Tá tandaʼa̱ ní na̱ iinka̱ veʼe vá kúú ní. Va̱árá si̱jaá koo ña̱ñúʼú ní nuu̱ tatá ní xíʼín nuu̱ naná ní tá kiʼvi ini ní ná, jo na̱ kúni̱ʼi cháá ga̱ nuu̱ ní viti kúú na̱ ni̱ tandaʼa̱ xíʼín ní. Java na̱ táʼan ní kueé kueé já kundaa̱ ini ná ña̱yóʼo. Jo ña̱ va̱si nuu̱ Tu̱ʼun Ndio̱s kuu chindeéán miíní já koo va̱ʼa ní xíʼín ná, tá jaá ní kaneʼe táʼan va̱ʼa ní xíʼín na̱ ni̱ tandaʼa̱ xíʼín ní.

ÑA̱ KÁʼA̱N TU̱ʼUN NDIO̱S: “Koo ña̱ñóʼó ndó noo̱ tatá ndo̱ xíʼín noo̱ naná ndo̱” (Efesios 6:2, Tyk). Va̱árá lóʼo̱ ní á si̱va̱ʼa ní, jaá kuití káni̱ koo ña̱ñúʼú ní nuu̱ tatá ní xíʼín nuu̱ naná ní. Jo naku̱ʼun ini ní ña̱ na̱ ni̱ tandaʼa̱ xíʼín ní jaá ní káni kunde̱ʼé na̱ tatá ná xíʼín naná ná. “Ta tá kíʼvi̱ ini na̱ [...] ko̱ kái̱ʼvi̱ toʼo iní xi̱ʼi̱n ná”, ña̱káa o̱kukáʼán ní ña̱ saʼa̱ ña̱ néʼe taʼan va̱ʼa ná xíʼín ná veʼe ná ja̱ndákoo ná miíní (1 Corintios 13:4; Gálatas 5:26).

KÉE NÍ ÑA̱YÓʼO:

• O̱káʼa̱n ní ña̱yóʼo: “Na̱ veʼeún si̱jaá ko̱ó káʼa̱n va̱ʼa ná saʼa̱i̱” á “Ndiʼi ña̱ kéei̱ ko̱ó sitaʼan ini nanáún”

• Nakani ini ní ndixi kúu ini na̱ ni̱ tandaʼa̱ xíʼín ní

ÑA̱ KÁʼA̱N TU̱ʼUN NDIO̱S: “Sa̱ʼá ña̱yóʼo ja̱ndákoo ta̱a tatá ra̱ xíʼín naná ra̱ tá nakiʼin táʼan rá xíʼín ñajiʼí rá tá nduu ná iin túʼún ku̱ñu” (Génesis 2:24). Va̱árá si̱ ni̱ tandaʼa̱ ní, tatá ní xíʼín naná ní kukáʼán ná ña̱ káni̱ ndi̱ʼi ini ii̱ vá ná saʼa̱ ní ta ña̱káa kúni̱ ná kundaa̱ ini ná saʼa̱ ndiʼi ña ndóʼo ní.

Káni ndatu̱ʼun va̱ʼa ndó já káʼa̱n vií ndó xíʼín ná ndá ña̱ kúú ña̱ ko̱ó sitaʼan ini ndó. Kuu káʼa̱n va̱ʼa ndó xíʼín na̱ (Proverbios 15:1). Ndaʼví koo ini ndó, vitá koo ini ndó tá kueé koo ini ndó ña̱yóʼo chindeéán ndoʼó já kaneʼe táʼan va̱ʼa ndó xíʼín táʼan ndó tá kée ndó ña̱yóʼo “kaja káʼnu ini sa̱ʼa̱ táʼan ndó jáchi̱ kíʼvi̱ ini sa̱ʼa̱ táʼan ndó” (Efesios 4:2).

KÉE NÍ ÑA̱YÓʼO:

• Tá káʼán ní ña̱ ndi̱ʼi ndiva̱ʼa ini na̱ táʼan ní saʼa̱ ndixi ió ní, o̱ndatu̱ʼun ní saʼa̱ ña̱yóʼo xíʼín na̱ ni̱ tandaʼa̱ xíʼín ní tá ndukueʼe ní

• Ndatu̱ʼun va̱ʼa ndó ndixi kuu kée ndó tá ná ndóʼo ndó ña̱yóʼo