LECCIÓN 04
¿Ndáyoo kúú Ndio̱s?
Nda̱ ni̱kusáʼá ió ñuyíví, na̱yivi kekáʼnona kuaʼa̱ ndio̱s. Jo Tu̱ʼun Ndio̱s káʼa̱n saʼa̱ iin túʼún láává Ndio̱s “kúú iin Ndio̱s káʼno nuu̱ javaka̱ ndio̱s” (2 Crónicas 2:5). ¿Ndáyoo kúúna? ¿Ndíki̱án kée jaá, kúúna na̱ káʼno nuu̱ javaka̱ ndio̱s kekáʼno na̱yivi? Nuu̱ lección yóʼo kati̱ʼaní ña̱ kúni̱ Ndio̱s kundaa̱ ininí saʼa̱na.
1. ¿Ndíki̱án kúú kivi̱ Ndio̱s, ta ndiva̱ʼa xíni̱yó ña̱ kutoóna kundaa̱ iniyó kivi̱na?
Nuu̱ Biblia, Ndio̱s káchina saʼa̱ miína: “Yuʼu̱ kúú Jeová. Ña̱yóʼo kúú kivi̱” (kaʼviní Isaías 42:5, 8). Jeová kúú iin kivi̱ ni̱kee traducir na̱ yúʼu̱ hebreo ta, java na̱ ndi̱chí káchi, ña̱ kúni̱ kachi ña̱ “miína kée jaá kasandaá ió ndijaá ña̱ʼa”. Jeová kúni̱ ña̱ ná kanaʼáyó kivi̱na (Éxodo 3:15). ¿Ndiva̱ʼa náʼáyó ña̱yóʼo? Jáchi̱ miína ni̱saʼndá chúun ña̱ nuu̱ Biblia ña̱ ná kanúu kivi̱na 7.000 chááka̱ íchi̱. a Jeová kúú kivi̱ “Ndio̱s ndaa̱ ndísa indiví ta janí nuu̱ Ñúʼu̱ yóʼo” (Deuteronomio 4:39).
2. ¿Ndiku̱ú ña̱ nakani Tu̱ʼun Ndio̱s saʼa̱ Jeová?
Tu̱ʼun Ndio̱s káchi ña̱, nuu̱ ndijaá ndio̱s kekáʼno na̱yivi, iin túʼún ji̱ni̱ Ndio̱s ndaa̱ kúú Jeová. ¿Ndiva̱ʼa? Ió kuaʼa̱ ña̱ʼa naʼa̱. Jeová kúú na̱ néʼe chúun káʼno, “ta Káʼnu cháá ga̱ nuu̱ iníí kúú ñuyíví” (kaʼviní Salmo 83:18). Ta miína “kúú Todopoderoso”, ta ña̱yóʼo kúni̱ kachi ña̱ ió ndee̱ nuu̱na ta kuu kéena ndijaá ña̱ káʼánna. Janí miína kúú na̱ Ni̱kava̱ʼa, “ndijaá ña̱ʼa”: indiví ta ndijaá ña̱ ta̱kú ió nuu̱ Ñúʼu̱ Ndeʼi̱ yóʼo (Apocalipsis 4:8, 11, TNM). Janí, Jeová kúú iin túʼún Ndio̱s sa̱ jaá ióvána ta jaá koována ndijaá táʼa̱n tiempo (Salmo 90:2).
NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO
Ná kande̱ʼéyó ndiva̱ʼa jíin kúú título Ndio̱s ta jíin kúú kivi̱na, iin kivi̱ túʼún miívána kómíña̱. Janí kundaa̱ iniyó ndixi kéena kástu̱ʼunna kivi̱na nuu̱yó ta ndiva̱ʼa kúni̱na ña̱ ná kanaʼáyó ndixi nanína.
3. Ió kuaʼa̱ título kuchúunyó tá káʼa̱nyó saʼa̱ Ndio̱s, jo iin túʼún láá vá kúú kivi̱na
Jaá ná kundaa̱ iniyó ña̱ jíinvá kúú título tá káʼa̱nyó saʼa̱ iin na̱yivi ta jíinvá kúú kivi̱na, kande̱ʼéndó VIDEO ta kanatúʼúnndó saʼa̱ ña̱ va̱xi yóʼo:
-
¿Ndiva̱ʼa jíin kúú iin título xíʼín iin kivi̱, tátu̱ʼun tá káʼa̱nyó señor?
Tu̱ʼun Ndio̱s káchi ña̱ na̱yivi kekáʼnona kuaʼa̱ ndio̱s o señor. Kaʼvindó Salmo 136:1-3 ta kanatúʼúnndó saʼa̱ ña̱ va̱xi yóʼo:
-
¿Ndáyoo kúú “Ndio̱s ndísa nuu̱ na̱ kúú ndio̱s” ta ndáyoo kúú “Señor ndísa nuu̱ na̱ kúú señor”?
