Jesús jakamu enentaimtustatji
Sawartin 12 de abril 2025tin atatui
Jesús winia jakamur enentaimtursatarum timiayi. Tuma asamtai tuke uwitin testigos de Jehová Jesús jakamu enentaimtustai tusar irunin ainiawai. Jesús junis timiayi: “Winia jakamur enentaimtakrum jutiksarmek turuki wetarum” (Lucas 22:19 TNM).
Amesha nui pachinkiamnium tusar ipiamaji.
Nekaattsar wakeramu
Urutma tsawanta pujurin ainia?
Chikichik hora pujurtainti.
Tuin najannat?
Tuin iruntrartata nu nekaattsam testigo de Jehová aniasta.
Nui enkematin kuitiashit?
Atsaa.
Kuitian seamin ainiawak?
Atsaa.
Itiur iwiarmamprar wetiniaitiaj?
Testigos de Jehovatikia pushi ti shiirmach entsartiniaitrume tichaitji, antsu Yuus papii tana aintsan pushi penker wapikchan entsawitji (1 Timiutéun 2:9, 10). Pushi ti kuitjiai sumakma entsartiniaitji tichaitji.
Nuisha warinia najanin ainia?
Nampesar juartainti tura arum testigo de Jehová Yuusan seawiti. Nuyasha Yuusa chichamejai Jesús urukamtai jakamia nuna jintinkratma antutainti. Tura nuinkia Yuus Jesusjai iin yainmaktajtsar najanawarmiania nuna antutainti. Amuakur ataksha nampesar nuya Yuus seatainti.
Nukap nekaattsam wakerakmeka ju aujsata: Urukamtai testigos de Jehová Jesús jakamu enentaimtamun chikich religionka ainis najancha ainia?
Jesús jakamu enentaimtamusha urutainin ati?
2025: sawartin 12 de abril.
2026: jueves 2 de abril.
Jusha awai
MEMORIAL
Jesús jakamu enentamtusartai
Nuú tsawant timia shiir asamtai, amesha nui pujumnium tusar ipiamaji. Jesus turamuri tura ni jakámurisha amincha itiurá yainmakminiait nu nekaattame.
ENSEÑANZAS IMPORTANTES DE LA BIBLIA
¿Jesús urukamtai jakámia?
Jesuska ii tunaarin akikmaktasa jakamiayi tama antukchashitiam. Tumaitkiusha nekasash chikichik aents jakamu untsuri aentsu tunaari akikmaktinian yainminiait?