“Dánayaa Ndios ndírnoo̱ ña̱yuu na̱. Ta o̱ ku̱ú ka̱ na̱, ta ni o̱ kúndaꞌí ka̱ ini na̱, ta o̱ kuáki ka̱ na̱, ta o̱ ndóꞌo ka̱ nío̱ ná” (Apocalipsis 21:​3, 4, Tuti yóʼo kúú to̱ʼon Ndios, ta xíʼo ña kuendá saʼa̱ Jesús).

Xíni̱ va̱ʼayó ña̱ o̱ju̱ú Ndio̱s kúú na̱ kée ña̱ ná ndóʼo iniyó (Santiago 1:​13).

Ña̱ ná kundaa̱ iniyó ña̱ Ndio̱s kundaa̱ inina ndixi kuu iniyó tá ndóʼo iniyó, ña̱yóʼo xíʼoña ta̱ndeé ini nuu̱yó (Zacarías 2:8).

Kúu kíi iniyó ndátiyó ña̱ chááka̱ chínuu̱ o̱kooka̱ ni iin ña̱ jándóʼo iniyó (Salmo 37:​9-​11).

Kuuvá kandísayó, ná kande̱ʼéyó ivi̱ ña̱ naʼa̱ ña̱ jaá kían:

• Kandají Ndio̱s ña̱ ná ndóʼo iniyó ta ña̱ kéendava̱ʼana xíʼínyó. Tá si̱naʼá kini ndiva̱ʼa ni̱sakeena xíʼín na̱ ñuu Ndio̱s, ¿ndixi ni̱kuu ini Jeová Ndio̱s sa̱ʼá ña̱yóʼo? Nuu̱ Biblia kachián ña̱ ni̱taiʼvi̱ ini Jeová Ndio̱s tá ni̱sande̱ʼéna ña̱ “sa̱keendava̱ʼana” xíʼín na̱ ñuuna (Jueces 2:​18, Traducción del Nuevo Mundo, 2019).

  Ko̱ nátaʼan miívá ini Ndio̱s ña̱ ná jándóʼo iniyó javaka̱ na̱yivi. Tátu̱ʼun, Tu̱ʼun Ndio̱s kachián ña̱ kandajína tá “saʼnina na̱yivi na̱ ko̱ kua̱chi” (Proverbios 6:​16, 17).

• Ndíʼi ini Ndio̱s saʼa̱ iin iin na̱yivi. Va̱árá ná kukáʼánní ña̱ sa̱va̱ʼa miívání xíni̱ saʼa̱ ña̱ “taiʼvi̱ ininí ta taʼnda̱ ininí” jo janí Jeová Ndio̱s xíni̱na saʼa̱ ña̱ ndóʼoní (2 Crónicas 6:​29, 30, nota).

  Nda̱ cháává kúmani̱ ta Reino Ndio̱s jánaáña ndiʼi ña̱ jándóʼo ini na̱yivi (Mateo 6:​9, 10). Xíʼo Ndio̱s ta̱ndeé ini nuu̱ ndiʼi na̱ miía̱ndaa̱ ndísa kúni̱ kundaa̱ ini saʼa̱na (Hechos 17:​27; 2 Corintios 1:​3, 4).