¿Ndiva̱ʼa kánian jákuáʼa yó Tu̱ʼun Ndio̱s?
Tu̱ʼun Ndio̱s va kúú tutu ña̱ xíni̱ chááka̱ na̱yivi saʼa̱ nuu̱ iníí kúú ñuyíví. ¿Á sa̱ ni̱ kaʼvi mií ní tutu yóʼo? Sa̱ kuaʼa̱ cientó kuia̱ chindeéán na̱yivi na̱ ndijaá ñuu já níʼi̱ ná to̱ndeé ini nuu̱ ña̱ jánaʼa̱ ña̱, ta jaá ní chíndeéán na̱ já ndóyi va̱ʼa na. Jo kuaʼa̱ na̱yivi tu̱ñáʼa̱ kaʼvi na ña̱, ta mií ní —á ndíko̱ ní iin religión á ko̱ó— tá kúni̱ ní kandaa̱ ini ní ña̱ jánaʼa̱ ña̱, jaá kía̱n tutu yóʼo chindeéán mií ní. Jáchi̱ xíʼín cháá vá tu̱ʼun jánaʼa̱ ña̱ saʼa̱ kuaʼa̱ ndiva̱ʼo ña̱ káʼa̱n nuu̱ Tu̱ʼun Ndio̱s.
XINAÑÚʼÚ ka̱ kánian kutóni̱ ini ní java ña̱ʼa sa̱ʼá Tu̱ʼun Ndio̱s á Tutu Ii̱ já kasáʼá ní kaʼvi nía̱n, Tátu̱ʼun ña̱ 66 kúú ndijaá tutu ña̱ va̱si nu̱án. Ta nu̱ú kasáʼá ñá nákanian saʼa̱ tutu Génesis ta ndíʼi ña xíʼín tutu Revelación á Apocalipsis.
Tá ndákatu̱ʼún yó miíó, ¿ndá yoo ni̱ taa Tutu Ii̱? Ta̱ ni̱ taa ndin 66 tutu va̱si nu̱ú Tu̱ʼun Ndio̱s ni̱ si̱kuu 40 ta̱a, ta tein 1600 kuia̱ ni̱ taa ra ña̱. Jo ni iin ta̱ ni̱ taa Tutu Ii̱ yóʼo ko̱ ní kaʼa̱n ra̱ ña̱ ni̱ taa ra ña̱ nákani ini mií rá. Ta iin ta̱ yóʼo ni̱ kachi: “Chi̱ mií vá Ndio̱s ni̱ da̱tóo̱n ña̱xintóni̱ dao ta̱a, dá ni̱ taa ra ndidaá to̱ʼon tándaa noo̱ tuti ii̱ ná” (2 Timoteo 3:16). Ta inga̱ ta̱ ni̱ taa ña̱yóʼo ni̱ kachi: “Espíritu ii̱ Jeová Ndio̱s kúú ña̱ ni̱ kaʼa̱n kuendá yuʼu̱, ta ni̱ si̱na̱kaa̱ va tu̱ʼun si yúʼi̱” (2 Samuel 23:2). Ndijaá ta̱ ni̱ taa Tutu Ii̱, ni̱ kachi ra ña̱ mií vá Jeová Ndio̱s, Ta káʼno chááka̱ nuu̱ ñuyíví yóʼo kúú Ta ni̱ kee ña̱ ni̱ taa ra ña̱. Ta jaá ní ni̱ kachi ta̱ yóʼo ña̱ ni̱ si̱ʼa Ndio̱s Tu̱ʼun si nuu̱ yó jáchi̱ kúni̱ si ña̱ ná kaneʼe táʼan va̱ʼa yóʼo xíʼín sí.
Ta jaá ní xiniñúʼú yó kaxini̱ yo̱ ndá saʼa̱ káʼa̱n Tutu Ii̱ já kuu kandaa̱ ini yó ña̱ jánaʼa̱ ña̱, ta ña̱ káʼa̱n ña̱ kía̱n: kachúun Ndio̱s Gobiernó si ña̱ nákaa̱ indiví já kee si ña̱ nakuni ndijaá ná ña̱ mií vá sí kánian kaʼnda chuun nuu̱ ndijaá na̱yivi. Nuu̱ java ka̱ página va̱si nuu̱ tutu yóʼo kandaa̱ ini ní ña̱ sa̱ʼá ña̱yóʼo va káʼa̱n Tu̱ʼun Ndio̱s nuu̱ tutu Génesis ta nda̱ tutu Apocalipsis.
Ta viti sa̱ xíni̱ yo̱ ndijaá ña̱yóʼo, ná kasáʼá yó kaʼvi yó tu̱ʼun va̱si nuu̱ tutu ña̱ xíni̱ chááka̱ na̱ nuu̱ ñuyíví yóʼo, ña̱ kúú Tu̱ʼun Ndio̱s.
^ parr. 9 Ió kuaʼa̱ ndixi kuu kaʼa̱n yó sa̱ʼá kuia̱. Nuu̱ tutu yóʼo kachúun yó tu̱ʼun, tá kúmani̱ kasáʼá kuia̱ 1, xíʼín tá sa̱ ni̱ ka̱sáʼá kuia̱ 1. Nu̱ú ndíʼi iin tá iin página yóʼo kuu kande̱ʼé ní ña̱yóʼo.
You May Also Like
SAʼA̱ NDUʼU̱
Video: ¿Ndivaʼa káni jákuáʼa yó Tu̱ʼun Ndio̱s?
Tu̱ʼun Ndio̱s chindeéán millón na̱yivi na̱ iníí kúú ñuyíví naniʼi̱ na̱ ña̱ ndakatu̱ʼún ná miíná.Kanandu miíní jákuá’aní xí’índu libro ndaya’viyo
