Tá kúni̱ yó kee yó ña̱ kúni̱ Ndio̱s Jeová, kánian kunijo̱ʼo yó inga̱ ta kúnu̱ú chááka̱, ta yóʼo kúú sí iin ángel ta xinañúʼú ni̱ ka̱va̱ʼa Ndio̱s Jeová, tá ni̱ ya̱ʼa kuia̱ já ni̱ ka̱va̱ʼa si Adán.

Tá ni̱ ya̱ʼa kuia̱, ni̱ chi̱ndaʼá Ndio̱s Jeová ángel yóʼo já ná kakuan nuu̱ Ñúʼu̱ ntseʼei̱ yóʼo tátu̱ʼun iin taleé ti̱si María, ñá yóʼo ni̱ si̱kuu ñá iin ñá ió mií vá iin ñá tu̱ñáʼa̱ koo xíʼín ta̱a. Jesús ni̱ chi̱naní ná taleé yóʼo (Juan 6:38).

Tá ni̱ si̱io Jesús nuu̱ ñúʼu̱ ntseʼei̱ yóʼo ni̱ si̱kuu si tátu̱ʼun Tatá si. Ta va̱ʼa ini ni̱ si̱kuu si ta ni̱ kuni̱ si ndiʼi kuií va na̱yivi. Ndikuií va na̱yivi ni̱ si̱kuu ni̱ si̱kaʼa̱n xíʼín sí. Ko̱ ní si̱yu̱ʼú si jánaʼa̱ si ña̱ ndaa̱ siaʼa̱ Ndio̱s Jeová.

Ni̱ jánduva̱ʼa Jesús na̱ kíʼvi̱ ta ni̱ ja̱nátaku si na̱ ni̱ siʼi̱.

Ta̱ ni̱ si̱jánaʼa̱ siaʼa̱ ley Ndio̱s ni̱ ja̱káʼa̱n ra̱ ini ta̱ néʼe chuun ñuu Romá já ná kani ra ta ná kaʼní rá Jesús.

Na̱ ni̱ si̱jánaʼa̱ siaʼa̱ ley Ndio̱s kivi̱ ni̱ si̱io Jesús ni̱ si̱ka̱ndají ná si jáchi̱ ni̱ kaʼa̱n kásí si xíʼín na̱yóʼo ña̱ ko̱ jánaʼa̱ na̱ ña̱ ndaa̱ siaʼa̱ Ndio̱s ta ni̱ si̱kuu na na̱ kini.