Ndijaá kuia̱, na̱ testigo Jeová taa nduʼu̱ ciento millón ví Biblia tutu ña̱ káʼa̱n saʼa̱ Tu̱ʼun Ndio̱s ta ko̱ xiko ndu ña̱yóʼo; kava̱ʼa ndu Veʼe nuu̱ nátaka na̱ testigo Jeová ta kava̱ʼa ndu̱ veʼe Betel ta ndaá yó ña; ta jaá ní chindeé ná mil na̱ kachúun veʼe Betel xíʼín na̱ misionero, ta tá yáʼa iin ña̱ játi̱ví nuu̱ Ñúʼu̱ yóʼo chindeé ná na̱ ñani táʼan ná chindaʼá ná xu̱ʼún nuu̱ ná. ¿Ndá tavá ná xu̱ʼún já chaʼvi ná ndiʼi ña̱yóʼo?

Ko̱ó kiʼin yaʼvi ná ta ni̱ ko̱ si̱ʼa ná iin taʼndá ñaʼá ña̱ kúmí ná. Va̱árá kuaʼa̱ xu̱ʼún síniñúʼú ná já kuu kuʼu̱n ná kástu̱ʼun ná saʼa̱ Tu̱ʼun Ndio̱s jo, ko̱ sika ná xu̱ʼún nuu̱ na̱yivi. Yáʼa ka̱ iin ciento kuia̱, La Atalaya ña̱ ni̱ kana uvi̱ taʼndá ni̱ káʼa̱n ña̱ ña kandeé ini yó ña̱ Jeová Ndio̱s kúú ta chindeé miíná ta “ña̱ ni̱ iin taʼndá o̱kuʼun yó kuatu yó ta ni̱ o̱káʼa̱n yó xíʼín na̱yivi ná chindeé ná miíyó”. Ta jaá ndisa kíán (San Mateo 10:8).

Kée yó chúun yóʼo nuu̱ iníí kúú ñuyíví xíʼín xu̱ʼún ña̱ kamani̱ na̱yivi xíʼín ndinuʼu ini ná. Kuaʼa̱ na̱yivi kutoó ná ña̱ ná kuʼu̱n yó kástu̱ʼun yó saʼa̱ Tu̱ʼun Ndio̱s nuu̱ ná ta saʼa̱ ña̱ yóʼo si̱ʼa ná xu̱ʼún xíʼín ndinuʼu ini ná. Na̱ testigo Jeová ndiʼi ini ná chindeé ná na̱yivi, kée ná jáchi̱ kuni ná kée ná ña̱ kúni̱ Ndio̱s nuu̱ iníí kúú ñuyíví yóʼo (1 Crónicas 29:9). Veʼe nuu̱ nátaka na̱ testigo Jeová á nuu̱ nátaka kuaʼa̱ nduʼu á nuu̱ nátaka kuaʼa̱ nduʼu̱ uni̱ kivi̱ iin kaja nuu̱ kuu chikaa̱ na xu̱ʼún tá kúni̱ ná. Na̱yivi na̱ ndaʼví vá kúú na̱ si̱ʼa xu̱ʼún yóʼo, na̱yóʼo kúú ná tátu̱ʼun ña̱ kúaa̱n ña̱ kúu ndaʼví saʼa̱ ña̱ ni̱ káʼa̱n Jesús jáchi̱ ña̱yóʼo ni̱ ta̱an ña̱ uvi̱ xu̱ʼún ña̱ nuu yaʼvi ini sato̱ (San Lucas 21:1-4). Yoo kúú míí vá kuu tavá xoo ná xu̱ʼún chikaa̱ ná ini kaja “tá kia̱ʼva na̱saku ini ndó kia̱ʼva ndó” (1 Corintios 16:2; 2 Corintios 9:7).

Kandeé ini nduʼu̱ ña̱ Jeová Ndio̱s kée si ña̱ na̱yivi ná keekáʼno ná si xíʼín ña̱ʼa ña̱ va̱ʼa ña̱ kúmí ná ta jaá na̱ kée ná chúun ña̱ kúni̱ Jeová Ndio̱s (Proverbios 3:9).

• ¿Ndiva̱ʼa o̱ju̱ú iin kúú yó tátu̱ʼun java ka̱ religión?

• ¿Ndá si̱chúun ná xu̱ʼún ña̱ síʼa na̱yivi?