). Nuyasha Kristu aents matsamiarmiania nuisha nin wainkiarat tusa uuntri anairamusha irunmiayi (1 Tis. 5:12; Tit. 1:5).

10. a) Juni turatniuitrume tusar chichaman akuptukaram Kristu aentscha itiurkarmia? (Túramuri̱ 15:​30, 31). b) Niniu armiania nuna wainkiarat tusa Jehová anaikiarmiania nuna chikichkia urukamtai nakitrarmia? ( Aishman Yuus anairamuka atsawai tu enentaimiainiash irunui tana nui iista).

¹⁰ Kristu aentscha warinia turawartiniuya nuna ujakaram urukawarmia? Wakerusmajai umikiarmiayi. Ti penker ikiakararam warasarmiayi (Túramuri̱ 15:​30, 31 aujsata). Jehová yamaiya juisha niniu ainiana nunasha itiura wainiainia?

YAMAIYA JUISHA JEHOVÁ ITIURA WAITMAJ

11. Yamaiya juisha Jehová niniu ainiana nuna penker wainkiattsa itiurkait nu aujmattsata.

¹¹ Yamaiya juisha Jehová ni chichamejai tura ni uchiri Jesusjaisha jintintrameaji.  Yamaisha iin waitmakarat tusa anairamun Jehová takakeawash? Ee takakeawai. 1914 jeakui warinkish turunattawai Charles Russell tura nijiai takakmainiasha tu tiarmiayi (Tan. 4:​25, 26). Nunasha itiura ainis nekaawarmia? Yuusa chichamen unuimiatrar nekaawarmiayi. Ainis penker nekaawarat tusa Jehová yainkiarmiayi. 1914 uwitin Jesús nayaimpiniam uunt ajas ekemsamiania nu paant nekanamiayi tuma asamtai ashi nunkanam maaniamu, sunkur, ti uurmasha tura tsukasha amiayi (Ruk. 21:​10, 11). Niniu armiania nuna yainkiartaj tusa nu aentsun yainmiania nu paant nekanamiayi.

12, 13. Meset akuisha nu nukap etserkatai tusar ii yachi warinia najanawarmia?

¹² Ataksha ashi nunkanam maaniamu amiania nui nankaamasmiania nu aujmattsatai. Testigos de Jehová takatrin irunturar chichamprin armiania nuka Apukarípsis 17:8 nuna unuimiatrar maaniamu amukamtainkia Armagedonka achattawai antsu maaniamu atsa asamtai chikich aentscha Yuusa chichame ujaktin atiniuyania nuna nekaawarmiayi. Tuma asamtai chikich nunkanmasha misionero anaikiar akupkartai tusar Colegio Superior Bíblico de la Watchtower de Galaad b nuna najanawarmiayi. Tura meset amiania nuisha ii yachi ii umai chikich nunkanam akupnakarmiayi. Yuusa chichamen penker etserkatniun unuimiatrarat tusar Curso en el Ministerio Teocrático c tu naartinian najanawarmiayi. Nujai Yuusa chichame etserkatniun unuimiatrarmiayi.

¹³ Nankaamasmiania nujai Jehová ni aentsrin penker wainniuana nuna nekaamji. Meset amukamtai testigos de Jehová yupichuch tuinsha etserkatniun juarkiarmiayi. Nuna turawaru asarmatai nukap aents Jehovan nekaawaruiti tura tui tuinsha Yuusa chichame etsereaji.

14. Aishman anairamu ainiana nusha urukamtai umirkartiniaitiaj? (Apukarípsis 2:1; nakumkamusha iista).

 ¹⁴ Testigos de Jehová takatrin irunturar chichamprin ainiana nuka Jesús yainkratkat tusar seainiawai. Ni tuiniana nuka Jehová nuya Jesús wakeruiniana aintsan ati tusar wakeruiniawai. Ni yachi ni umaisha warinkish itiura turawartiniait nunaka uuntri ainiana nu tura wekas iikratin ainiana nu tiniu ainiawai. d Uuntri anaikiamu nayaimpiniam weartin ainiana nuka nuya chikich uuntri anairamusha Jesusa untsu uwejen pujuiniana ainis pujuiniawai (Apukarípsis 2:1 aujsata). Ninkia tunaarintin asar awajirarminiaiti. Moisés, Josué tura Jesusa unuiniamuri nusha ainis awajirarmiayi (Wek. 20:12; Jos. 9:​14, 15 TNM; Rum. 3:23). Jesuska testigos de Jehová takatrin irunturar chichampruiniana nuna tura uuntri anairamu ainiana nuna emtuki juawai, aitkiasan ju nunkanam yajauch irunna nu amumam turuki wetatui (Mat. 28:20). Tuma asamtai ya emtuki jua nu neka asar aishman anairamu ainiana nu umirkartiniaitji.

