LECCIÓN 07
¿Ndixi ió ini Jeová?
Tá nákani ininí saʼa̱ Jeová, ¿ndixi ió inina káʼán miíní? ¿Á káʼánní ña̱ kúúna̱ iin Ndio̱s káʼno jo xíkáva nakaa̱na nuu̱ miíní, tátu̱ʼun ki̱ʼo xíká nakaa̱ ti̱ñuu̱ ió nuu̱ iin galaxia? O ¿á káʼánní ña̱ kúúna̱ iin na̱ kuu kée ndiʼi ña̱ʼa jo ko̱ ndíʼi inina saʼa̱yó? ¿Ndixi miía̱ndaa̱ ndísa ió ini Jeová? Nuu̱ Tu̱ʼun na, kúú Biblia, Jeová jánaʼa̱na java ña̱ va̱ʼa ió nuu̱na ta janí naʼa̱na ña̱ ndíʼi inina saʼa̱ miíní.
1. ¿Ndiva̱ʼa o̱kúu kuniyó Ndio̱s?
“Chi̱ Espíritu vá kúú Ndios” (Juan 4:24). Jeová ko̱ yikí ko̱ñona. Miína kúú espíritu ta ióna indiví, iin xián nuu̱ o̱kúu kuniyó.
2. ¿Ndiku̱ú java ña̱ va̱ʼa ió nuu̱ Jeová?
Va̱árá o̱kúu kuniyó Jeová, jo tá saa̱yó kundaa̱ iniyó saʼa̱na kusáʼá kúni̱yóna jáchi̱ miía̱ndaa̱ ndísa kúúna iin Ndio̱s ta̱kú ta ió ndiva̱ʼo ña̱ ndato nuu̱na. Tu̱ʼun Ndio̱s káchi: “Jeová kíʼvi inina ña̱ kúú ña̱ ndaa̱ ta o̱jándákoona na̱ ndíta tuun xíʼínna” (Salmo 37:28). Janí “va̱ʼa nda̱ʼo ini, ta kúʼu̱ nda̱ʼo ini na̱ saʼa̱ yo̱”, jaá kéena xíʼín ndijaá na̱yivi ndóʼo tu̱ndóʼó (Santiago 5:11). “Yativá nakaa̱ Jeová xíʼín na̱ ta iʼvi̱ ini; ta jáka̱kuna na̱ kundáʼví ini” (Salmo 34:18). ¿Á náʼání ña̱ tátu̱ʼun ki̱ʼo kéeyó kuu ki̱ʼoyó ña̱ kundáʼví ini Jeová o kujii̱ inina? Na̱yivi chikaa̱ ini kée ña̱ kini jaá xíʼona ña̱ ta iʼvi̱ ini Jeová ta kundáʼví inina kéena (Salmo 78:40, 41). Jo na̱yivi kée ña̱ va̱ʼa xíʼona ña̱ kujii̱ ini Jeová (kaʼviní Proverbios 27:11).
3. ¿Ndixi naʼa̱ Jeová ña̱ kúni̱nayó?
Ña̱ va̱ʼa chááka̱ ió nuu̱ Jeová kúú ña̱ kíʼvi ini. Miía̱ndaa̱, “Ndios kúú na̱ kúʼu̱ ini saʼa̱ yo̱” (1 Juan 4:8). Jeová naʼa̱na ña̱ kíʼvi inina saʼa̱yó xíʼín tu̱ʼun káʼa̱nna nuu̱ Biblia ta janí xíʼín ndijaá ña̱ʼa ni̱kava̱ʼana (kaʼviní Hechos 14:17). Nákani ininí, tátu̱ʼun, ndixi ni̱keena tá ni̱kava̱ʼanayó. Ni̱xi̱ʼona ña̱xinitóni̱yó jaá ná kuniyó ndijaá color ndato ta ná kujii̱ iniyó kunijo̱ʼoyó yaa xíʼín ndijaá ña̱ va̱ʼa saʼan saxíyó. Ndio̱s kúni̱na ña̱ ná kujii̱ iniyó kandoyiyó.
NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO
Ná kande̱ʼéyó ndíki̱án kuchúun Jeová jaá kava̱ʼana ña̱ʼa náʼno. Tá ni̱ndiʼi ná kande̱ʼéyó ndiki̱ʼo naʼa̱na ndijaá ña̱ va̱ʼa ió nuu̱na.
4. Espíritu ii̱ Ndio̱s: ndee̱ kuchúunna jaá kava̱ʼana ña̱ʼa
Miíyó kuchúunyó ndáʼa̱yó tá kuchúunyó, ta Jeová kuchúunna espíritu ii̱na. Tu̱ʼun Ndio̱s ko̱ káʼa̱n ña̱ espíritu ii̱ kúú iin na̱yivi, va̱ʼa chááka̱ káchiñá ña̱ kúúña ndee̱ kuchúun Ndio̱s jaá kéena ndijaá ña̱ʼa. Kaʼvindó Lucas 11:13 xíʼín Hechos 2:17, ta kanatúʼúnndó saʼa̱ ña̱ va̱xi yóʼo:
-
Ndio̱s xíʼona espíritu ii̱na nuu̱ na̱ xíka̱ña̱. Sa̱ʼá ña̱yóʼo, ¿á káʼán miíní ña̱ espíritu ii̱ Ndio̱s kúú iin na̱yivi, o va̱ʼa chááka̱ káʼánní ña̱ kúúña̱ iin ndee̱ ió nuu̱ Ndio̱s, ta kuchúunnaña̱, jaá kava̱ʼana ndijaá ña̱ʼa? ¿Ndiva̱ʼa káʼánní jaá?
