LECCIÓN 10
¿Ndiva̱ʼa ña̱ va̱ʼa kían ña̱ kuʼu̱nní nuu̱ nátaka na̱ testigo Jeová?
¿Á ko̱ oo̱n kána na̱ testigo Jeová miíní kuʼu̱nní? Ndandikú kúkaʼan nuu̱ní tá míínu̱ú ná kuʼu̱nní. Ndakána ndakatu̱ʼúnní miíní: “¿Ndíki̱án kée na̱ Testigo nuu̱ nátakana? ¿Ndiva̱ʼa ña̱ ndayaʼvi tei kían nuu̱na? ¿Á xiniñúʼún taʼani yuʼu̱ kuʼu̱in?”. Nuu̱ lección yóʼo kati̱ʼaní ña̱ tá ná kuʼu̱nní reunión jaá va̱ʼa chááka̱ kanetáʼanní xíʼín Ndio̱s ta chindeé taʼaniña miíní.
1. ¿Ndiku̱ú ña̱ ndayaʼvi chááka̱ kée jaá nátakayó?
Iin ta̱a ni̱taa Tu̱ʼun Ndio̱s ni̱ka̱ʼa̱nra ndiva̱ʼa ndayaʼvi ña̱ nátakayó: “Nuu̱ congregación káʼno kekáʼnoi Jeová” (Salmo 26:12). Tein kivi̱ víti, na̱ testigo Jeová nátaka taʼanina, ta ña̱yóʼo xíʼo ña̱ kujii̱ ndiva̱ʼo inina. Inííkúú ñuyíví, semana ta semana nátakana kekáʼnona̱ Ndio̱s, xitana ta xíka̱taʼvi̱na nuu̱na. Ta java taʼndá nuu̱ kuia̱ nátaka kuaʼa̱ chááka̱na.
2. ¿Ndiku̱ú ña̱ kuu kati̱ʼaní nuu̱ nátakandu̱?
Nuu̱ nátakandu̱ jákuáʼandu̱ saʼa̱ Tu̱ʼun Ndio̱s, ta yóʼo, táʼaya nakanina ña̱ kúni̱ kachiña (kaʼviní Nehemías 8:8). Tá ná kuʼu̱n miíní, kati̱ʼa chááka̱ní saʼa̱ Jeová kati̱ʼaní tátu̱ʼun ki̱ʼo ñúchí ió inina. Ña̱ kundaa̱ chááka̱ ininí tátu̱ʼun ki̱ʼo kíʼvi inina saʼa̱ní kutoó chááka̱ní kanetáʼan va̱ʼaní xíʼínna. Janí kati̱ʼaní ndixi chindeé Ndio̱s miíní koo va̱ʼa ndísaní (Isaías 48:17, 18).
3. ¿Ndíki̱án kée na̱ nátaka kuu kati̱ʼaní?
Jeová xíka̱ ña̱ “ndíʼi inindó saʼa̱ iin ta iin ndó ta naʼa̱ndó ña̱ kíʼvi ini saʼa̱ táʼanndó, ta keendó ña̱ va̱ʼa ta o̱jándákoondó ña̱ nátakandó” (Hebreos 10:24, 25, TNM). Nuu̱ nátakandu̱ kuu kanaʼání java na̱yivi na̱ kíʼvi ndísa ini saʼa̱ táʼanna, tátu̱ʼun ki̱ʼa miíní, kúni̱na kundaa̱ chááka̱ ininá saʼa̱ Ndio̱s. Janí kunijo̱ʼoní ta̱ndeé ini xíʼo Tu̱ʼun Ndio̱s (kaʼviní Romanos 1:11, 12). Janí kuu kanatúʼúnní xíʼín na̱ ta̱kú o na̱ ni̱ta̱ndáʼa̱ ta nakanina xíʼínní ndixi kéena jaá yáʼana iin ta iin tu̱ndóʼó. Ta sa̱ʼá ña̱yóʼo Jeová kúni̱na ña̱ ná o̱jándákooyó ña̱ nátakayó.
