TAʼNDÁ 11
¿Á sinájo̱ʼo Ndio̱s Jeová tá síka̱taʼvi̱ yó nuu̱ sí?
Sinájo̱ʼo Ndio̱s tá síka̱taʼvi̱ yó nuu̱ sí (1 Pedro 3:12)
Jeová Ndio̱s kúú ta ‘Sinájo̱ʼo ña̱ síka̱taʼvi̱ yó nuu̱ sí’ (Salmo 65:2). Kúni̱ Ndio̱s ña̱ xíʼín ndinuʼu iníma̱ yó ná kaʼa̱n yo̱ xíʼín sí.
Nuu̱ iin túʼún laá Ndio̱s Jeová kaka̱taʼvi̱ ní.
Si̱aʼa kuaʼa̱ ndiva̱ʼo ña̱ʼa kuu kaka̱taʼvi̱ yó nuu̱ Ndio̱s (1 Juan 5:14)
Kaka̱taʼvi̱ ní nuu̱ Ndio̱s ña̱ ná koo kíi̱ ki̱ʼa kúni̱ mií sí nuu̱ Ñúʼu̱ ntseʼei̱ yóʼo tátu̱ʼun ki̱ʼa ió indiví.
Ndiʼi ña̱ síka̱taʼvi̱ ní nuu̱ Ndio̱s kaka̱ nía̱n xíʼín kivi̱ mií Jesús. Jaá na̱ʼa̱ ní ña̱ nákuní ní ña̱ ni̱ kee Jesús siaʼa̱ ní.
Kaka̱ ní nuu̱ Ndio̱s ña̱ ná chindeé sí mií ní kee ní ña̱ va̱ʼa. Tá síka̱taʼvi̱ ní kuu kaka̱ ní ña̱ síniñúʼú ní, tátu̱ʼun ña̱ ná niʼi̱ ní nuu̱ koo ní, ña̱ kasíaʼan ní, chuun ní, ña̱ kandisi ní xíʼín ña̱ ná koo va̱ʼa ní.
