¿Á kúni̱ ní kundaa̱ chááka̱ ini ní saʼa̱ Tu̱ʼun Ndio̱s? ¿Á kúu ini ní kundaa̱ ini ní saʼa̱ iin versículo, a saʼa̱ iin na̱yivi na ni̱ si ió si̱náʼa̱, a saʼa̱ iin ña̱ʼa ña̱ ni̱ kuú ña̱ káʼa̱n Tu̱ʼun Ndio̱s? ¿Á káʼán ní ña̱ Tu̱ʼun Ndio̱s kuu chindeé miíní yáʼa ní nuu̱ tu̱ndóʼó? Kuu kunde̱ʼé ní biblioteca ña̱ nakaa̱ Veʼe nuu̱ nátaka na̱ testigo Jeová.

Ió kuaʼá ñaʼá ña kuu chindeé miíyó kundaa̱ ini yó ndá saʼa̱ kúú míí vá. Ndá ko̱ó ndiʼi tutu ña̱ tavá na̱ testigo Jeová nuu̱ tu̱ʼun káʼa̱n miíní; jo Veʼe nuu̱ nátaka na̱ testigo Jeová ió iin biblioteca nuu̱ ió kuaʼá tutu ña̱ jaá ni̱ kana. Ndá ió ndijaá Tu̱ʼun Ndio̱s, ió iin diccionario ta java ka̱ tutu ña̱ kuu chindeé miíyó. Kuu kaʼvi ní tutu yóʼo ta kúmani̱ kásáʼá yó jákuáʼa yó a ta si̱ ni̱ ndiʼi ña̱ ni̱ jákuáʼa yó. Ta ió iin computadora ta tá ió Watchtower Library, ini ña̱, tisi ña̱yóʼo ñúʼú kuaʼá tutu ña̱ kuu kunde̱ʼé ní kuu na̱ndukú ní saʼa̱ ña̱ kúni̱ ní kundaa̱ ini ní saʼa̱ iin tema a iin tu̱ʼun a iin versículo.

Ña̱yóʼo chindeéán na̱ yáʼa Escuela nuu̱ jákuáʼa nduʼu̱ ndixi kuu Jánaʼa̱ ndu̱ saʼa̱ Tu̱ʼun Ndio̱s. Tá si̱yáʼa miíní jánaʼa̱ ní yóʼo kuu kati̱ʼa ní miíní ta kanian nuu̱ ní yáʼa ní yóʼo. Ta kanian kundaa̱ biblioteca yóʼo kúú ta kuaʼa̱ nuu̱ na̱ jánaʼa̱ yóʼo, ta yóʼo kúú ta chikaa̱ chááka̱ ní tutu ña̱ sa̱á ta jaá ní ndéʼé ra ña̱ na̱ koo viíán. Ta yóʼo, a na̱ jánaʼa̱ nuu̱ ní kuu chindeé ná miíní ndáni̱ʼi̱ ní ña̱ kúni̱ ní kundaa̱ ini ní. Tutu yóʼo ko̱ kanian tavá yó ña̱ kaneʼe yó kuʼu̱n yó; ta kanian kundaa̱ yó ña̱ ta ko̱ kanian keʼi yó nuu̱ ña̱.

Kachi Tu̱ʼun Ndio̱s ña̱ já ná “kundaa̱ ini yó ña̱ kúni̱ míí Ndio̱s ná kundaa̱ ini yó” kanian ndúkú yó ña̱yóʼo tátu̱ʼun tá “ndúkú yó iin ña̱ ndayaʼvi ndiva̱ʼa” (Proverbios 2:1-5). Kuu ndúkú yó ña̱yóʼo nuu̱ biblioteca ña̱ nakaa̱ Veʼe nuu̱ nátaka na̱ testigo Jeová.

• ¿Ndíki̱án kuu ndáni̱ʼi̱ ní nuu̱ biblioteca ña̱ nakaa̱ Veʼe nuu̱ nátaka na̱ testigo Jeová?

• ¿Yoo kuu chindeé miíní já kuchúun ní biblioteca?