LECCIÓN 01

¿Ndixi chindeé Tu̱ʼun Ndio̱s miíní?

JÁ KUU KANDE̱ʼÉ NÍ ÑA̱ NUU̱

Kuaʼa̱yó ndakatu̱ʼúnyó miíyó ndiva̱ʼa ta̱kúyó, ndiva̱ʼa ndóʼo iniyó, ndiva̱ʼa xiʼi̱yó ta ndíki̱án va̱xi koo chínuu̱. Janí ndíʼi iniyó saʼa̱ ña̱ ndóʼoyó kivi̱ ta kivi̱, tátu̱ʼun ndixi kéeyó jaá niʼi̱yó xu̱ʼún o ndixi kéeyó jaá kandoyi va̱ʼayó xíʼín na̱veʼeyó. Kuaʼa̱ na̱yivi kundaa̱ inina ña̱ nuu̱ Tu̱ʼun Ndio̱s va̱xi respuesta sa̱ʼá ña̱yóʼo ta xíʼoña̱ consejo va̱ʼa nuu̱yó jaá kandoyi va̱ʼayó. ¿Á káʼánní ña̱ jánaʼa̱ Tu̱ʼun Ndio̱s kuu chindeéña javaka̱ na̱ náʼání?

1. ¿Ndiku̱ú chááka̱ ña̱ʼa xíʼo Tu̱ʼun Ndio̱s respuesta saʼa̱?

Tu̱ʼun Ndio̱s xíʼo respuesta nuu̱ pregunta ndayaʼvi tátu̱ʼun ña̱yóʼo: ¿ndixi ni̱kuu ni̱kusáʼá ndóyiyó?, ¿ndá chúun ndóyiyó yóʼo?, ¿ndiva̱ʼa ndóʼo ini na̱yivi va̱ʼa?, ¿ndíki̱án ndóʼona tá xiʼi̱na?, ¿ndiva̱ʼa ió tei guerra ta ndijaá na̱yivi kutoó kandoyi va̱ʼa? ta ¿ndíki̱án ndóʼo Ñúʼu̱ Ndeʼi̱ ndóyiyó yóʼo? Tu̱ʼun Ndio̱s káʼa̱n ña̱ ná nandukúyó respuesta va̱xi nuu̱ña, millón na̱yivi sa̱ni̱nandukúña kujii̱ ndiva̱ʼo inina xíʼín ña̱ ni̱naniʼi̱na.

2. ¿Ndixi chindeé Tu̱ʼun Ndio̱s yó jaá kandoyi va̱ʼayó ndijaá kivi̱?

Tu̱ʼun Ndio̱s xíʼo consejo va̱ʼa. Tátu̱ʼun, ndíki̱án kánian kée ndijaá na̱veʼe jaá kandoyi ñúchí ndísana. Janí chindeéñayó jaá ná o̱nákani kuaʼa̱ tei iniyó ta ná kujii̱ iniyó xíʼín chúun kéeyó. Tá ki̱ʼa jákuáʼayó ña̱yóʼo kuaʼa̱nyó, kuu kati̱ʼa chááka̱ní ña̱ káʼa̱n Tu̱ʼun Ndio̱s sa̱ʼá ña̱yóʼo xíʼín javaka̱ ña̱ʼa. Jaá kundaa̱ va̱ʼa ininí “ndidaá to̱ʼon tándaa noo̱ tuti ii̱ ná [kúú Tu̱ʼun Ndio̱s] [...] ta to̱ʼon yóʼo kía̱n va̱ʼan” (2 Timoteo 3:16).

Publicación yóʼo ko̱ kúúña Tu̱ʼun Ndio̱s. Jo kuu, chideéña miíní jaá kundaa̱ va̱ʼa ininí saʼa̱ña. Sa̱ʼá ña̱yóʼo xíka̱ndu̱ nuu̱ní ña̱ nandukúní ndijaá texto va̱xi nuu̱ña ta kaʼviníña ta jákitáʼaníña xíʼín ña̱ kati̱ʼaní kuaʼa̱nní.

NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO

Ná kande̱ʼéyó ndixi chindeé Tu̱ʼun Ndio̱s javaka̱ na̱yivi, ta ndíki̱án kuu kéeyó jaá kutoóyó kaʼviyóña ta ndiku̱ú ña̱ va̱ʼa niʼi̱yó ña̱ ingana̱ chindeénayó jaá kundaa̱ iniyó ña̱ káʼa̱nña.

3. Tu̱ʼun Ndio̱s jánaʼa̱ nuu̱yó

Tu̱ʼun Ndio̱s kúúña ña̱ ndató jayéʼe̱ íchi̱yó. Jaá kuu naka̱xiyó ña̱ kéeyó ta kundaa̱ iniyó ña̱ va̱xi chínuu̱.

