1, 2. a) Kristu aents Efesonam pujuarmiania nuna Pablo urutai, tuimpia tura urukamtai aatrarmia? b) Wari anintramu nekaattaj?

 Pablo Romanam achikma pujus ni yachi ni umaincha ikiakarartasa wakerimiayi tuma asa papiin aatrarmiayi. Ni yachi ni umaincha Efesonam pujuiniancha papiin aatrarmiayi 60 turutskesha 61 uwitin nui aatrarmiayash tumainti (Ipi. 1:1; 4:1).

² Pablo Yuusa chichamen Efesonam etserkamuka 10 uwi nankaamasuyayi (Tur. 19:​1, 8-10; 20:​20, 21). Ninkia ni yachi ni umain ti anenuyayi tuma asa Yuusan tuke umirkarat tusa yaintasa wakerimiayi. Kristu aents nayaimpiniam weartin armiania nuna papiin aatainiak Pablo urukamtaiya kiritniujai tura tsaapniujai apatak timia? Nayaimpiniam weartin armiania nuna chicharkarmiania nujaisha iisha wari nekaamniaitiaj? Nu anintramuka yamai nekaattaji.

KIRITNIUNMAYA JINKIAR TSAAPNINIAM WEKAINIA AINIS AJASARMIAYI

3. Ipisiunam akankamu 5 nuisha Pablo warinia apatak aujmattsamia?

³ Kristu aents Éfeso nunkanam pujuarmiania nuna Pablo junis timiayi: “Yáunchuka atumsha kiritniunam wekainiuyarme. Tura yamaikia Krístuja̱i̱ tsaniṉkiu asarum péṉker tsáapninium wekaarme” tu timiayi (Ipi. 5:8). Kristu aents Éfeso nunkanam matsamiarmiania nu ni iwiakmarin itiura yapajiawaruya nuna nekaamtikiawartasa Pablo kiritniujai tura tsaapniujai apatak aujmattsamiayi.  Atumka kiritniunam wekainiuyarme urukamtai ainis timia nu emka nekaatai.

4. Efesonmaya aentska nekas Yuusan nekachu armiayi urukamtai ainis taji?

⁴ Nekas Yuusan nekachu armiayi. Nekas Yuusan nekachu armiania nui Efesonam matsamiarmiania nuka antar yuusan enentaimtin armiayi tura magianuncha nekasaiti tu enentaimin armiayi. Efesonmanka Ártemis enentaimtutai jea najanamu amiayi, nu jeaka ti uunt penker jeammauyayi. Nuinkia estatua irunmiania nuna enentaimtin armiayi. Nu jean uchichichin najanawar suruiniasha irunmiayi, nuna surukar nukap kuitian wainin armiayi (Tur. 19:​23-27). Tura aintsan nui pujuiniaka magianun unuimiatra armiayi (Tur. 19:19).

5. Efesonmaya aentska aya yajauchiniak najanatin enentaimin armiayi urukamtai ainis taji?

⁵ Aya yajauchinman enentaimin armiayi. Efesonmaya aentska tsanirmatniush armiayi tura yajauchin najanainiaksha natsancha armiayi. Nakumsar iniakmameamun najanainiaksha tsanirmamun nakumsar najanin armiayi. Ni yuusrin enentaimtuiniaksha tsanirmatniun pachisar najanin armiayi (Ipi. 5:3). Natsantinkia atsuarmiayi tawai Yuus papii (Ipi. 4:​17-19). Nuna takunka aentska yajauchin najanainiaksha itit enentaimcha armiayi. Ii najaneajnia nunaka Yuus mash iiyawai tuksha enentaimcha armiayi. Yajauchia nunasha tura penkera nunasha nekatniun tujintin asarmatai Pablo nu aentsun junis tiarmiayi: “Ni enentái̱n kusuru áiniak Yusna nuna nekaatniun wakeruiniatsui. Tuma ásar shiir wekasatniun, Yus amaana nuna, nékainiatsui” tu tiarmiayi.

