Ndivéʼe ní saʼa̱ ña̱ ni̱ kaʼvi ní tutu yóʼo já kundaa̱ va̱ʼa ini ní ndixi kúú nduʼu̱, ña̱ si̱ sini va̱ʼa ní ndíki̱án kée nduʼu̱ ta ndixi kachúun nduʼu̱ na̱ testigo Jeová. Va̱ʼa ni̱ kundaa̱ ini ní ña̱ míí túʼún láá nduʼu̱ kúú na̱ kée ña̱ kúni̱ Jeová Ndio̱s nuu̱ ñúʼu̱ yóʼo kivi̱ víti. Ta káʼa̱n nduʼu̱ xíʼín ní ña ná jákuáʼa viʼi ní saʼa̱ Ndio̱s. Káʼa̱n ní xíʼín na̱ veʼe ní xíʼín na̱ néʼe táʼa̱n va̱ʼa xíʼín ní saʼa̱ ña̱ jákuáʼa ní ta jaá ní kana nduʼu̱ miíní kisi ní xíʼín nduʼu̱ nuu̱ nátaka ndu̱ jákuáʼa ndu̱ saʼa̱ Tu̱ʼun Ndio̱s (Hebreos 10:23-25).

Tá ná kundaa̱ chááka̱ ini ní saʼa̱ Jeová Ndio̱s, já kundaa̱ ini ní ndixi ví kúni̱ Ndio̱s miíní. Xíʼín ndiʼi ña̱ kée ní naʼa̱ ní nuu̱ Ndio̱s ña̱ jaá ní kúni̱ ní sí (1 Juan 4:8-10, 19). Jo, ¿ndixi kuu naʼa ní ña̱ kúni̱ ní Ndio̱s ndini kivi̱? ¿Ndiva̱ʼa va̱ʼa ña̱ ná kunijo̱ʼo ní ña̱ saʼndá sí? ¿Ndíki̱án chindeé miíní kée ní ña̱ kúni̱ Ndio̱s tátu̱ʼun nduʼu̱? Na̱ jánaʼa̱ nuu̱ ní chindeé ná miíní kundaa̱ ini ní ndiʼi tu̱ʼun yóʼo, jaá miíní xíʼín na̱ veʼe ní “a̱ kaxoo ndo nu̱ú Ndióxi̱ jáchi̱ kíʼvi̱ ini a ndo̱ʼó [...] kutaku a̱nda̱ ama káa ki̱vi̱” (San Judas 21).

Miía̱ndaa̱ ndisa kúni̱ nduʼu̱ ña̱ ná kundaa̱ cháá ka̱ ini ní saʼa̱ ña̱ ndaa̱. Jákuáʼa ní tutu yóʼo.