Ndiʼi yó síniñúʼú yó xu̱ʼún já ná kuaʼá yó nuu̱ na̱ veʼe yó ndiʼi ña̱ síniñúʼú ná (Proverbios 30:8). Jáchi̱, “xu̱ʼún chindeé ndiva̱ʼa ña̱ miíyó” (Eclesiastés 7:12). Ió tein tu̱ndóʼó vá keean xíʼín yó tá káʼa̱n yó saʼa̱ xu̱ʼún xíʼín na̱ veʼe yó, jo ná o̱kuaʼá yó ichi̱ ña̱ saʼa̱ ña̱yóʼo kanitáʼan yó xíʼín na̱ ni̱ tandaʼa̱ xíʼín yó (Efesios 4:32). Káni kandeé ini táʼan yó ta ndatu̱ʼun yó ndá kúú nuu̱ kuchúun yó xu̱ʼún.

ÑA̱ KÁʼA̱N TU̱ʼUN NDIO̱S: “Tá kúni̱ ndó kava̱ʼa ndó iin veʼe jíkó ña̱ kája ndó kéa̱ tavá va̱ʼa ndó kuéntá ña̱ á keta jiu̱ʼún ndó á a̱ kéta já ná jáxi̱nu̱ ndó ña̱.” (San Lucas 14:28). Síniñúʼú ndó ndatu̱ʼun ndó ndixi kuchúun ndó xu̱ʼún ndó (Amós 3:3). Ndatu̱ʼun ndó ndíki̱án síniñúʼú ndó kuiin ndó tá ndijaá xu̱ʼún káni tiin ndó (Proverbios 31:16). Va̱árá ió kuaʼa̱ xu̱ʼún nuu̱ ndó ña̱ kuiin ndó iin ña̱ʼa, jo ko̱ó kúni̱ kachian ña̱ kani kuiin ndó ña̱. Kée ndó tata̱ ña̱ o̱kuniyika ndó, si̱va̱ʼa xu̱ʼún ña̱ kúmí vá ndó tiin ndó (Proverbios 21:5; 22:7).

KÉE NÍ ÑA̱YÓʼO:

• Ta ni̱ ndiʼi yoo̱ ta ni̱ kindóo vá xu̱ʼún nuu̱ ndó, ndatu̱ʼun ní xi̱ʼín na̱ ni̱ tandaʼa̱ xíʼín ní ndíki̱án kuu kée ndó xíʼín ña̱

• Tá kúmani̱ xu̱ʼún nuu̱ ndó, ndatu̱ʼun ndó ndixi kée ndó já januu ndaʼa ndó ña̱ kuiin ndó. Tátu̱ʼun ña̱ kava̱ʼa ndó ña̱ kasáʼan ndó ta o̱ju̱ú ña̱ kuiin ndó ña̱

ÑA̱ KÁʼA̱N TU̱ʼUN NDIO̱S: Káni kukuu ndó na̱yivi ndaa̱ xíʼín java ga̱ ná “ta a̱ ju̱ú nu̱ Ndióxi̱ kuití va ndíʼi ini nde̱ kája nde̱ ña̱ va̱ʼa jáchi̱ kúni̱ nde̱ kaja nde̱ ña̱ va̱ʼa nu̱ú ña̱yivi viti” (2 Corintios 8:21). Káʼa̱n ní xíʼín na̱ ni̱ tandaʼa̱ xíʼín ní ndijaá niʼi̱ ní nuu̱ kachúun ní ta ndijaá ja̱ndíʼi ní.

Xinañúʼú ndatu̱ʼun ndó já kuiin ndó iin ña̱ʼa (Proverbios 13:10). Tá si̱jaá ná ndatu̱ʼun ndó saʼa̱ ña̱yóʼo chindeéán ndoʼó já kandoyi va̱ʼa ndó. Xu̱ʼún ña̱ niʼi̱ ní xu̱ʼún ndiʼi vá ndó kíán (1 Timoteo 5:8).

KÉE NÍ ÑA̱YÓʼO:

• Ndatu̱ʼun ndó ndijaá xu̱ʼún kuu tiin iin iin ndó

• O̱kundati ndó ña̱ ndá tá ko̱ó ña̱ʼa ga̱ xu̱ʼún nuu̱ ndó já ndatu̱ʼun ndó saʼa̱ ña̱