Tá ndá cháá vá kumani ña̱ kivi Jesús, já ni̱ ndatu̱ʼun ra xíʼín kumi̱ na̱ ni̱ si̱kanuu̱ tuun xíʼín ra, Pedro, Santiago, Juan, xíʼín Andrés. Já ní káʼa̱n ra xíʼín ná saʼa̱ iin ñaʼá ña̱ yáʼa kivi̱ nu̱jandiʼi, já ni̱ káʼa̱n ra xíʼín ná saʼa̱ iin ñaʼá ña̱ kúni̱ʼi ndiva̱ʼa ta ni̱ kachi ra: “Mé ndó ndítaʼan nu̱ ndó kakuu ndó tátu̱ʼun in da̱ ndíchí ji̱ni̱, da̱ kája chúun va̱ʼa nu̱ú xitoʼo da. Ta na̱jándakoo xítoʼo da chúun ndáʼa̱ dá ña̱ ná kia̱ʼva da kuxu na̱ java ga̱ kúú mozo xíʼín da̱ kán” (San Mateo 24:3, 45; San Marcos 13:3, 4). Ña kuni kachi tu̱ʼun yóʼo kúú ña̱ míí vá Jesús kúú xitoʼo, ta ni̱ káʼa̱n ra ña̱ kaʼnda ra chúun nuu̱ iin nduʼu̱ na̱yivi na̱ si̱jaá kuití kuaʼa̱ na ña̱ síniñúʼú na ndi̱ko ñaʼá, já kuu koo va̱ʼa na xíʼín Ndio̱s, kivi̱ nu̱jandíʼí. Ta, ¿ndá yoo kukuu na̱yóʼo?

Kúú ná iin nduʼú loʼo na̱yivi na̱ ni̱ kasí Ndio̱s ta na̱ yóʼo ndi̱ko na̱ Jesús. Ta̱ kúú “mozo” yóʼo kúú ná na̱ Iin nduʼú na̱yivi na̱ Néʼe chúun kuéntá na̱ testigo Jeová. Ta si̱ʼa na ña̱ síniñúʼú na̱ kandañu̱ʼu Jeová Ndio̱s xíʼín ná, já ná koo va̱ʼa na xíʼín Ndio̱s. Kándeé ini ná nuu̱ ta̱ yóʼo ‘ña̱ kiaʼva ra̱ kuxu java ga̱ na̱ kúú mozo xíʼín raʼ (San Lucas 12:42).

Kúmí ná chúun saʼa̱ veʼe Ndio̱s (1 Timoteo 3:15). Ni̱ jandukoo Jesús iin chúun káʼnu nuu̱ ta̱ yóʼo ña̱ ná ka̱ndaa̱ rá na̱ kúú kuéntá Jeová Ndio̱s ná ndoo nuu̱ Ñúʼu̱ yóʼo, ña̱yóʼo kunian kachian ña̱ kanian kuaʼa̱ rá nuu̱ na̱yóʼo ña̱ síniñúʼú ná, kanian kunde̱ʼé rá ndixi kée yiko va̱ʼa ná chúun já kuʼu̱n ná kástu̱ʼun ná saʼa̱ Tu̱ʼun Ndio̱s nuu̱ na̱yivi, ta jánaʼa̱ ná nuu̱ yó saʼa̱ congregación. Saʼa̱ ña̱yóʼo, já ná kuaʼa̱ rá ña̱ síniñúʼú yó ‘ta̱ ndíchí ji̱ni̱ ta̱ kája chúun va̱ʼa nuu̱ xitoʼo raʼ si̱ʼa ra ña̱ síniñúʼú na já ná koo va̱ʼa na xíʼín Ndio̱s, ta jaá ni ná kuu káʼa̱n na saʼa̱ Tu̱ʼun Ndio̱s nuu̱ na̱yivi, tá tavá rá ndiʼi ña̱ jákuáʼa yó nuu̱ nátaka yó ta nuu̱ nátaka kuaʼa̱ yó.

Ta̱ kúú “mozo” ndíchí ji̱ni̱ rá jáchi̱ kutuni va̱ʼa ini rá ña̱ káʼa̱n Tu̱ʼun Ndio̱s, ta jaá ní saʼa̱ chúun kúmí rá ña̱ kástu̱ʼun rá saʼa̱ tu̱ʼun va̱ʼa saʼa̱ Tu̱ʼun Ndio̱s nuu̱ na̱yivi ta kája chúun va̱ʼa rá nuu̱ xitoʼo rá jáchi̱ kée rá ndiʼi ña̱ kúni̱ Cristo nuu̱ Ñúʼu̱ yóʼo (Hechos 10:42). Kamani̱ Jeová Ndio̱s chúun yóʼo jáchi̱ si̱ ni̱ ndukuaʼa̱ ndiva̱ʼa va na̱ Testigo sí, ta si ió kuaʼa̱ vá ña̱ chindeé miíyó já kuu koo va̱ʼa yó xíʼín Ndio̱s (Isaías 60:22; 65:13).

• ¿Yoo nuu̱ ni̱ saʼnda Jesús chúun ña̱ ná kuaʼa̱ rá ña̱ síniñúʼú ná ndi̱ko ñaʼá já ná koo va̱ʼa ná xíʼín Ndio̱s?

• ¿Ndixi kíán ndíchí ji̱ni̱ ta̱ kaja chúun va̱ʼa “mozo” yóʼo?