4. Jeová kúni̱na ña̱ miíní ná kanaʼání kivi̱na ta kuchúunní ña̱
¿Ndiva̱ʼa xíni̱yó ña̱ Jeová kúni̱na ña̱ miíní ná kanaʼání kivi̱na? Kande̱ʼéndó VIDEO ta kanatúʼúnndó saʼa̱ ña̱ va̱xi yóʼo:
-
¿Ndiva̱ʼa káʼán miíní ña̱ Jeová kúni̱na ña̱ ná kanaʼání kivi̱na?
Jeová kúni̱na ña̱ na̱yivi ná kuchúunna̱ kivi̱na. Kaʼvindó Romanos 10:13, TNM ta kanatúʼúnndó saʼa̱ ña̱ va̱xi yóʼo:
-
¿Ndiva̱ʼa ña̱ ndayaʼvi tei kían ña̱ kuchúunyó kivi̱ Ndio̱s, Jeová?
-
¿Ndixi kuu ini miíní tá kuchúunna kivi̱ní jaá káʼa̱nna xíʼínní?
-
¿Ndixi káʼán miíní kuu ini Jeová tá kuchúun miíní kivi̱na?
5. Jeová kúni̱na ña̱ ná kanetáʼan va̱ʼaní xíʼínna
Iin ñáʼa̱ ñuu Camboya naní Soten ni̱kachiñá ña̱ kati̱ʼayó kivi̱ Ndio̱s kúú iin ña̱ʼa va̱ʼa chááka̱ o̱ju̱ú ndáka̱ ña̱ʼa. Kande̱ʼéndó VIDEO ta kanatúʼúnndó saʼa̱ ña̱ va̱xi yóʼo:
-
Tátu̱ʼun ni̱xininí nuu̱ video, ¿ndixi ni̱kuu ini Soten tá ni̱kundaa̱ iniñá kivi̱ Ndio̱s?
Jaá kuití, tá káʼányó kanetáʼan va̱ʼayó xíʼín inga na̱yivi, kúú nu̱ú chááka̱ kánian kanaʼáyó kivi̱na. Kaʼvindó Santiago 4:8a ta kanatúʼúnndó saʼa̱ ña̱ va̱xi yóʼo:
-
¿Ndíki̱án kutoó Jeová kée miíní?
-
¿Á kandísa miíní ña̱ kanaʼání ta kuchúunní kivi̱ Ndio̱s kuu chindeéña miíní kuyatiní nuu̱na? Ta ¿ndiva̱ʼa?
ÑA̱ KÁʼA̱N INGA NA̱YIVI: “Tátu̱ʼun iin túʼúnvá kúú Ndio̱s, kuuvá káʼa̱nyó xíʼínna ndixi kúni̱ miíváyó”.
-
¿Á kandísa miíní ña̱ Jeová kúú kivi̱ Ndio̱s?
-
¿Ndixi kee miíní jánaʼa̱ní nuu̱ javaka̱na ña̱ Ndio̱s kúni̱na ña̱ kuchúunyó kivi̱na?
ÑA̱ NI̱KATI̱ʼAYÓ
Jeová kúú kivi̱ iin túʼún ji̱ni̱ Ndio̱s ndaa̱. Miína kúni̱ ña̱ kanaʼáyó kivi̱na ta kuchúunyó ña̱ jaá saa̱yó kanetáʼan va̱ʼayó xíʼínna.
¿Á naku̱ʼun inión?
-
¿Ndiku̱ú ña̱ naʼa̱ ña̱ jíin kúú Jeová nuu̱ javaka̱ ndio̱s kekáʼno javaka̱ na̱yivi?
-
¿Ndiva̱ʼa kánian kuchúunyó kivi̱ Ndio̱s?
-
¿Á kúni̱ Jeová ña̱ kanetáʼan va̱ʼa miíní xíʼínna? ¿Ndiva̱ʼa náʼání ña̱yóʼo?
KUU NANDUKÚNÍ JAVAKA̱ ÑA̱ʼA
Kande̱ʼéní uʼu̱n ña̱ʼa naʼa̱ ña̱ ndísa kuití ió Ndio̱s.
Kande̱ʼéní ña̱ va̱ʼa kían nákani iniyó ña̱ ndijaá tiempo vá ió Ndio̱s.
“¿Ndáyoo ni̱kava̱ʼa Ndio̱s?” (La Atalaya, 1 de agosto de 2014)
Kande̱ʼéní ndiva̱ʼa kánian kuchúunyó kivi̱ Ndio̱s va̱árá ko̱ náʼáyó ndixi ni̱sakáʼa̱nna ñá nda̱ miísaʼa̱.
¿Á ndayaʼvi ndixi chi̱naníyó Ndio̱s? Kande̱ʼéní ndiva̱ʼa káchiyó ña̱ iin túʼúnvá kúú kivi̱ Ndio̱s.
a Nuu̱ apéndice A4 Biblia. Traducción del Nuevo Mundo naniʼi̱yó chááka̱ información saʼa̱ ña̱ kúni̱ kachi kivi̱ Ndio̱s ta ndiva̱ʼa javana ni̱ji̱tána o ni̱ke̱xoona kivi̱ Ndio̱s nuu̱ java Biblia.