6. Efesonmaya Kristu aentsun penker tsaapninium wekaarme Pablo urukamtai tu tiarmia?

⁶ Efesonmaya Kristu aents armia nu yajauchia nuna najanatniun iniaisaru asarmatai Pablo nu aentsun junis tiarmiayi: “Tura yamaikia Krístuja̱i̱ tsaniṉkiu asarum péṉker tsáapninium wekaarme” tu tiarmiayi (Ipi. 5:8). Jehová jintintiamu asar tsaapniniam wekainia  ainis armiayi (YKan. 119:105). Antar yuusan enentaimtamuncha iniaisarmiayi nuya tsanirmatniusha iniaisarmiayi. Yuusan umirkattsar ti kakararmiayi (Ipi. 5:1).

7. Efesonmaya Kristu aents najanawarmiania aintsan iisha wari najanaitiaj?

⁷ Yaunchukka Yuusnanka penker nekachuyaji tura yajauchin najanatniuncha enentaimniuyaji. Yaunchuk antar religionnumia nampernum pachiniainiash nuya tsanirmatniun iniaisarusha testigo de Jehová ajasaruiti. Testigos de Jehovatikia yaunchuk yajauchia nu najanaitkiursha Yuusna penker nekaar ii iwiakmarincha yapajniayaitji, nu tura asar yamaikia ti penker pujaji (Is. 48:17 TNM). Yuus umireakur tsaapniniam wekajnia ainis wekasatniuka yupichuchichuiti. Antsu Yuus tuke umirkattsar wari itiurkatniuitiaj nu nekaatai.

KIRITNIUNAM WEKAINIANA AINIS WEKASACHARTAI

8. Ipisiunam 5:​3-5 tana aintsan Efesonmaya Kristu aents armia nu warinia kishmakartiniuya?

⁸ (Ipisiunam 5:​3-5 aujsata). Efesonmaya aents aya yajauchinman enentaimiarmiania aintsan enentaimsaij tusar Kristu aentska ti kakarartiniuyayi. Tsanirmatniunka nakitrartiniuyayi tura tsanirmatniunu aujmattsatniusha kishmakartiniuyayi. Antsu nuna turaka “Yusai̱ Kristu akupea nui̱ peṉké pachinkiachminiaiti” Pablo Efesonmaya Kristu aentsun tu tiarmiayi.

9. Tsanirmatin kishmaktai tusar wari itiurkatniuitiaj?

⁹ Yuus papiiniumka “Kiritniunam wekainia nu túramu pachisairap” tana nu umirkattsar kakartiniaitji (Ipi. 5:11). Tsanirmatniunu iiyaka nuya nuna aujmatun antaka turutskesha aya nunak aujmateaka tunaanum iniarminiaiti (Naṉ. 3:6; San. 1:​14, 15). Ii yachi ii umai chikich nunkanmania urukawarmia nu nekaatai. Ninkia aujnaisatai tusar internetnumani aujmattain najanawarmiayi. Yama nankamtaikkia aya Yuusnanak aujmatin armiayi tumaitkiusha tsawan nankaamaki weakui tsanirmatniunu aujmattsatniun juarkiarmiayi. Aya nunak aujmatu pujusar tsanirmatniunam iniararmiayi.

10. Iwiancha warinia nekaatniun tujinkiarat tusa wakeriniait? (Ipisiunam 5:6).

¹⁰ Iwianchkia tuit penkera nu tuit yajauchia nunasha nekaatniun tujinkiarat tusa wakeriniaiti (Isa. 5:20; 2 Kur. 4:4). Jehovaka warimpia yajauch ainia nuna turamniuitji. Tumaitkiusha ju nunkanmaya aentska nuka yajauchichuiti tu enentaimsarat tusar wakerin ainiawai (2 Pit. 2:19). Tuma asar peliculanmansha televisionnumsha nuya internetnumanisha Jehová nakitiana nuna iniankau ainiawai. Yuusan umirtsuk nankamsar ii iwiakmarin najankursha penker warasar pujuttaji iwianch tu enentaimsarat tusa wakerawai (Ipisiunam 5:6 aujsata).

