Ndiʼi ña̱ jánaʼa̱ ná saʼa̱ Tu̱ʼun Ndio̱s kée ná Veʼe nuu̱ nátaka na̱ testigo Jeová yóʼo sánaʼa̱ ná saʼa̱ Gobierno Ndio̱s xíʼín saʼa̱ ña̱ ni̱ kee Jesús ta ni̱ siíó ra nuu̱ Ñúʼu̱ yóʼo (San Lucas 8:1).

Veʼe yóʼo kíán nuu̱ kandañu̱ʼu ná Ndio̱s ndaa̱ ndisa. Yóʼo kúú nuu̱ nátaka ná já saʼa̱ ná kástu̱ʼun ná saʼa̱ tu̱ʼun va̱ʼa Gobierno Ndio̱s nuu̱ na̱yivi (San Mateo 24:14). Veʼe nuu̱ nátaka na̱ testigo Jeová jíin jíin kanda ña ta jíin jíin káa ña̱ jo o̱ju̱ú veʼe ña̱ yaʼvi viʼi va kíán kuaʼá vá congregación nátaka nuu̱ iin iin Veʼe nuu̱ nátaka na̱ testigo Jeová. Ndijaá kuia̱ ña̱ jáa̱ ni̱ yaʼa si̱ ni̱ kava̱ʼa ná kuaʼa̱ mil Veʼe nuu̱ nátaka na̱ testigo Jeová (iin kuaʼa̱ 5 veʼe yóʼo kava̱ʼa ná iin kivi̱) kée ná ña̱ jáchi̱ kivi̱ tá kivi̱ ndukuaʼa̱ ka̱ congregación. ¿Ndixi kée ná ña̱yóʼo? (San Mateo 19:26.)

Nátaka xu̱ʼún ña̱ si̱ʼa na̱yivi xíʼín ndiʼi ánima̱ ná ta xíʼín ña̱yóʼo kava̱ʼa ná veʼe yóʼo. Xu̱ʼún yóʼo chindaʼá ná ña̱ veʼe Betel ta na̱yóʼo si̱ʼa ná xu̱ʼún yóʼo nuu̱ na̱ congregación na̱ síniñúʼú ndajava̱ʼa á kava̱ʼa ná Veʼe nuu̱ nátaka na̱ testigo Jeová.

Na̱ kava̱ʼa veʼe yóʼo ko̱ kiʼin yaʼvi ná. Nuu̱ kuaʼa̱ ñuu naʼnu ni̱ saki ná Iin nduʼú na̱yivi na̱ Kava̱ʼa Veʼe nuu̱ nátaka na̱ testigo Jeová. Na̱ kava̱ʼa veʼe yóʼo jíin jíin congregación saʼa̱n ná mií ñuu naʼnu nuu̱ ió ná ta jaá ní saʼa̱n ná ñuu sika chááka̱ ta chindeé ná na̱ congregación nuu̱ saʼa̱n ná ja kava̱ʼa ná Veʼe nuu̱ nátaka na̱. Nuu̱ java ka̱ ñuu naʼnu ió Testigo ná sini va̱ʼa chúun yóʼo ta ndajava̱ʼa ná á kava̱ʼa ná Veʼe nuu̱ nátaka na̱ testigo Jeová, na̱yóʼo néʼe ná kuéntá saʼa̱ veʼe nuu̱ nátaka míí na̱ ñuu káa. Va̱árá ió kuaʼa̱ na chindeé ta ko̱ó kuu ná na̱ ñuu káa ta sini na si jíin si jíin chúun. Kuaʼa̱ ka̱ kúú na̱ ñuu na̱ kuchúun veʼe ña̱ kava̱ʼa ná yóʼo. Saʼa̱ espíritu Jeová Ndio̱s ta xíʼín saʼa̱ ña̱ ndukundeé ná saʼa̱ ña̱yóʼo sinu̱ ndiʼi ña̱yóʼo (Salmo 127:1; Colosenses 3:23).

• ¿Ndixi kée ná já kava̱ʼa ná Veʼe nuu̱ nátaka na̱ testigo Jeová nuu̱ iníí kúú ñuyíví?