Kaʼvindó Salmo 119:105 ta kanatúʼúnndó saʼa̱ ña̱ va̱xi yóʼo:

¿Ndixi ni̱sande̱ʼéra ni̱taa salmo yóʼo ña̱ káʼa̱n Tu̱ʼun Ndio̱s?
¿Ndixi sa̱nde̱ʼéní Tu̱ʼun Ndio̱s?

4. Tu̱ʼun Ndio̱s xíʼoña respuesta ña̱ ndakatu̱ʼúnyó miíyó

Iin ñáʼa̱ ni̱xini ña̱ Tu̱ʼun Ndio̱s xíʼo respuesta saʼa̱ pregunta ni̱sakeeñá kuaʼa̱ ndiva̱ʼo tiempo. Kande̱ʼéndó VIDEO ta kanatúʼúnndó saʼa̱ ña̱ va̱xi yóʼo:

VIDEO: O̱nandójóní ña̱ ndátiní (1:48)

¿Ndiku̱ú ña̱ ni̱ndakatu̱ʼún ñáʼa̱ ni̱xiniyó nuu̱ video yóʼo?
¿Ndixi ni̱chindeéña ñáʼa̱ yóʼo ña̱ jákuáʼañá saʼa̱ Tu̱ʼun Ndio̱s?

Tu̱ʼun Ndio̱s xíka̱ nuu̱yó ña̱ nakéeyó pregunta. Kaʼvindó Mateo 7:7 ta kanatúʼúnndó saʼa̱ ña̱ va̱xi yóʼo:

¿Á káʼánní ña̱ Tu̱ʼun Ndio̱s ki̱ʼo respuesta nuu̱ ña̱ ndakatu̱ʼúnní miíní? Tátu̱ʼun, ¿ndíki̱án?

5. Kuu kujii̱ iniyó tá kaʼviyó Tu̱ʼun Ndio̱s

Kuaʼa̱na kaʼvi Tu̱ʼun Ndio̱s ta niʼi̱na̱ ña̱ va̱ʼa. Kande̱ʼéndó Video ta kanatúʼúnndó saʼa̱ ña̱ va̱xi yóʼo:

VIDEO: Kaʼvindó Tu̱ʼun Ndio̱s (2:05)

¿Ndíki̱án káʼán nakuálí saʼa̱ ña̱ kaʼvíxi nuu̱ Tu̱ʼun Ndio̱s?
¿Ndiva̱ʼa jíin káʼánxi saʼa̱ Tu̱ʼun Ndio̱s viti̱?

Tu̱ʼun Ndio̱s jánaʼa̱ña̱ nuu̱yó ta naki̱ʼoña ta̱ndeé ini nuu̱yó saʼa̱ ña̱ ndátiyó. Kaʼvindó Romanos 15:4 ta kanatúʼúnndó saʼa̱ ña̱ va̱xi yóʼo:

¿Á kutoóní kundaa̱ chááka̱ ininí saʼa̱ ña̱ ndátiyó ta niʼi̱ní ta̱ndeé ini ña̱ káʼa̱n Tu̱ʼun Ndio̱s saʼa̱?

6. Kuu kundaa̱ chááka̱ iniyó saʼa̱ Tu̱ʼun Ndio̱s tá ingana̱ ná chindeéña

Javana xiní ña̱ va̱ʼa ña̱ kaʼviyó Tu̱ʼun Ndio̱s, jo xiní taʼaniná ña̱ va̱ʼa chááka̱ ña̱ ingana̱ jánaʼa̱ nuu̱yó. Kaʼvindó Hechos 8:26-31 ta kanatúʼúnndó saʼa̱ ña̱ va̱xi yóʼo:

¿Ndiku̱ú ña̱ xiniñúʼúnyó jaá kundaa̱ iniyó ña̱ káʼa̱n Tu̱ʼun Ndio̱s? (Kaʼvindó versículo 30 xíʼín 31).

Taa̱ ñuu Etiopía ni̱xiniñúʼúnra chindeéñana jaá kati̱ʼara saʼa̱ Tu̱ʼun Ndio̱s. Tiempo ndóyiyó viti̱, janí kuaʼa̱ na̱yivi kati̱ʼa saʼa̱ Tu̱ʼun Ndio̱s ña̱ chindeéña ingana̱.

ÑA̱ KÁʼA̱N INGA NA̱YIVI: “Ña̱ jákuáʼayó Tu̱ʼun Ndio̱s játi̱ví oo̱nyó tiempo”.

¿Ndixi káchi miíní? Ta ¿ndiva̱ʼa?

ÑA̱ NI̱KATI̱ʼAYÓ

Tu̱ʼun Ndio̱s jánaʼa̱ nuu̱yó tátu̱ʼun keeyó ndijaá kivi̱, ta xíʼoña respuesta saʼa̱ ña̱ ndakatu̱ʼúnyó miíyó ta xíʼoña ta̱ndeé ini nuu̱yó saʼa̱ ña̱ ndátiyó.