11. Ii umai Angela nankaamasmiania nui enentaimsar Ipisiunam 5:7 nui tana nuka umiktiniaitji urukamtai taji? (Nakumkamusha iista).

¹¹ Iwianchkia Yuusan umirkatniun iniaisarat tusa yajauch aentsjai nawamnaikiarat tusa wakerawai. Tuma asamtai Pablo yajauch aents penke pachischatniuitrume tu tiarmiayi (Ipi. 5:7). Efesonmaya Kristu aents anearar wekasarmiania aitkiasrik iisha anearar wekasatniuitji. Yajauch aentska tui tuinsha wainkiamniaitji tura internetnumanisha  nu aentsjai yupichuch mai aatnaiya ajamniaitji. Ii umai Asianmaya Angela a naartin urukamia nuna nekaatai. Ninkia junis tawai: Aya internetnak pujursan wi enentaimmiancha yapajiamiajai internetnumani yajauch amikrun takaku asan ni najanmarin iisan nuka yajauchichuiti tu enentaimtutan juarkimiajai. Nekasash penker pujustasar Jehová umirkatniuitiaj tu timiajai tu tawai. Uuntri anairamu yainkiaram ii umainkia ni enentaimmiam yapajiamiayi. Yamaikia ii umai aya internetnumani aujmatu pujutsuk nekaska Yuusna nuna najankun ti shiir enentaimiajai tu tawai.

12. Yuus tana nu umirkatai takurkia wari itiurkatniuitiaj?

¹² Chikich aentska yajauchia nuna najanainiaksha penkera nuna najanainia ainis enentaimin ainiawai tura iikia tuka enentaimsashtiniaitji (Ipi. 4:​19, 20). Takatnumia airjai turutskesha unuimiatainmaya airjaisha nuyanchuka chikich aents yajauchin najanainiajai nawamnaiyajak tu enentaimsatniuitji. Yajauchia nuna nakitiakui ameka mash yajauch iiniaitme turutainiakuisha ashamtsuk Jehová wakerana nuna najanniukaitiaj tusha enentaimsatniuitji. Tura aintsan 2 Timiutéun 2:​20-22 tana aintsan Yuusa iruntramurin ii amikri penker armin eakartiniaitji. Mashikia Yuus umirkatniun yainmakcharminiaitji.

TSAAPNINIUM WEKAINIANA AINIS WEKASARTAI

13. “Shuar tsáapninium wekainia nuja̱i̱ métek wekasatarum” Pablo urukamtai tu timia? (Ipisiunam 5:​7-9).

¹³ Efesonmaya Kristu aentsun chikich aents kiritniunam wekainiana ainis wekasairap Pablo tu tinia amik “Shuar tsáapninium wekainia nuja̱i̱ métek wekasatarum” tu tiarmiayi (Ipisiunam 5:​7-9 aujsata). Tuke tsawan Jehová wakerana ainis turatniuitrume tusa Pablo tu timiayi. Iisha Pablo timiania nu umiktai tusar tuke tsawan Yuusa chichame  unuimiatratniuitji tura papii Yuusna aujmatainiamu najanamu irunna nusha aujsatniuitji. Yuusa chichame unuimiatkur Jesús itiurmia nu nuya warinia jintinkratmia nui imiankaska enentaimsatniuitji. Jesuska tsaapninia aintsan aentsu enentain paant awajniuiti tawai Yuus papii (Juaṉ 8:12; Neka. 6:23).

14. Yuus ni kakarmarijiai itiur yainkratniuit?

¹⁴ Ju nunkanam ti nukap yajauch irunkuisha Yuus ni kakarmarijiai yainmakrin tuke umirkamniaitji (1 Tis. 4:​3-5, 7, 8). Tura aintsan shiir awajkartin tura nekas chichamtin atinian nuya penkera nuna turin atinniasha Yuus ni kakarmarijiai yainmakminiaitji (Ipi. 5:9).