JEHOVÁ TANA NU NAJANATNIUKA PENKERAITI

15, 16. Yuusnan nukap yaimkiatai tusar najanawaruana nuna wari nekaamniaitiaj?

¹⁵ Jehová tana nu umiakrikia yamaisha penker pujuttaji. Andy ni nuari Robyn naartinjiai warumchijiain iwiaku pujustai tusar aujmattsarmiayi (Biblia de Estudionam Mateo 6:22 nui segunda nota de estudio ana nu iista). Tuma asar Yuus enentaimtutai jea najanmanum yaimkiarmiayi. Robyn junis tawai: jea uchichiniam nukape pujusuitji, tura nuinkia apatuk tui awitniuit nuka atsuiniamunmasha pujusuitji. Foto jusatniun ti wakeriniaitjiai tumaitiatan camaran takurmakman surukmiajai. Nuna surakun uutmaitkia surukmiajai tumaitkiusha Abrahanka nuari Sara turamiania aintsan wisha turatniun enentaimmiajai tu tawai (Isr. 11:15). Ni turawarmiania nui enentaimsar kuntuts pujuiniawak? Atsa. Ii umai junis tawai: Ii takakeajnia nujai Jehová enentaimta asar ti waraji. Jehovanu najankur shiiram nunkanam Jehovanu najanatin uruku  atata nui enentaimiaji tu tawai. Ni aishri Andysha junis tawai: Yuusna nu najanatin timia penkeraiti ainis tawai.

¹⁶ Jehová tana nu umiktin urukamtai penkerait nu chikitcha nekaatai. Ii umai Marcia naartin turamiania nu nekaatai. Ni unuimiamun amuk precursora ajasmiayi (Mat. 6:33; Rum. 12:11). Ni junis tawai: uunt unuimiatainiam aintiuk uwi unuimiartin beca jintiurkimiai. Tumaitkiusha Yuusnan yaimkiattsan wakera asan warinkisha najanan nujai iwiaku pujutniunka waitmaktasan ishichik unuimiarmajai. Nuna tura asan ti warajai. Yamaikia precursora regular ajasuitjiai tura ankantan nukap takaku asan Betelnum yaimkiamniaitjiai.

17. Yuus tana nu umiktin urukamtai penkerait? (Isaías 48:​17, 18 TNM).

¹⁷ Warinkish ikiaunkatin aya nuke enentaimsashtiniaitji turutskesha Jehová nakitiana nu najanashtiniaitji tu jintinkratmasha unuimiat wemaji. Yuus tana nu umiakrikia penker nekaptiatji tura nankamsar itiurchatnum enkemkar waitsashtatji (1 Ti. 6:​9, 10). Ainis turakur Jehovanu warinmansha ti nukap yaimkiattaji. Yuusna najanu asar warakur shiir nekaptiatji (Isaías 48:​17, 18 TNM aujsata).

18. Ameja urukamtaiya Jehová tana nu tuke umirkatin wakeram?

¹⁸ Jehovaka ti waitsatin tsawan atatna nuisha aishman anairamujai iin waitmaktatji tura mil uwi Jesús uunt ajas pujuttana nuisha aintsan turattawai (YKan. 45:16). Nu tsawantincha ii wakerajnia nu turutsuk Jehová nekaska umirkatjiash? Yamaiya jui umiakrikia uruma nuisha aitkiasrik umiktatji. Tuma asamtai Jehová tana nu umirkartai tura aishman anairamu ainiana nusha umirkartai (Is. 32:​1, 2 TNM; Isr. 13:17). Jehová tana nu umireakur tunaanum iniarchattaji. Nuyasha shiiram nunkanam tuke iwiaku pujuttaji.