“Mií Ndio̱s indiví kaki rá iin gobierno tá o̱ndíʼi míí vá nuu̱ ña̱.” (Daniel 2:44, Traducción del Nuevo Mundo.)

“Ni̱ si̱ʼa ná iin de̱ʼe nuu̱ yó; tá joko̱ ta̱ yóʼo kanakaa̱ gobierno.” (Isaías 9:6.)

• Jáchi̱ kía̱n iin gobierno ña̱ kée ndaa̱ chúun tá kuu chindeéán iin iin miíyó (Isaías 48:17, 18).

• Nda̱á cháá vá kúmani̱, tá Gobierno Ndio̱s kée ña̱ ná koo iin ñuyíví sa̱á, nuu̱ kandoyi núchí yó tá o̱kíʼvi̱ ga̱ yó (Apocalipsis 21:3, 4).

Kuu vá kandísa yó, jo si̱va̱ʼa saʼa̱ uvi̱ ña̱ʼa vá, ná kunde̱ʼé yó yóʼo:

• Jesús ni̱ naʼa̱ rá ndá kía̱n kée Gobierno Ndio̱s. Ni̱ jánaʼa̱ rá nuu̱ na̱ ni̱ si̱ndíko̱ ñaʼá ná kaka̱taʼvi̱ ná ña̱ ná tandaa kíi kivi̱ kisi Gobierno Ndio̱s tá ná kée Ndio̱s ña̱ kúni̱ rá nuu̱ Ñúʼu̱ yóʼo (San Mateo 6:9, 10). Jaá ni ni̱ naʼa̱ rá ndixi sinukoo ña̱yóʼo.

  Tá ni̱ kisi Jesús nuu̱ Ñúʼu̱ yóʼo, ni̱ síʼa rá ña̱ kasáʼan na̱yivi, ni ja̱ndúva̱ʼa rá na̱ kíʼvi̱ jaá ni ni̱ ja̱nátaku rá na̱ ni̱ siʼi̱ (San Mateo 15:29-38; San Juan 11:38-44). Saʼa̱ ña̱ kukuu rá Rey Gobierno Ndio̱s ña̱káa ni̱ kuu ni̱ naʼa̱ rá ña̱ va̱ʼa kée Gobierno Ndio̱s saʼa̱ na̱yivi kandoyi nuu̱ ñúʼu̱ yóʼo (Apocalipsis 11:15).

• Ndiʼi ña̱ ió nuu̱ ñuyíví yóʼo si̱ naʼa̱ ña̱, si̱ kuyati kásaa̱ Gobierno Ndio̱s kaʼnda rá chúun nuu̱ ñuyíví yóʼo. Jesús si ni̱ káʼa̱n rá ña̱ koo tu̱ndóʼó ña̱ saʼní táʼan na̱yivi, jo̱kó xíʼín ña̱ táan tá ndá jaá Gobierno Ndio̱s kaʼnda chúun nuu̱ Ñúʼu̱ yóʼo (San Mateo 24:3, 7).

  Si̱ si̱nde̱ʼé yó ndiʼi tu̱ndóʼó yóʼo kivi̱ viti. Ña̱káa kuu kandeé ini yó ña̱ ndá cháá vá kúmani̱ tá jándíʼi Gobierno Ndio̱s ndiʼi tu̱ndóʼó ndóʼo yó.