Kúni̱ Ndio̱s ña̱ ná kujii̱ ini yó, ta ná kandoyi va̱ʼa yó ndijaá táʼa̱n kivi̱ nuu̱ ñúʼu̱ ñúchí.

Jo, kuu kaʼán yó ña̱: “Ndá o̱kúu mií vá koo ña̱yóʼo”. Jo nuu̱ Tu̱ʼun Ndio̱s kachía̱n ña̱ Gobierno Ndio̱s kuu kee ña̱yóʼo. Jáchi̱ kúni̱ Ndio̱s ña̱ ndijaá táʼa̱n na̱yivi ná kundaa̱ ini na̱ saʼa̱ Gobierno yóʼo, ta ná kundaa̱ ini na ña̱ kee Ndio̱s saʼa̱ yó (Salmo 37:11, 29; Isaías 9:7).

Kúni̱ Ndio̱s ña̱ ná kandoyi va̱ʼa yó.

Tátu̱ʼun ki̱ʼa ndóʼo iin tatá va̱ʼa ini, kúni̱ ra̱ ña̱ ná kandoyi va̱ʼa de̱ʼe ra, ki̱ʼa jaá ní ndóʼo Tatá mani̱ yó ta ió indiví, jáchi̱ kúni̱ si ña̱ ná kujii̱ ini yó kandoyi yó ndijaá táʼa̱n kivi̱ (Isaías 48:17, 18). Jáchi̱ ni̱ kachi Ndio̱s: ‘ña̱ na̱ kée ña̱ kúni̱ si kúú na̱ kutaku ndijaá táʼa̱n kivi̱ʼ (1 Juan 2:17).

Kúni̱ Ndio̱s ña̱ ná kakanuu yó íchi̱ mií sí.

Jáchi̱ nuu̱ Tutu ii̱ kachía̱n ña̱ Ndio̱s, Ta ni̱ ka̱va̱ʼa yó kúni̱ si jánaʼa̱ si nuu̱ yó “saʼa̱ íchi̱ mií sí” já ná kakanuu yó “íchi̱ sí” (Isaías 2:2, 3). Jáchi̱ ni̱ kee ti̱ʼa Ndio̱s ni̱ ka̱xi si na̱yivi ‘já ná kukuu na na̱ ñuu mií síʼ já ná kakanuu na jánaʼa̱ na̱ nu̱ú na̱yivi ndóyi iníí kúú nuu̱ Ñúʼu̱ yóʼo sa̱ʼá ña̱ kúni̱ si (Hechos 15:14).

Kúni̱ Ndio̱s ña̱ ná kiʼin táʼan yó kandañu̱ʼu yó sí.

Jáchi̱ na̱ miía̱ndaa̱ ndisa ndáñu̱ʼu Ndio̱s, ko̱ saʼndá java táʼan na na̱yivi, jáchi̱ miía̱ndaa̱ ndisa kúni̱ táʼan na, ta ña̱yóʼo keean ña̱ iin nu̱ú ini na (San Juan 13:35). ¿Ndá na̱yivi kúú na̱ síkanuu jánaʼa̱ nu̱ú ta̱ ta̱a xíʼín na̱ ñáʼa̱ ndóyi nuu̱ iníí kúú ñuyíví, ndixi kánian kandañu̱ʼu na Ndio̱s, ta iin nu̱ú koo ini na? Tutu yóʼo kía̱n chindeéán miíní já kundaa̱ ini ní ndá na̱ kúú na̱yóʼo.