Jeová kuchúunna espíritu ii̱na jaá kava̱ʼana ndijaá ña̱ʼa náʼno. Kaʼvindó Salmo 33:6 xíʼín 2 Pedro 1:20, 21, ta kanatúʼúnndó saʼa̱ ña̱ va̱xi yóʼo:
-
¿Ndixi kée Jeová jaá kuchúunna espíritu ii̱na?
5. Nuu̱ Jeová ió ña̱ va̱ʼa kutoóyó xiníyó
Moisés ni̱kuchúun va̱ʼara nuu̱ Ndio̱s. Va̱árá jaá, ni̱kutoóra kanaʼá va̱ʼa chááka̱ra yoo Ni̱kava̱ʼaña. Sa̱ʼá ña̱yóʼo Moisés ni̱kachira: “Jánaʼa̱ní nuu̱i íchi̱ní jaá ná saa̱i kanaʼá chááka̱i miíní” (Éxodo 33:13). Jeová ni̱kachina xíʼínra ta ni̱ka̱ʼa̱nna saʼa̱ java ña̱ʼa va̱ʼa ió nuu̱na. Kaʼvindó Éxodo 34:4-6 ta kanatúʼúnndó saʼa̱ ña̱ va̱xi yóʼo:
-
¿Ndiku̱ú ña̱ va̱ʼa ió nuu̱ Jeová ni̱ka̱ʼa̱nna xíʼín Moisés?
-
¿Ndiku̱ú ña̱ va̱ʼa ió nuu̱ Jeová kutoó chááka̱ miíní?
6. Jeová ndíʼi inina saʼa̱ ndijaá na̱yivi
Na̱ hebreo, na̱ ñuu Ndio̱s tá tiempo sata̱, ni̱saa̱na sa̱kuuna̱ esclavo ñuu Egipto. ¿Ndixi ni̱sakuu ini Jeová tá ni̱xinína sa̱ndóʼo ini na̱ ñuuna? Kunijo̱ʼondó AUDIO ta kaʼvindó nuu̱ káʼa̱n saʼa̱ña, o kaʼvi kuitíndó Éxodo 3:1-10. Ta kanatúʼúnndó saʼa̱ ña̱ va̱xi yóʼo:
-
¿Ndíki̱án jánaʼa̱ ña̱ nakani ña̱yóʼo tátu̱ʼun ndóʼo ini Jeová tá xinína ndóʼo ini na̱yivi? (Kande̱ʼéndó versículo 7 xíʼín 8).
-
¿Á káʼánní ña̱ Jeová ndísa kuití kúni̱na chindeéna na̱yivi? ¿Á káʼánní ña̱ kuu kéenaña̱? ¿Ndiva̱ʼa káʼánní jaá?
7. Ña̱ ió indiví xíʼín nuu̱ Ñúʼu̱ Ndeʼi̱ jánaʼa̱ nuu̱yó tátu̱ʼun ki̱ʼo ió ini Jeová
Jeová jánaʼa̱na nuu̱yó tátu̱ʼun ki̱ʼo ió inina xíʼín ña̱ ni̱kava̱ʼana. Kande̱ʼéndó VIDEO. Tá ni̱ndiʼi kaʼvindó Romanos 1:20, TNM ta kanatúʼúnndó saʼa̱ ña̱ va̱xi yóʼo:
-
¿Ndiku̱ú ña̱ va̱ʼa ió nuu̱ Jeová xiní miíní nuu̱ ña̱ ni̱kava̱ʼana?
ÑA̱ KÁʼA̱N INGA NA̱YIVI: “Ndio̱s kúú iin ndee̱ nakaa̱ ndijaá xián, ko̱ kúúna iin na̱yivi kuu saa̱yó kanetáʼan va̱ʼa xíʼínyó”.
-
¿Ndixi káʼán miíní?
-
¿Ndiva̱ʼa káʼánní jaá?
ÑA̱ NI̱KATI̱ʼAYÓ
Jeová kúú iin espíritu ta sa̱ʼá ña̱yóʼo o̱kúu kuniyó na. Kuaʼa̱ ña̱ʼa va̱ʼa ió nuu̱na, ta tein ña̱yóʼo ña̱ ndayaʼvi chááka̱ kúú ña̱ kíʼvi inina.
¿Á naku̱ʼun inión?
-
¿Ndiva̱ʼa o̱kúu kuniyó Jeová?
-
¿Ndíki̱án kúú espíritu ii̱ Ndio̱s?
-
¿Ndiku̱ú java ña̱ʼa va̱ʼa ió nuu̱ Jeová?
KUU NANDUKÚNÍ JAVAKA̱ ÑA̱ʼA
Kati̱ʼa chááka̱ní saʼa̱ Jeová jákuáʼaní saʼa̱ komi̱ ña̱ʼa ndayaʼvi chááka̱ ió nuu̱na.
Kande̱ʼéní ndiva̱ʼa káchiyó ña̱ Jeová ko̱ nakaa̱na ndijaá xián.
“¿Á nakaa̱ Ndio̱s ndijaá xián? ¿Á kúúna omnipresente?” (Artículo nuu̱ jw.org)
Kande̱ʼéní ndiva̱ʼa Tu̱ʼun Ndio̱s tá káʼa̱nña̱ saʼa̱ espíritu ii̱ káchiña ña̱ kúúña̱ tátu̱ʼun “ndáʼa̱” Ndio̱s.
Iin ta̱a ko̱ tuu nu̱ú kuáchi̱va ni̱saa̱ra ni̱kandísara ña̱ Ndio̱s ndíʼi inina saʼa̱ra. Kande̱ʼéní ndíki̱án ni̱kee jaá ni̱naja̱ma tátu̱ʼun nákani inira.
“Viti kundaa̱ ini ña̱ kuu chindeéi javaka̱na” (La Atalaya, 1 de octubre de 2015)
