“Ta̱ʼví chá ga̱ na̱kuu ña̱yivi tá xíni̱jo̱ʼo na Tu̱ʼun Ndióxi̱ ta kája ná ña̱ kachía̱” (San Lucas 11:28, Tu̱hun Sa̱á Ña̱ Na̱jándacoo Jesucristo Nu̱ Yo̱.)

Miía̱ndaa̱ ndisa kiʼvi ini táʼan yó (Efesios 5:28, 29).

Koo ña̱ñúʼú iin xíʼín táʼan yó (Efesios 5:33).

Miía̱ndaa̱ ndisa kuu vá kandeé ini taʼan yó (San Marcos 10:6-9).

Kuu vá kandísa yó, jo si̱va̱ʼa saʼa̱ uvi̱ ña̱ʼa vá, ná kunde̱ʼé yó yóʼo:

• Ndá míí saʼa̱ ni̱ kachi Ndio̱s ña̱ ná kandoyi na̱ veʼe. Kachi Tu̱ʼun Ndio̱s ña̱ Ndio̱s ni̱ jatandaʼa sí ta̱a xíʼín ñaʼá minuu (Génesis 2:18-24). Ña̱yóʼo kúni̱án kachian ña̱ ndóyi na̱ veʼe jáchi̱ Jeová Ndio̱s ni̱ kachi ña̱ ná kandoyi ná. ¿Ndiva̱ʼa kúni̱ʼi ña̱ ná kundaa̱ ini yó saʼa̱ ña̱yóʼo?

  Nakani ini ní saʼa̱ ña̱yóʼo: Ná kachi ini yó ña̱ sasí ní iin comida ña̱ asin chá tá kúni̱ ní kundaa̱ ini ní ndixi ni̱ kava̱ʼa ná ña̱. ¿Yoo nuu̱ ndakatu̱ʼún ní ña̱yóʼo? Nuu̱ míí na̱ ni̱ kava̱ʼa ña̱, ¿á o̱ndaa̱?

  Jaá ní, tá kúni̱ yó kundaa̱ ini yó ndixi kée yó já ná kandoyi núchí na̱ veʼe yó, ná ndakatu̱ʼún yó nuu̱ Jeová Ndio̱s miísí kúú ta̱ sini jáchi̱ ndá mií saʼa̱ Ndio̱s ni̱ kachi ña̱ ná kandoyi na̱ veʼe.

• Ndiʼi ini Ndio̱s saʼa̱ yó. Ná nandukú yó ña̱ káʼa̱n Tu̱ʼun Ndio̱s miíyó xíʼín na̱ veʼe yó jáchi̱ Jeová Ndio̱s, ‘ñúʼu ini sí saʼa̱ yóʼ (1 Pedro 5:6, 7). Jeová Ndio̱s kúni̱ sí ña̱ ná kandoyi va̱ʼa yó. Tá ndiʼi consejo ña̱ si̱ʼa sí nuu̱ yó ña̱ va̱ʼa kuití vá kíán (Proverbios 3:5, 6; Isaías 48:17, 18).