LECCIÓN 03
¿Á kuu kandeé iniyó Tu̱ʼun Ndio̱s?
Nuu̱ Tu̱ʼun Ndio̱s naniʼi̱yó kuaʼa̱ consejo xíʼín ña̱ʼa va̱xi Ndio̱s keena chínuu̱. Ndandikú kutoóní kundaa̱ ininí ña̱ jánaʼa̱ ña. Jo ndandikú nákani kuáchi̱ ininí. ¿Á kuu kandeé iniyó iin libro yatá ndiva̱ʼo xíʼín consejo va̱xi nuu̱ña? ¿Á miía̱ndaa̱ kuu kandísayó ña̱ káʼa̱n Tu̱ʼun Ndio̱s ña̱ kuu kandoyi jii̱yó viti ta chááka̱ chínuu̱? Millón na̱yivi káʼánna ña̱ jaá koo. Xíka̱nduʼu̱ nuu̱ní nandukúní ndiva̱ʼa nákani inina̱ jaá, ta kande̱ʼéní á kúúña ña̱ndaa̱.
1. ¿Á miía̱ndaa̱ ndísa ni̱sio ña̱ káʼa̱n Tu̱ʼun Ndio̱s?
Tu̱ʼun Ndio̱s káchi ña̱ néʼeña “tu̱ʼun ndaa̱ ndísa” ta táʼaya ni̱taana ña (Eclesiastés 12:10). Ta káʼa̱nña saʼa̱ ña̱ʼa ndísa ni̱kuu xíʼín saʼa̱ na̱yivi ndísa ni̱sandoyi (kaʼviní Lucas 1:3 xíʼín 3:1, 2). Kuaʼa̱ ndiva̱ʼo historiador xíʼín arqueólogo, káchi ña̱ ndijaá fecha, na̱yivi ta lugar káʼa̱nña saʼa̱ kúúña ña̱ndaa̱, ta ndijaáka̱ ña̱ ndayaʼvi káʼa̱n Tu̱ʼun Ndio̱s saʼa̱.
2. ¿Ndiva̱ʼa kuu kandeé iniyó Tu̱ʼun Ndio̱s va̱árá kían iin libro yatá ndiva̱ʼo?
Si̱naʼá ndiva̱ʼo, Tu̱ʼun Ndio̱s kúúña iin libro ndi̱chí ndiva̱ʼo ta chindeé ña miíyó nda̱ kivi víti. Tátu̱ʼun ndóʼoyó, tá káʼa̱nña saʼa̱ ciencia. Tá tiempo ni̱taana Tu̱ʼun Ndio̱s jíin jíin ña̱ʼa ni̱sakáʼánna saʼa̱ ña̱yóʼo. Jo, kivi víti, na̱ jákuáʼa ciencia nákonina ña̱ káʼa̱n Tu̱ʼun Ndio̱s, kúúña ña̱ndaa̱. Tu̱ʼun káʼa̱n ña “Jaá kuu kandísayó ña, nda̱ víti ta ndijaá táʼa̱n tiempo” (Salmo 111:8).
3. ¿Ndiva̱ʼa kuu kandeé iniyó ña̱ káʼa̱n Tu̱ʼun Ndio̱s saʼa̱ ña̱ koo chínuu̱?
Tu̱ʼun Ndio̱s káʼa̱n saʼa̱ profecía a ta káchiña “ta sinaʼá va ni̱kastu̱ʼunña ña̱ kúmani̱ koo” (Isaías 46:10). Kuaʼa̱ ciento kuia̱ chísa̱ta̱ táʼaya ni̱ka̱ʼa̱nña ña̱ kúmani̱ koo, ta ni̱xino̱ko̱oña tátu̱ʼun ni̱kachina. Ta janí ñúchí nakaniña saʼa̱ ña̱ kuu tiempo ndóyiyó víti. Nuu̱ lección yóʼo jákuáʼayó saʼa̱ java profecía va̱xi nuu̱ Tu̱ʼun Ndio̱s, ta kande̱ʼéyó ña̱ táʼaya káʼa̱nña ta ña̱ naá iniyó kúúña.
NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO
Ná kande̱ʼéyó ndixi ña̱ ni̱naniʼi̱ ciencia na̱kitáʼanña xíʼín ña̱ káʼa̱n Tu̱ʼun Ndio̱s ta kande̱ʼéyó java profecía ña̱ káʼa̱n Tu̱ʼun Ndio̱s saʼa̱.
4. Ña̱ káʼa̱n ciencia na̱kitáʼanña xíʼín ña̱ káʼa̱n Tu̱ʼun Ndio̱s
Yáʼaka̱ ciento kuia̱, kuaʼa̱ na̱yivi sa̱káʼa̱nna ña̱ Ñúʼu̱ Ndeʼi̱ yóʼo ió ña̱ néʼeña. Kande̱ʼéndó VIDEO.
Ta kande̱ʼéní ña̱ káʼa̱n libro Job ni̱ya̱ʼaka̱ 3.500 kuia̱ ni̱taana ña. Kaʼvindó Job 26:7 ta kanatúʼúnndó saʼa̱ ña̱ va̱xi yóʼo:
-
¿Ndiva̱ʼa ña̱ naá iniyó kúúña káʼa̱n Tu̱ʼun Ndio̱s ña̱ Ñúʼu̱ Ndeʼi̱ katakaa vá ñá ta “ko̱ nuu̱ tiin ñá”?
Sa̱ ió tátu̱ʼun 200 ka̱ kuia̱ ni̱kundaa̱ inina tátu̱ʼun ki̱ʼo kuchúun ti̱kui̱í. Jo kande̱ʼéní ña̱ ni̱ka̱ʼa̱n Tu̱ʼun Ndio̱s sa̱ ió kuaʼa̱ mil kuia̱. Kaʼvindó Job 36:27, 28 ta kanatúʼúnndó saʼa̱ ña̱ va̱xi yóʼo:
-
¿Ndíki̱án kutoó chááka̱ní xininí ña̱ nákanian saʼa̱ ndixi kuchúun ti̱kui̱í?
-
Texto ni̱kaʼviní, ¿á chindeéña miíni kandeé chááka̱ ininí saʼa̱ ña̱ káʼa̱n Tu̱ʼun Ndio̱s?
5. Tu̱ʼun Ndio̱s ni̱ka̱ʼa̱n saʼa̱ ña̱ ndayaʼvi va̱xi koo
Kaʼvindó Isaías 44:27-45:2 ta kanatúʼúnndó saʼa̱ ña̱ va̱xi yóʼo:
-
¿Ndiku̱ú ña̱ ni̱nakani Tu̱ʼun Ndio̱s saʼa̱ tátu̱ʼun ki̱ʼo ndoʼo Babilonia 200 kuia̱ tá kúmani̱ kasandaáña kooña?
Historia nakani ña̱ kuia̱ 539 tá kúmani̱ kixi Cristo iin rey ñuu Persia naní Ciro xíʼín ejércitora ni̱ja̱naára ñuu Babilonia. Ni̱jaichíra yu̱ta sa̱chindeé Babilonia. Tá ni̱ndiʼi, yéʼé ñuu Babilonia ni̱kúndo̱oña sa̱nono̱ña, ni̱kuu ni̱ku̱ʼura ta ni̱ja̱naára ñá ni̱ko̱ ni̱naá miívara. Ta sa̱yáʼaka̱ 2.500 kuia̱ ni̱kuu ña̱yóʼo, ta Babilonia ko̱ iinka̱ na̱yivi ndóyi nuu̱ña. Kande̱ʼéní víti ña̱ ni̱ka̱ʼa̱n Tu̱ʼun Ndio̱s saʼa̱ña.
Kaʼvindó Isaías 13:19, 20 ta kanatúʼúnndó saʼa̱ ña̱ va̱xi yóʼo:
-
¿Ndixi ni̱xino̱ko̱o profecía yóʼo?
