Nda̱á míí saʼa̱ tá ni̱ kachi Jeová ña̱ ná kandoyi ná veʼe, ni saʼnda rá chúun nuu̱ na̱ kúú tatá ná kandaa ná de̱ʼe ná (Colosenses 3:20). Miíní ta kúú tatá káni jánaʼa̱ ní nuu̱ de̱ʼe ní ná kúni̱ ná Jeová jaá ta ná kuaʼnu ná kukuu ná na̱yivi na̱ ndisaʼnu ini (2 Timoteo 1:5; 3:15). Jaá ní káni kandaa̱ va̱ʼa ini ní ndíki̱án káʼán ná. Naku̱ʼun ini ní ña̱ de̱ʼe ní si̱nde̱ʼé ná ña̱ kée ní. Ña̱káa kuu jánaʼa̱ va̱ʼa cháá ga̱ ní Tu̱ʼun Ndio̱s nuu̱ de̱ʼe ní ta xinañúʼú miíní jákuáʼa ní ña̱ xíʼín ndiʼi ánima̱ ní (Salmo 40:8).

ÑA̱ KÁʼA̱N TU̱ʼUN NDIO̱S: “Ndítaʼan nu̱ndó kunijo̱ʼo va̱ʼa ndó tá kaʼa̱n inga na xi̱ʼi̱n ndo̱. Ta a̱ kákama ini ndó tá káʼa̱n inga na xi̱ʼi̱n ndo̱” (Santiago 1:19). Miía̱ndaa̱ vá, ña̱ kúni̱ ní ña̱ de̱ʼe ní na̱ ndatu̱ʼun ná xíʼín ní ndiʼi ña̱ ndóʼo ná. Kée ná ña̱yóʼo tá miíní já kuití ndi̱ʼi ini ní saʼa̱ ná tá nakani ná nuu̱ ní ña̱ ndóʼo ná. Vií káʼa̱n ní xíʼín ná já ná káʼa̱n ná xíʼín ní ndiʼi ña̱ nakani ini ná (Santiago 3:18). Tá de̱ʼe ní síndeʼe̱ ná ña̱ niʼi̱ ndiva̱ʼa tu̱ʼun ní á já kuití ko̱ó nataʼan ini ní ña kée ná o̱káʼa̱n ná xíʼín ní ña̱ ndóʼo ná. Kueé koo ini ní tá jaá kuití káʼa̱n ní xíʼín ná ña̱ kúni̱ ní ná (San Mateo 3:17; 1 Corintios 8:1).

KÉE NÍ ÑA̱YÓʼO:

• Tá kúni̱ de̱ʼe ní ndatu̱ʼun ná xíʼín ní ndi̱ʼi ini ní ña̱ nakani ná nuu̱ ní

• Si̱jaá ndatu̱ʼun ní xíʼín de̱ʼe ní o̱ju̱ú si̱va̱ʼa ta ndóʼo ná tu̱ndóʼó

ÑA̱ KÁʼA̱N TU̱ʼUN NDIO̱S: “Ná va̱ʼa sinítuni̱ tá kée ná iin ña̱ʼa niʼi̱ ná ña̱ va̱ʼa” (Proverbios 16:20). Ió tein na̱ kúú tatá káni kunijo̱ʼo va̱ʼa na̱ ña̱ káʼa̱n de̱ʼe na̱ jaá kundaa̱ va̱ʼa ini ná ña̱ nakani ini ná. Java tein na̱ tákú káʼa̱n uun vá ná á ko̱ó káʼa̱n ndaa̱ ná saʼa̱ ña̱ nakani ini ná. “Ta iin na̱yivi káʼa̱n ná saʼa̱ iin ña̱ʼa ta kúmani̱ kunijo̱ʼo ná saʼa̱ ña, tondó vá ná.” (Proverbios 18:13.) Ña̱káa o̱ndukueʼe kama ní (Proverbios 19:11).