NÁ KUNDAA̱ VA̱ʼA CHÁÁKA̱ INIYÓ SAʼA̱ TEMA YÓʼO
Ná kande̱ʼéyó ndíki̱án kée na̱ testigo Jeová nuu̱ nátakana ta ndiku̱ú ña̱ va̱ʼa niʼi̱yó tá ná ndukundeéyó kuʼu̱nyó.
4. Nuu̱ nátaka na̱ testigo Jeová
Tein siglo kúú nu̱ú na̱ sa̱kuu cristiano sa̱nátakana sa̱kekáʼnona Jeová (Romanos 16:3-5, TNM). Kaʼvindó Colosenses 3:16 ta kanatúʼúnndó saʼa̱ ña̱ va̱xi yóʼo:
-
¿Ndixi sa̱kee na̱ cristiano kúú nu̱ú sa̱kekáʼnona̱ Jeová?
Tiempo viti, na̱ testigo Jeová jaá nátaka taʼanina jaá kuu kekáʼnona Jeová. Tá kúni̱ndó kundaa̱ inindó ña̱ kéena nuu̱ nátakana, kande̱ʼéndó VIDEO. Tá ni̱ndiʼi kande̱ʼéndó dibujo nuu̱ nátakana ta kanatúʼúnndó saʼa̱ ña̱ va̱xi yóʼo:
-
¿Ndíki̱án kéena Salón Reino kúú inu̱ú xíʼín ña̱ káʼa̱n Colosenses 3:16?
-
Tá ndéʼéní video o ndéʼéní dibujo, ¿á ió inga ña̱ʼa kutoó chááka̱ní xininí yáʼa nuu̱ nátakandu̱?
Kaʼvindó 2 Corintios 9:7 ta kanatúʼúnndó saʼa̱ ña̱ va̱xi yóʼo:
-
¿Ndiva̱ʼa ko̱ xíka̱na xu̱ʼún nuu̱ nátaka na̱ testigo Jeová?
Kande̱ʼéní xíʼín maestro ní, ña̱ Jákuáʼayó semana viti nuu̱ nátakayó.
-
¿Ndiku̱ú ña̱ yáʼa yóʼo ni̱kutoó chááka̱ní ta chindeéña̱ miíní?
¿Á náʼání?
Nuu̱ jw.org kuu naniʼi̱ní ndeí ta ndá kivi̱ nátakandu̱ nuu̱ jíin jíin ñuu inííkúú ñuyíví.
-
Nuu̱ nátakandu̱ yáʼana káʼa̱nndojóná, naʼa̱na tátu̱ʼun kéeyó ta jaya̱ʼana video. Ndijaáña kusáʼá ta ndiʼiña xíʼín iin yaa xíʼín ña̱ xíka̱taʼvi̱na.
-
Java tein programa, na̱ nátaka kuu káʼa̱nna ndixi kundaa̱ inina.
-
Ndijaávána kuu kuʼu̱n: kúúna ta̱a o ñáʼa̱, na̱ sava̱ʼa o ta kuálí...
-
Ta ko̱ kíʼinya̱ʼvina nuu̱ nátaka na̱ testigo Jeová. Ko̱ jatakana xu̱ʼún ta ko̱ chíya̱ʼvina jaá kuʼu̱nna.
5. Xiniñúʼún ndukundeéyó jaá kuʼu̱nyó nuu̱ nátakana
Ná nákani iniyó saʼa̱ ña̱ ni̱sakee na̱veʼe Jesús. Ni̱sandoyina Nazaret, tá káʼánna kuʼu̱nna̱, veʼeñu̱ʼu Jerusalén kuia̱ ta kuia̱, sa̱xiniñúʼúnna kakana iin oni̱ ka kivi̱, ta chikaʼndana̱ tein yúku̱. Kaʼvindó Lucas 2:39-42 ta kanatúʼúnndó saʼa̱ ña̱ va̱xi yóʼo:
-
¿Á káʼánní ña̱ ni̱ndukundeé ndiva̱ʼona̱ jaá ni̱saʼa̱nna ñuu Jerusalén?
