Jaá nátaka va nduʼu̱ na̱ testigo Jeová jákuáʼa ndu saʼa̱ Tu̱ʼun Ndio̱s, va̱árá kánian kuaʼa̱n yaʼa ndu yukú ñúʼú, á va̱árá kúun javi̱ á iʼní ndiva̱ʼo. Ndíʼi ini nduʼu̱ nátaka ndu xíʼín na̱ ñani táʼan ndu va̱árá ndóʼo ndu tu̱ndóʼó, á va̱árá ni̱ kuitá ndú ni̱ saʼa̱n ndu̱ ni̱ ka̱chúun ndu jo, ¿ndiva̱ʼa kée nduʼu̱ ña̱yóʼo?

Jáchi̱ chíndeéán yóʼo nduʼu̱ já ndóyi va̱ʼa ndu. Ni̱ kachi apóstol Pablo ña̱ ‘Ndítaʼan nu̱ yo̱ ndidukú yó ndixi kaja yó já chindeé táʼan yóʼ tá nátaka yó xíʼín ñani táʼan yó (Hebreos 10:24). Ña̱ ná chindeé táʼan yó kúni̱ kachian “ña̱ ná ndi̱ʼi ini yó saʼa̱ ña̱ ndóʼo ñani táʼan yó”. Ña̱ ni̱ kuni̱ apóstol Pablo kachi ra kía̱n ña̱ ná ndatúʼún yó xíʼín ñani táʼan yó, ta ná ndi̱ʼi ini yó saʼa̱ ná. Tá ndátúʼún yó xíʼín na̱ ñani táʼan yó kúndaa̱ ini yó ña̱ jaá ní ndóʼo na̱yóʼo tu̱ndóʼó tátu̱ʼun ki̱ʼa ndóʼo miíyó jo, ni̱ ka̱ndeé vá ini na̱yóʼo ni̱ ya̱ʼa na nuu̱ tu̱ndóʼó yóʼo, ta kuu chindeé na̱yóʼo miíyó já ná ya̱ʼa yó nu̱ú tu̱ndóʼó ndóʼo yó.

Jáchi̱ chindeéán yóʼo nduʼu̱ já néʼe táʼan va̱ʼa ndu xíʼín java ka̱ na̱. Nuu̱ nátaka nduʼu̱ nátaka kuaʼa̱ vá na̱yivi na̱ xíni̱ nduʼu̱, ta néʼe táʼan va̱ʼa nduʼu̱ xíʼín ná. Ta jaá ní ió tein nátaka nduʼu̱ ndóyi jii̱ ndú xíʼín ñani táʼan ndu. Ta, ¿ndixi chíndeéán yóʼo nduʼu̱? Chíndeéán yóʼo nduʼu̱ já kuni táʼan ndu, ta kíʼvi̱ ini saʼa̱ táʼan ndu. Ta tá ndóʼo na̱ ñani táʼan nduʼu̱ tu̱ndóʼó, chíndeé ndu̱ na̱ jáchi̱ néʼe táʼan va̱ʼa nduʼu̱ xíʼín ná (Proverbios 17:17). Náʼa̱ nduʼu̱ ña̱ ‘ndíʼi ini nduʼu̱ saʼa̱ java ka̱ na̱ʼ jáchi̱ néʼe táʼan va̱ʼa nduʼu̱ xíʼín ndijaá na̱ nátaka xíʼín ndú (1 Corintios 12:25, 26).

Káʼa̱n nduʼu̱ xíʼín ní ña̱ ná kaneʼe táʼan va̱ʼa ní xíʼín na̱ kée ña̱ kúni̱ Ndio̱s. Ta, na̱ testigo Jeová va kúú na̱ kée ña̱ kúni̱ Ndio̱s. O̱kíʼa ní íchi̱ ña̱ ni iin ña̱ʼa ná ketáni nuu̱ ní já kía̱n kisi ní nuu̱ nátaka nduʼu̱.

• Tá ná nátaka yó xíʼín na̱ ñani táʼan yó, ¿ndixi chindeéán yóʼo miíyó?

• ¿Ndá ama kúni̱ ní nátaka ní xíʼín nduʼu̱?