Na̱ veʼe Betel kée na ndijaá chúun, kée ná jáchi̱ kúni̱ ná ña̱ ndiʼi na̱yivi na̱ kundaa̱ ini ná saʼa̱ Tu̱ʼun Ndio̱s nuu̱ java ka̱ ñuu naʼnu; jayáʼa ná ña̱ va̱si nuu̱ iin tutu nuu̱ iinka̱ yúʼu̱, iinka̱ na kachúun ná nuu̱ makina ña̱ tavá tutu, a nuu̱ tavá ná livro, a nuu̱ táan va̱ʼa ná tutu, a nuu̱ kuaʼá gravación ña̱ kunijo̱ʼo yó ta video, ta nuu̱ kuaʼa̱ ka̱ chúun.

Iin Comité na̱ néʼe chúun veʼe Betel néʼe ná kuéntá saʼa̱ ndiʼi chúun ña̱ kuu yóʼo. Na̱ Iin nduʼú na̱yivi na̱ Néʼe chúun ni̱ kási ná uni̱ ñani yó á yáʼa ka̱ uni̱ na̱yóʼo na̱ kuaʼa̱n nuu̱ tein congregación na̱ néʼe táʼan va̱ʼa xíʼín Ndio̱s já na̱ kaneʼe ná kuéntá saʼa̱ iin iin veʼe Betel. Kástu̱ʼun na̱yóʼo nuu̱ na̱ Iin nduʼú na̱yivi na̱ Néʼe chúun, ndiʼi ña̱ kuu yóʼo tátu̱ʼun saʼa̱ ñaʼá ña̱ va̱ʼa ña̱ ni̱ kee ná a tátu̱ʼun tu̱ndóʼó ña̱ kuu yáʼa ná, ña̱yóʼo chindeéán na̱ Iin nduʼú na̱yivi na̱ Néʼe chúun já kundaa̱ ini ná kasí na̱ ndá saʼa̱ káʼa̱n tutu ña̱ tavá ná a ndá saʼa̱ káʼa̱n na̱ tá nátaka kuaʼa̱ yó a ta ná nátaka yó. Ta ió tani na̱ Iin nduʼú na̱yivi na̱ Néʼe chúun tandaʼá ná java ñani yó ná kuʼu̱n ná kaniʼni ná iin iin veʼe Betel ta ndatu̱ʼun ná xíʼín na̱ Comité na̱ néʼe chúun veʼe Betel ta káʼa̱n ná xíʼín ná ndíki̱án kanian kée ná já kée va̱ʼa ka̱ ví ná chúun kúmí ná (Proverbios 11:14). Tá kaniʼni ná Betel, nátaka kuaʼa̱ ná ta káʼa̱n ndojó rá saʼa̱ iin ña̱ kúni̱ʼi ndiva̱ʼa ta ña̱yóʼo si̱ʼa ña̱ tu̱ndeé ini nuu̱ ñani táʼan yó na̱ ndóyi nuu̱ néʼe kuéntá veʼe Betel.

Chindeé ná na̱ congregación. Nuu̱ míí veʼe Betel iin na̱ ñani yó na̱ chikoo iin iin congregación. Tá chikuéntá ná chúun ña̱ kée na̱ prekursor, na̱ misionero, ta na̱ néʼe kuéntá circuito na̱ ndóyi nuu̱ néʼe kuéntá veʼe Betel. Kéyiko va̱ʼa ná ña̱ nátaka kuaʼa̱ yó, ta keyiko na ña̱ kava̱ʼa ná Veʼe nuu̱ nátaka na̱ testigo Jeová tá jaá ní chindaʼá ná ndijaá tutu ña̱ síniñúʼú na̱ congregación já káʼa̱n ná saʼa̱ Tu̱ʼun Ndio̱s. Ndiʼi chúun ña̱ kée ná veʼe Betel chindeéán já kástu̱ʼun ná saʼa̱ Tu̱ʼun Ndio̱s nuu̱ na̱yivi (1 Corintios 14:33, 40).

• Comité na̱ néʼe chúun veʼe Betel, ¿ndixi chindeé ná na̱ Iin nduʼú na̱yivi na̱ Néʼe chúun?

• ¿Ndá ña kúú chúun kúmí ndijaá veʼe Betel?