-
Ta miíní, ¿ndiku̱ú tu̱ndóʼó kée xíʼínní jaá kuʼu̱nní nuu̱ nátakana?
-
¿Á káʼánní ña̱ niʼi̱ní ña̱ va̱ʼa tá ná ndukundeéní kuʼu̱nní? Ta ¿ndiva̱ʼa?
Tu̱ʼun Ndio̱s jánaʼa̱ ña̱ ndayaʼvi kían nátakayó jaá kekáʼnoyó Jeová. Kaʼvindó Hebreos 10:24, 25, TNM ta kanatúʼúnndó saʼa̱ ña̱ va̱xi yóʼo:
-
¿Ndiva̱ʼa kánian jakaanyó miíyó jaá nátakayó?
ÑA̱ KÁʼA̱N INGA NA̱YIVI: “Ko̱ xiniñúʼúnyó nátaka kuaʼa̱yó jaá kekáʼnoyó Ndio̱s. Iin ta iinváyó kánian ka̱xi ndiku̱ú ña̱ kandísayó”.
-
¿Ndá texto o ejemplo va̱xi nuu̱ Tu̱ʼun Ndio̱s naʼa̱ ña̱ xíka̱ Jeová kéeyó?
ÑA̱ NI̱KATI̱ʼAYÓ
Ña̱ kuʼu̱nní nuu̱ nátakana chindeéñá miíní kati̱ʼa chááka̱ní saʼa̱ Jeová, ta va̱ʼa chááka̱ kanetáʼanní xíʼínna ta kekáʼnonína xíʼín javaka̱ na̱yivi.
¿Á naku̱ʼun inión?
-
¿Ndiva̱ʼa nakána Jeová miíyó ña̱ nátakayó?
-
¿Ndiku̱ú ña̱ kuu kati̱ʼaní nuu̱ nátaka na̱ testigo Jeová?
-
¿Ndiku̱ú inga ña̱ʼa káʼánní ña̱ kuu chindeé miíní tá ná kuʼu̱nní nuu̱ nátakana?
KUU NANDUKÚNÍ JAVAKA̱ ÑA̱ʼA
¿Á kúkaʼan nuu̱ní tá nákani ininí kuʼu̱nní nuu̱ nátakaná? Iin ta̱a ni̱sandóʼo jaá tá ni̱ndiʼi ni̱kutoó ndiva̱ʼora ni̱xiníra ña. Ná kande̱ʼéyó ndiva̱ʼa.
¡Ní o̱nandojo miívándu̱ tátu̱ʼun va̱ʼa ni̱natiinñana! (4:16)
Kande̱ʼéní ki̱ʼa ni̱sakee iin ta̱lóʼo̱ sa̱kutoóra kuʼu̱nra nuu̱ nátakana ta janí kánian kéera iin ña̱ʼa jaá kuu kuʼu̱nra ndijaá taʼndá.
Kaʼviní saʼa̱ ña̱ nákaní ini javaka̱na saʼa̱ ña̱ nátakana.
“¿Ndiva̱ʼa ña̱ va̱ʼa kúú ña̱ kuʼu̱nyó nuu̱ nátakana Salón Reino?” (Artículo nuu̱ jw.org)
Kande̱ʼéní ndixi ni̱nája̱ma vida iin ta̱a to̱ndóo sa̱kuu pandillero tá ni̱kusáʼá saʼa̱nra nuu̱ nátaka na̱ testigo Jeová.
“Ni iin xián ko̱ ni̱sasaʼi̱n tá ko̱ ña̱ xée̱n néʼi” (La Atalaya, 1 de julio de 2014)