Ni̱naá vá Babilonia, ni̱sa̱kaa Irak
6. Tu̱ʼun Ndio̱s ni̱ka̱ʼa̱n saʼa̱ ña̱ ndéʼéyó ió kivi víti
Tu̱ʼun Ndio̱s káʼa̱nña saʼa̱ tiempo ndoyiyó “kuu̱ noo̱ ndíʼí” [kivi̱ nuu̱ ndíʼí] (2 Timoteo 3:1). Kande̱ʼéní ña̱ ni̱ka̱ʼa̱n Tu̱ʼun Ndio̱s koo tiempo víti.
Kaʼvindó Mateo 24:6, 7 ta kanatúʼúnndó saʼa̱ ña̱ va̱xi yóʼo:
-
¿Ndiku̱ú ña̱ táʼaya ni̱nakani Tu̱ʼun Ndio̱s saʼa̱ña̱ koo kivi̱ nuu̱ ndíʼí?
Kaʼvindó 2 Timoteo 3:1-5 ta kanatúʼúnndó saʼa̱ ña̱ va̱xi yóʼo:
-
Tátu̱ʼun ni̱kachi Tu̱ʼun Ndio̱s, ¿ndiku̱ú ña̱ kée na̱yivi kandoyi kivi̱ nuu̱ ndíʼí?
-
Tátu̱ʼun káʼa̱n texto kéena, ¿ndíki̱án xininí ió víti?
ÑA̱ KÁʼA̱N INGA NA̱YIVI: “Ña̱ káʼa̱n Tu̱ʼun Ndio̱s kúúña cuento, ko̱ kúúña ña̱ndaa̱”.
-
¿Ndiku̱ú ña̱ ni̱kundaa̱ ininí chindeé chááka̱ ña jaá kandísaní ña̱ káʼa̱n Tu̱ʼun Ndio̱s?
ÑA̱ NI̱KATI̱ʼAYÓ
Ciencia, historia, profecía naʼa̱ña ña̱ kuu kandeé iniyó ña̱ káʼa̱n Tu̱ʼun Ndio̱s.
¿Á naku̱ʼun inión?
-
¿Ña̱ káʼa̱n Tu̱ʼun Ndio̱s á ndísa ni̱kuuña, o ña̱to̱ʼón va kúúña?
-
¿Ndixi xíʼo ciencia kuendá ña̱ káʼa̱n Tu̱ʼun Ndio̱s kúú ña̱ndaa̱?
-
¿Á káʼánní ña̱ Tu̱ʼun Ndio̱s káʼa̱n ña̱ va̱xi koo chínuu̱? Ta ¿ndiva̱ʼa káʼánní jaá?
KUU NANDUKÚNÍ JAVAKA̱ ÑA̱ʼA
Tátu̱ʼun káchi na̱ jákuáʼa ciencia, ¿á ña̱ ndaa̱ kúú ña̱ káʼa̱n Tu̱ʼun Ndio̱s?
“¿Á na̱kitáʼan ña̱ káʼa̱n Tu̱ʼun Ndio̱s xíʼín ña̱ ni̱naniʼi̱ ciencia?” (Artículo nuu̱ jw.org)
¿Ndiku̱ú ña̱ naʼa̱ ña̱ ndoyiyó “kuu̱ noo̱ ndíʼí” [kivi̱ nuu̱ ndíʼí]?
“I̱ño̱ profecía káʼa̱n Tu̱ʼun Ndio̱s saʼa̱ xiniyó xino̱ko̱oña víti” (La Atalaya, 1 de mayo de 2011)
Kande̱ʼéní ndixi ni̱xino̱ko̱o profecía káʼa̱n Tu̱ʼun Ndio̱s saʼa̱ Imperio griego.
“Ña̱ káʼa̱n Tu̱ʼun Ndio̱s” naki̱ʼoña ta̱ndeé ini nuu̱yó (5:22)
Kande̱ʼéní ndixi profecía káʼa̱n Tu̱ʼun Ndio̱s saʼa̱ ni̱nája̱maña tátu̱ʼun nákani ini iin taa̱ saʼa̱ Tu̱ʼun Ndio̱s.
“Ko̱ sa̱ni̱kandísai ña̱ ió Ndio̱s” (La Atalaya, núm. 5 2017)
a Profecía kúú java ña̱ʼa ni̱ka̱ʼa̱n Ndio̱s koo, ta kasandaáña kooña chááka̱ chínuu̱.