KÉE NÍ ÑA̱YÓʼO:

• Kée ní tata̱ kunijo̱ʼo va̱ʼa ní ña̱ nakani de̱ʼe ní nuu̱ ní, tá o̱ndukueʼe ní saʼa̱ ndá kúú míí vá ña̱ nakani ná nuu̱ ní

• Naku̱ʼun ini ní ndixi ni̱ ndóʼo miíní tá lóʼo̱ ní ta nda̱á saʼa̱ ndi̱ʼi cháá ga̱ ini ní

ÑA̱ KÁʼA̱N TU̱ʼUN NDIO̱S: “Kunijo̱ʼo, de̱ʼe míí, tá jananí tatáún yóʼo, tá o̱jandukoun ley nanáún” (Proverbios 1:8). Jeová káʼa̱n rá xíʼín na̱ kúú tatá xíʼín naná ná kaʼnda ná chúun nuu̱ de̱ʼe ná. Káni jánaʼa̱ ná nuu̱ ná ña̱ ná koo ña̱ñúʼú ná nuu̱ ná tá ná kunijo̱ʼo ná ña̱ káʼa̱n ná (Efesios 6:1-3). Na̱ kúú de̱ʼe kandaa̱ vá ini ná “ta iin tóʼón ná kakuu ña̱ nákani ini ndó” á tá ko̱ó kée ndó ña̱ (1 Corintios 1:10, Tyk). Ña̱káa, ta ko̱ó nataʼan ini ndó ña̱ kée iin iin ndó o̱kanitáʼan ndó nuu̱ ná, jáchi̱ kuu kée ndó ña̱ o̱ko̱ó ga̱ ña̱ñúʼú ná nuu̱ ndó.

KÉE NÍ ÑA̱YÓʼO:

• Ndatu̱ʼun va̱ʼa ndó ndixi kée ndó já káʼa̱n ndó xíʼín de̱ʼe ndó ta ko̱ó kée ná iin ña̱ va̱ʼa

• Ta ko̱ó nataʼan ini ní ña̱ káʼa̱n na̱ ni̱ tandaʼa̱ xíʼín ní saʼa̱ ndixi jákuáʼnu ndó de̱ʼe ndó, káni kundaa̱ va̱ʼa ini ní ndiva̱ʼa káʼa̱n ná jaá

ÑA̱ KÁʼA̱N TU̱ʼUN NDIO̱S: “Jánaʼa̱ nuu̱ de̱eún ichi̱ va̱ʼa nuu̱ káni kuʼu̱n ná” (Proverbios 22:6). Ta kúni̱ ní jákuáʼnu va̱ʼa ní de̱ʼe ní, o̱jándákoo uun vá ní ná. Káni jánaʼa̱ ní nuu̱ ná ta jananí ní ná (Salmo 127:4; Proverbios 29:17). Ña̱ jananí ndó de̱ʼe ndó ko̱ó kúni̱a̱n kachian ña̱ kani ndó ná, káni chindeé ndó ná ná kandaa̱ ini ná ndiva̱ʼa káʼa̱n ndó xíʼín ná ña̱ káni kée ná (Proverbios 28:7). Jánaʼa̱ ní nuu̱ ná ná kúni̱ ná Tu̱ʼun Ndio̱s tá ná nakani ini ná saʼa̱ ña̱ káʼa̱n ña̱ (Salmo 1:2). Tá ná kée ná ña̱yóʼo já kandaa̱ ini ná ndíki̱án ko̱ó va̱ʼa tá ndíki̱án va̱ʼa (Hebreos 5:14).

KÉE NÍ ÑA̱YÓʼO:

• Ndukundeé ní jaá jánaʼa̱ ní nuu̱ de̱ʼe ní ña̱ Jeová miía̱ndaa̱ ndisa ió rá ta kuu kandeé ini ná rá

• Chindeé ní ná jaá ná nakani ini ná ndíki̱án ko̱ó káni kée ná já o̱nakava ná kée ná kuáchi̱ kini, tátu̱ʼun ña va̱si nuu̱ Internet. Jánaʼa̱ ní nuu̱ na̱ ná kandaa ná mií ná nuu̱ na̱ kúni̱ kée kuáchi̱ kini xíʼín ná