Ni̱ kachi Jesús xíʼín na̱ ni̱ si̱ndíko̱ ñaʼá: “Kia̱ʼva já xíníñúʼú ndi̱ʼi ini ndó kaja va̱ʼa ndó ña̱ ná kakuu ndó tátu̱ʼun iin ñúʼu̱ káyi̱ nu̱ú ña̱yivi. Jáchi̱ tá ná kuni ná ña̱ va̱ʼa kája ndó já kéa̱ kuu kaja káʼnu na Ndióxi̱, tatá yo̱, ña̱ íin indiví” (San Mateo 5:16). Ña̱káa si̱chúun nduʼu̱ ndiʼi ña̱ kée na̱yivi, tátu̱ʼun Internet. Página jw.org/jw-mxo ña̱yóʼo kúú míí página nduʼu̱ nuu̱ kuu kaʼvi ní ndíki̱án kandísa nduʼu̱ ta ña̱ kée na̱ testigo Jeová. ¿Ndíki̱án kuu kunde̱ʼé ní yóʼo?

Tu̱ʼun Ndio̱s nadikoniʼi ña̱ ña̱ ndakatu̱ʼún yó miíyó. Yóʼo naniʼi̱ ní tu̱ʼun ña̱ kúni̱ʼi ndiva̱ʼa ña̱ kuni na̱yivi kundaa̱ ini na. Iñu̱ ña̱yóʼo va̱si nuu̱ tutu ña̱ káʼa̱n ¿A kúñi ñi kundaá íñi ñi ña nda̱a̱?, iyó ña̱ nuu̱ yáʼa ka̱ 400 káa yuʼú ta jaá ní yóʼo kuu naniʼi̱ ní Tu̱ʼun Ndio̱s ña̱ naní Traducción del Nuevo Mundo nuu̱ yáʼa ka̱ 100 yuʼú; yóʼo kuu naniʼi̱ ní kuaʼa̱ tutu tátu̱ʼun ña̱yóʼo ¿Qué enseña realmente la Biblia?, ta jaá ní tutu La Atalaya xíʼín ¡Despertad! Ña̱ jaá ni̱ kana, kuaʼa̱ tutu yóʼo kuu kaʼvi ní a kunijo̱ʼo ní míí yóʼo, jaá ní kuu ja̱núu ní ña̱ kunijo̱ʼo ní a nuu̱ PDF a EPUB. Ta kúni̱ ní kuu tavá ní tutu nuu̱ tu̱ʼun káʼa̱n miíní míí yóʼo vá ta kuaʼa̱ ní ña nuu̱ na̱ kúni̱ kundaa̱ ini saʼa̱ Gobierno Ndio̱s. Jaá ní ió tutu ña̱ tavá ná nuu̱ video nuu̱ kuaʼa̱ ña̱ kúú kuéntá señas, jaá ní kuu ja̱núu ní ña̱ káʼvi na saʼa̱ Tu̱ʼun Ndio̱s, jaá ní ña̱ ndatavá ná ña̱ va̱si nuu̱ Tu̱ʼun Ndio̱s ta jaá ní yóʼo kuu ja̱núu ní yaa ña̱ kuu kunijo̱ʼo ní.

Ña̱ kée na̱ testigo Jeová. Nuu̱ página yóʼo ñúʼú kuaʼa̱ video ña̱ káʼa̱n saʼa̱ ña̱ kástu̱ʼun ná saʼa̱ Tu̱ʼun Ndio̱s iníí kúú ñuyíví, ta jaá ní saʼa̱ ña̱ yáʼa na̱ testigo Jeová ta xíʼín ña̱ chindeé yó java ka̱ na̱yivi ta jaá ní yóʼo káʼa̱n ndá ama nátaka kuaʼa̱ yó ta jaá ní yóʼo va̱si ndixi kee ní já káʼa̱n ní xíʼín ndijaá veʼe Betel.

Ña̱yóʼo keean ña̱ ña̱ ndaa̱ ná yiʼvián iníí kúú ñuyíví yóʼo já ná chindeéán ndiʼi na̱ ñuyíví, ta jaá ní iin nuu̱ naní Antártida. Si̱kataʼvi nduʼu̱ nuu̱ Ndio̱s já ná “ndikui̱ta nuu ya̱chi̱ tu̱ʼun va̱ʼa” nuu̱ iníí kúú nuu̱ Ñúʼu̱ yóʼo já na̱ kee káʼnu ná Jeová Ndio̱s (2 Tesalonicenses 3:1).

• ¿Ndixi chindeé página jw.org/jw-mxo ña̱ ndiʼi na̱yivi na kundaa̱ ini ná saʼa̱ ña̱ ndaa̱ káʼa̱n Tu̱ʼun Ndio̱s?

• ¿Ndíki̱án kuni ní kundaa̱ ini ní nuu̱ página yóʼo?