Jesús ii tumashrin akikmaku asamtai Yuus ii maakcharin tsankurtampramniaitji (Ipi. 1:7). Tura aintsan yaunchunia aujmatuk Yuusa chichamenka junis tawai: “Yuuska katsuntin asa yaunchuksha aentsu tunaarin tsankurarmiayi” tu tawai (Rom. 3:25 TNM, nota). Jesús aentsu tunaarin akikmaktasa jatsain Yuuska aentsu tunaarin tsankuratniun juarkimiayi. Yuussha urukamtai ainis turamia?

Adanka tumashrin ya akikmaktiniuya nuna Jehová yaunchuk etserkamiayi tuma asa Jehovaka Jesús aentsu tumashrin akikmakua ainis enentaimmiayi (Naṉ. 3:15; 22:18). Jesús aentsu tumashrin akikmaktaj tusa jakatniuyania nuna Jehová paant nekamiayi (Kar. 4:4; Isr. 10:​7-10). Jesús Yuusa uchirinti tu enentaimiainian Jesuska ni tunaarin tsankurarmiayi. Aentsu tunaarin tsankurat tusa Jehová Jesusan anaikiamiayi. Tuma asa Jesuska aentsu tumashrin akikmaktasa jakatin asa aentsu tunaarin tsankurarminiuyayi (Mat. 9:​2-6).