¿Ndiva̱ʼa kujii̱ ini na̱yivi na̱ ndéʼé ní yóʼo? Kuaʼa̱n na̱ yóʼo nuu̱ nátaka kuaʼa̱ yó. Tátu̱ʼun na̱yivi ná ni̱ sinukua̱chi nuu̱ Ndio̱s na̱ ni̱ si̱ndoyi tá si̱naʼá ni̱ taʼnda̱ chúun nuu̱ na ña uni̱ taʼndá kanian nátaka na nu̱ú kuia̱, nduʼu̱ kujii̱ ini ndu̱ nátaka kuaʼa̱ ndu̱ (Deuteronomio 16:16). Nu̱ú kuia̱ uni̱ taʼndá nátaka nduʼu̱: uvi̱ taʼnda̱ nátaka kuaʼa̱ nduʼu̱ iin kivi̱, ta iinka̱ taʼnda̱ nátaka kuaʼa̱ nduʼu̱ uni̱ kivi̱. ¿Ndixi chindeéán yóʼo miíyó?

Ta nátaka nduʼu̱ yóʼo chindeéán ndu̱ kaneʼe táʼan va̱ʼa ndu̱ xíʼín ñani táʼan ndu̱. Tátu̱ʼun na̱ israelita ni̱ kujii̱ ini ná ni̱ keekáʼno na Jeová Ndio̱s nuu̱ ni̱ “nátaka kuaʼa̱ ndiva̱ʼa na̱yivi”, ta jaá ni nduʼu̱ kujii̱ ndiva̱ʼa ini nduʼu̱ nátaka ndu̱ xíʼín ñani táʼan ndu̱, kekáʼnu ndu̱ Jeová Ndio̱s kivi̱ káʼnu yóʼo (Salmo 26:12; 111:1). Tá nátaka nduʼu̱ yóʼo, já kuu nátaka nduʼu̱ xíʼín java ka̱ na̱ Testigo na̱ iinka̱ congregación ta na̱ iinka̱ ñuu. Tá ta si̱kuuan java kivi̱ si̱ndoyi nduʼu̱ si̱sáʼan ndu̱ mií nuu̱ nátaka nduʼu̱ yóʼo, ña̱yóʼo chindeéán nduʼu̱ já néʼe táʼan va̱ʼa nduʼu̱, jáchi̱ jákuáʼa nduʼu̱ saʼa̱ Tu̱ʼun Ndio̱s (Hechos 2:42). Yóʼo kúú nuu̱ ndéʼé yó ndixi ví kiʼvi ini táʼan “na̱ kúú kuéntá Jesús” nuu̱ ini kúú ñuyíví (1 Pedro 2:17).

Chindeéán miíyó kundaa̱ cháá ka̱ ini yó saʼa̱ Tu̱ʼun Ndio̱s. Tá na̱ israelita “ni̱ kundaa̱ ini na tu̱ʼun” ña̱ va̱si nuu̱ Tu̱ʼun Ndio̱s ña̱yóʼo ni̱ chindeéán ná (Nehemías 8:8, 12). Jaá ní nuu̱ nduʼu̱ ña̱ kúni̱ʼi ndiva̱ʼa kúú ña̱ jákuáʼa ndu̱ saʼa̱ Tu̱ʼun Ndio̱s nuu̱ nátaka nduʼu̱ yóʼo. Tá nátaka kuaʼa̱ nduʼu̱ yóʼo jíin jíin vá saʼa̱ ña̱ káʼa̱n na jo, nuu̱ Tu̱ʼun Ndio̱s va̱si ña̱ jákuáʼa nduʼu̱ yóʼo. Ta jaá ní yaʼa ná káʼa̱n ndojó ná ta yaʼa ná jánaʼa̱ na̱ nuu̱ nduʼu̱ ndixi kuu kee ndu̱ ña̱ kúni̱ Ndio̱s. Tá si̱ʼa ña̱ tu̱ndeé ini nuu̱ nduʼu̱ ta sinijo̱ʼo nduʼu̱ ña̱ iinka̱ na̱ ñani táʼan nduʼu̱ ka̱ndeé na yaʼa na̱ nuu̱ ndoʼo ió kivi̱ víti. Tá nátaka kuaʼa̱ nduʼu̱ uni̱ kivi̱ yóʼo yaʼa iin ña̱ ndatavá ná ña̱ va̱si nuu̱ Tu̱ʼun Ndio̱s, ta ndísi ná jáʼma̱ tátu̱ʼun ni̱ si̱ndísi ná tá si̱naʼá ta kee na tátu̱ʼun ni̱ si̱ndoyi ná ta si̱naʼá, yóʼo jákuáʼa yó kuaʼa̱ ña̱ va̱ʼa ña̱yóʼo chindeéán miíyó. Tá ndi uni taʼndá tá nátaka kuaʼa̱ nduʼu̱ yóʼo kuu kundúta̱ na kuni̱ kee ña̱ kúni̱ Ndio̱s ta jaá naʼa̱ ná ña̱ sinukuachi ná nuu̱ si.

• ¿Ndiva̱ʼa kujii̱ ini na̱yivi ta saʼa̱n na nu̱ú nátaka kuaʼa̱ yó?

• ¿Ndixi kuu chindeéán miíní ña̱ ná kuʼu̱n ní nu̱ú nátaka kuaʼa̱ yo̱?