Káʼa̱n Tu̱ʼun Ndio̱s saʼa̱ uvi̱ taʼnda̱ na̱ ta̱a ná kachúun nuu̱ congregación “na̱ néʼe kuéntá congregación, tá na̱ chindeé congregación” (Filipenses 1:1, Traducción del Nuevo Mundo). Ñani táʼan yó tátu̱ʼun na̱yóʼo ió java ka̱ na̱yóʼo nuu̱ iin iin congregación. ¿Ndíki̱án kée na̱ chindeé congregación já kuu chindeé ná miíyó?

Chindeé ná na̱ kuaʼa̱n nuu̱ tein congregación. Na̱ chindeé congregación kúú ná na̱yivi na̱ néʼe táʼan va̱ʼa xíʼín Jeová Ndio̱s, kuu vá kandeé ini yó ná, ta kúú ná na̱yivi ndaa̱, ió java ná si̱va̱ʼa ná ta java ná va̱lí ná. Ta na̱yóʼo kée ná chúun ña̱ si̱ja̱á kuití ió, ta ña̱ kúni̱ʼi ndiva̱ʼa kúúan yóʼo nuu̱ congregación. Ña̱yóʼo chindeéán na̱ kuaʼa̱n nuu̱ já kée va̱ʼa ná chúun kúmí ná ña̱ jánaʼa̱ ná nuu̱ na̱ congregación ta kaniʼni na ná.

Chúun kée ná ña̱ kúni̱ʼi ndiva̱ʼa kíán. Ió java na̱ chindeé congregación ta káʼa̱n ndióxi̱ ná xíʼín na̱ nátaka xíʼín ná ta iinka̱ ná chindeé miíyó tá nátaka yó. Ta iinka̱ ná kúmí ná chúun saʼa̱ radio vá, ta najasa na tutu, ta iinka̱ na néʼe ná kuéntá congregación, ta iinka̱ na káʼa̱n ndá kúú nuu̱ kanian kuʼu̱n na kástu̱ʼun ná saʼa̱ Tu̱ʼun Ndio̱s. Ta jaá ní, ndaá ná Veʼe nuu̱ nátaka na̱ testigo Jeová tá jaá ní chindeé ná na̱ ñani táʼan yó na̱ sáʼnu kée ná ña̱yóʼo tátu̱ʼun káʼa̱n míí na̱ kuaʼa̱n nuu̱ tein congregación. Ndá kúú míí vá chúun taʼndá nuu̱ na kée na ña̱ tá saʼa̱ ña̱yóʼo chí ndiʼi vá na̱ ió ña̱ñúʼú nuu̱ ná (1 Timoteo 3:13).

Ña̱ kée na̱yóʼo kuu kati̱ʼa java ná ñani táʼan yó. Na̱ chindeé congregación yóʼo ni̱ kasí ná na̱yóʼo jáchi̱ va̱ʼa ndañu̱ʼu ná Jeová Ndio̱s. Ta káʼa̱n ndojó ná chindeéán miíyó já kandeé chááka̱ ini yó Jeová Ndio̱s; tá kana na káʼa̱n ná saʼa̱ Tu̱ʼun Ndio̱s nuu̱ na̱yivi, ña̱yóʼo chindeéán miíyó já kána chááka̱ yo̱ káʼa̱n yó Tu̱ʼun Ndio̱s nuu̱ na̱yivi, ta saʼa̱ ña̱ si̱ʼa na miíná ña̱ chindeé ná na̱ kuaʼa̱n nuu̱ tein congregación ta kée na ña̱yóʼo kée na ña̱ ndiʼi na̱ congregación na̱ kujii̱ ini na ta néʼe táʼan va̱ʼa chááka̱ ná xíʼín ná (Efesios 4:16). Tá yáʼa tiempo ña̱ kachúun na jaá, míí na̱yóʼo kuu kukuu na̱ kuaʼa̱n nuu̱ tein congregación.

• ¿Ndixi kanian kukuu na̱ chindeé congregación?

• Na̱ chindeé congregación, ¿ndixi kée ná já kíán va̱ʼa ió ndiʼi chúun nuu̱ congregación?