LECCIÓN 14
Iin Gobierno kaʼndá chúun nuu̱ iníí kúú ñuyíví
Ndá cháá vá kúmani̱ ta koo iin gobierno ñá kaʼndá chúun nuu̱ iníí kúú Ñuyíví yóʼo. ¿Á síni̱ún ndá gobierno kíán?... Kíán Gobierno Ndio̱s. Gobierno yóʼo ndaja núchí ña̱ iníí kuu Ñuyíví, núchí ndiva̱ʼa koo nuu̱ Ñúʼu̱ nuu̱ kandoyi yó. ¿Á kúni̱ún kundaa̱ cháá ga̱ iniún saʼa̱ gobierno yóʼo?...
Jo, ¿á síni̱ún ndíki̱án kée ta kúú rey? Ta̱yóʼo kúú ta̱ saʼndá chúun nuu̱ iin gobierno. Nuu̱ Gobierno Ndio̱s jaá ní ió iin ta̱ kúú rey. ¿Á síni̱ún yoo kúú rá?... ¡Ta̱yóʼo kúú Jesús! Ió rá indiví ta, ndá cháá vá kúmani̱ ta kaʼndá rá chúun nuu̱ iníí kúú ñuyíví. Jo ¿á va̱ʼa kaʼndá Jesús chúun? Tá ná kaʼndá rá chúun nuu̱ Ñúʼu̱ yóʼo ¿á miía̱ndaa̱ kujii̱ ini yó kandoyi yó?...
¿Ndíki̱án kutoó kéeún tá ná kooún nuu̱ Ñúʼu̱ núchí?
¡Jaa̱n kujii̱ ini yó! Tá ná nduu nuu̱ Ñúʼu̱ yóʼo iin Ñúʼu̱ núchí. ¡O̱kanitáʼan míí vá na̱yivi! O̱kíʼvi̱ ga̱ ná ta ni̱ o̱kivi na. Na̱ ko̱ tuví nuu̱ víti na̱tuvi nuu̱ ná, ta na̱ ko̱ takú jo̱ʼo nataku jo̱ʼo ná. Na̱ ko̱ kuu kaka na̱kaka na tá nda̱ kuu kunú ná á ndáva na. Tá koo kuaʼa̱ ña̱ʼa va̱ʼa ña̱ kásáʼá ná. Jaá ní o̱kanitáʼan ga̱ kíti̱, ta miíyó kuu kujikí yó xíʼín rí. Ta jaá ní: kuaʼa̱ na̱yivi na̱ ni̱ siʼi̱ nataku ná. Ña̱káa Rebeca, Rahab, David, Elías tá kuaʼa̱ ga̱ ná nataku. ¿Á ko̱ kúni̱ún kuni̱ún ná?...
Jeová kúni̱ ndiva̱ʼa rá yoʼo̱ tá jaá ní kúni̱ rá ná kujii̱ iniún. Ña̱káa tá ná jákuáʼaún saʼa̱ rá tá kunijo̱ʼóún ña̱ káʼa̱n rá. Jaá kuu kutaku ndijaá táʼan kivi̱ nuu̱ Ñúʼu̱ núchí. ¿Á kúni̱ún kooún nuu̱ Ñúʼu̱ núchí yóʼo?...