15. Yuus ni kakarmarin surusat takurkia wari itiurkatniuitiaj? (Efesios 5:​19, 20 TNM).

¹⁵ “Atumi apari nayaimpiniam pujana nusha seamka ni kakarmarin amastatrume” Jesús tu timiayi (Luc. 11:13 TNM). Yuus ni kakarmarijiai yainkratkat tusar seatniuitji. Tura iruntainmasha ii yachi ii umaijiai irunkurin Jehová ni kakarmarijiai yainmaktatji (Efesios 5:​19, 20 TNM aujsata). Yuus ni kakarmarijiai yainmakrin ii iwiakmarincha penkera nu najanattaji.

16. Penker enentaimsar warinkish turatai takurkia wari itiurkatniuitiaj? (Efesios 5:​10, 17 TNM).

¹⁶ Warinkish najanataj takurkia iinkia Jehová warinia najanawarat tusa wakera nu nekaar turatniuitji (Efesios 5:​10, 17 TNM aujsata). Ii wari najanattsar wakeraj nunanu Yuus papiinium unuimiatkurkia Jehová warintia enentaimia nu nekaattaji. Tura nu nekaar penker enentaimsar warinsha turattaji.

17. “Ashí tsawant péṉker túramnia nu wasurkairap” Yuus papiinium tana nu umiktai tusar wari itiurkatniuitiaj? (Ipisiunam 5:​15, 16, nakumkamusha iista).

¹⁷ “Ashí tsawant péṉker túramnia nu wasurkairap” Pablo Efesonmaya Kristu aentsun tu tiarmiayi (Ipisiunam 5: 15, 16 aujsata). Yuusna nunaka pujurtsuk warinkish aya nunak pujursarat tusa iwianch wakerawai (1 Juaṉ 5:19). Ju nunkanmanka Jehovanu warik kajinmatkimniaitji nuya kuit turutskesha warinkish ikiaunkatin aya nuke pujursatin juarkimniaitji. Aya unuimiatak turutskesha aya takatak pujursatin juarkimniaitji. Nu najanatniuka yajauchichuiti tumaitkiusha Jehovanu najantsuk aya nuke najanatniuka yajauchiti. Iish ainiakrikia chikich aents enentaimiainiana ainis enentaimiu asar ainis turatin juarkimniaitji. Yuus papiinium ashi tsawan penker turamnia nu wasurkairap tana nu umiktai tusar Yuusna nu emka najanatniuitji.

18. Ii yachi Donald Yuusna nu nukap yaimkiattsa warinia turamia?

¹⁸ Yuusna nu nukap warinmansha yaimkiatin enentaimsartai. Ii yachi Donald naartin ainis turamiayi, ninkia Sudáfrica nunkanam pujuwiti. Ni junis tawai: Yuusa chichame etsermanum nu nukap yaimkiamniashitiaj tusan Yuusan seamiajai. Yuusa chichame etserkatniun ankan takustasan takat penkeran waitmaktin yainkiata Jehovan tu seamiajai. Tura nu takatan waitmaktinian Jehová nekas yainkiamiayi. Nuna turan winia nuarjai Yuusna nuna nu nukap najanatniun juarkimiajai tu tawai.

19. Tsaapninium wekainiana ainis wekasatai takurkia wari itiurkatniuitiaj?

¹⁹ Pablo Efesonmaya Kristu aentsun papii aateak timiania nuka iincha yainmakminiaitji. Pablo timiania nu neka asar internetnumsha aya penkera nuke najanattaji tura ii amikri penker ainia wainkiatai tusar eakartatji. Pablo timiania nuka Yuusa chichame unuimiatratniuncha ikiakatmaji tura tsaapninium wekainiana ainis wekasatniuncha ikiakatmaji. Nuyasha Yuus ni kakarmarijiai yainmakrin penker aents ajaki weminiaitiajnia nunasha jintintramji. Pablo timiania aintsan warinkish najankur penker enentaimsar najanattaji. Nu mash turakrikia kiritniunam wekainiana ainis wekatsuk antsu tsaapninium wekainiana ainis atatji.