Ni̱ si̱ndoyi de̱ʼe Adán xíʼín Evá, ta ni̱ si̱ndoyi ku̱aʼa na̱yivi nuu̱ Ñúʼu̱ ntseʼei̱. Ni̱ sinájo̱ʼo Java ángel ña̱ ni̱ kaʼa̱n Satanás.

Ni̱ nduu na na̱yivi ta ni̱ nuu na nuu̱ Ñúʼu̱ ntseʼei̱ já kuu tandaʼa̱ ná xíʼín na̱ ñáʼa̱. Ni̱ si̱ndoyi de̱ʼe na ta jíin ndiva̱ʼo ni̱ si̱ndaa de̱ʼe na, ndakú ndiva̱ʼo ni̱ si̱io de̱ʼe na, ta tondó ndiva̱ʼo ni̱ si̱kuu na.

Kua̱ʼá na̱yivi ni̱ ka̱sáʼá kée na ña̱ kini. Kachí Tu̱ʼun Ndio̱s ña̱ “ni̱ saʼno ndiva̱ʼo ña̱ kini kée na̱yivi ñuyíví yóʼo” ta ña̱ ni̱ si̱na̱kani ini na xíʼín ña̱ ni̱ si̱kee na ña̱ kini kuití vá ni̱ si̱kuuan.

Ta̱ va̱ʼa ni̱ si̱kuu Noé. Ni̱ kachi Jeová Ndio̱s xíʼín Noé ña̱ xíʼín javi̱ xée̱n jánaá si ndiʼi na̱yivi kíni.

Ni̱ saʼnda Ndio̱s chuun nuu̱ Noé ña̱ ná kava̱ʼa ra iin varcó chi̱káʼno káa tátu̱ʼun iin sa̱to: ni̱ si̱naní arká. Ta ná ndachiʼi ra na̱ veʼe ra xíʼín ndijaá nu̱u kíti̱ ini tó.

Ni̱ ka̱stu̱ʼun Noé nu̱ú na̱yivi ña̱ kuun Javi̱ xée̱n, jo ni iin na ko̱ ní sinajo̱ʼo ña̱ ni̱ kaʼa̱n ra̱. Java na si̱saku̱ndaa na ra̱, ta java na ni̱ si̱ka̱ndají ná ra̱.

Tá ni̱ si̱no arká, ni̱ nda̱chiʼi ra kíti̱ ini tó.