Na̱yivi nákuni ná ña̱ na̱ testigo Jeová ndíʼi ini ná jákuáʼa ná saʼa̱ Tu̱ʼun Ndio̱s. Na̱ nditáʼán tiempo kástu̱ʼun saʼa̱ Gobierno Ndio̱s, ió iin nuu̱ kati̱ʼa va̱ʼa ná já kuu ‘jáxi̱nu̱ko̱ ná tókó ndiʼi chuun na̱sa̱ʼa̱n Ndióxi̱ nu̱u̱ ná kaja ná’ (2 Timoteo 4:5).

Escuela Prekursor nuu̱ Kati̱ʼa ná ndixi kachúun ná. Ta sinu̱ iin kuia̱ ña̱ kúú ná prekursor á prekursora já saʼa̱n ná nuu̱ iin escuela iñu̱ kivi̱, ta kée ná ña̱ yóʼo Veʼe nuu̱ nátaka na̱ testigo Jeová ña̱ ió yati nuu̱ ndóyi ná. Escuela yóʼo chi̱ndeéán ná já kúyati cháá ga̱ ná nuu̱ Jeová, jaá ní chindeéán ná já ná jánaʼa̱ va̱ʼa ná saʼa̱ Tu̱ʼun Ndio̱s ta na̱ o̱jándákoo ná ña̱ káchúun ná tátu̱ʼun prekursor.

Escuela nuu̱ kuu kuʼu̱n ná Kástu̱ʼun saʼa̱ Gobierno Ndio̱s. Escuela yóʼo si̱kuuan uvi̱ yoo̱, ta yóʼo jánaʼa̱ ná nuu̱ na̱ si̱ kuaʼa̱ kuia̱ ña̱ kúú ná prekursor ta ió ti̱ʼa na jándákoo ná veʼe ná ta kuʼu̱n ná inka̱ ñuu nuu̱ síniñúʼú cháá ka̱ ná na̱yivi na̱ kástu̱ʼun saʼa̱ Tu̱ʼun Ndio̱s. Na yóʼo kachi ná “¡Yóʼo ió yuʼu̱! Chindaʼá ní yuʼu̱ ná kuʼi̱n na̱ yóʼo kée ná tátu̱ʼun ni̱ kee Jesucristo ta kúni̱ʼi chááka̱ ni kástu̱ʼun saʼa̱ Gobierno Ndio̱s tá ni̱ si̱io nuu̱ Ñúʼu̱ yóʼo (Isaías 6:8; San Juan 7:29). Ta na̱ kuʼu̱n ná nuu̱ chi̱ndaʼá ñaʼá ná o̱ko̱ó kua̱ʼa ña̱ʼa nuu̱ ná tátu̱ʼun ni̱ si̱ ió ña̱ veʼe ná, jaá ní ko̱ó sini ná ndixi káa nuu̱ saa̱ ná á iʼní á vi̱si, ndá kúú mií vá ñaʼá ió ikáa sasí ná va̱árá ta tu̱ñáʼa̱ ka̱ kuʼu̱n ná ko̱ ni̱ si̱kee na ndijaá ña̱yóʼo. Ta jaá ní ió tein ña̱ kanian kati̱ʼa ná iinka̱ yuʼu̱. Escuela yóʼo chindeéán ná ñani yó ta na̱ ki̱ʼa yó na kúmani̱ tandaʼa̱ tá na̱ si̱ ni̱ tandaʼa̱, já ná kukuu na̱ tátu̱ʼun kúni̱ Ndio̱s ta jaá ní kati̱ʼa va̱ʼa chááka̱ ná ndixi kunikua̱chi ná nuu̱ Jeová ta nuu̱ organización mií si, na̱ kuu kuʼu̱n escuela yóʼo káni̱ kukúmí ná 23 ndá 65 kuia̱.

Watchtower Escuela Galaad nu̱ú jákuáʼa ná saʼa̱ Tu̱ʼun Ndio̱s. Nuu̱ tu̱ʼun hebreo tu̱ʼun “Galaad” kunian kachian “mondó yuu̱ ña̱ kástu̱ʼun saʼa̱ Tu̱ʼun Ndio̱s“. Ndá kuia̱ 1943 yáʼa ka̱ una̱ mil misionero ni̱ saʼa̱n ná Escuela Galaad ni̱ tandaʼá ñaʼá ná na kuʼu̱n ná kástu̱ʼun ná saʼa̱ Tu̱ʼun Ndio̱s “nu̱ú ña̱yivi tóʼo̱ ndúu ndijáá ñuyíví” tá va̱ʼa ndiva̱ʼa kee ná (Hechos 13:47). Tátu̱ʼun tá ni̱ sa̱á na misionero ñuu Perú, ni̱ iin congregación ni̱ sio ikáa. Jo víti si̱ ió yáʼa ka̱ 1.000 congregación. Tá ta ni̱ kasáʼá na̱ misionero kachúun ñuu Japón iin kuaʼá 10 káa vá na̱ Testigo ió jo kivi̱ víti si̱ yáʼa ka̱ 200.000 ná ió ikáa. Escuela yóʼo si̱kuuan uʼu̱n yoo̱ ta yóʼo jákuáʼa va̱ʼa ná Tu̱ʼun Ndio̱s. Na prekursor na̱ káchúun kuaʼa̱, na káchúun tátu̱ʼun misionero, na káchúun veʼe Betel ta na̱ néʼe kuéntá circuito, na̱yóʼo kúú na̱ kuu kuʼu̱n escuela yóʼo, yóʼo kati̱ʼa va̱ʼa ná já kuu chindeé ná na̱ ñani táʼan yó na̱ iníí kúú ñuyíví já na̱ kástu̱ʼun ná saʼa̱ Tu̱ʼun Ndio̱s.

• ¿Ndiva̱ʼa ió Escuela Prekursor nuu̱ kati̱ʼa ná ndixi kachúun ná?

• ¿Yoo kuu kuʼu̱n Escuela nuu̱ kuu kuʼu̱n ná Kástu̱ʼun saʼa̱ Gobierno Ndio̱s?