“Va̱xi ki̱ví nditaku [...] na̱ sa̱ na̱xi̱ʼi̱.” (Hechos 24:15, Tu̱hun Sa̱á Ña̱ Na̱jándacoo Jesucristo Nu̱ Yo̱.)

Ta ná kivi iin na̱yivi na̱ kúni̱ yó, ña̱yóʼo kuaʼá ña̱ tu̱ndeé ini nuu̱ yó (2 Corintios 1:3, 4).

Viti ko̱ó yuʼú ga̱ yó kivi̱ yó (Hebreos 2:15).

Sini va̱ʼa yó ña̱ cháá ga̱ ni̱ chí nuu̱ kunde̱ʼé tuku yó na̱yivi ná kúni̱ yó na̱ ni̱ siʼi̱ (San Juan 11:25).

Kuu vá kandísa yó, jo si̱va̱ʼa saʼa̱ uni̱ ña̱ʼa vá, ná kunde̱ʼé yó yóʼo:

• Ni̱ ka̱va̱ʼa Ndio̱s ndijaá táʼan ña̱ ta̱kú. Tutu Ii̱ káʼa̱n ña̱ ña Jeová Ndio̱s kúú ta̱ “kája ña̱ ná kataku” yó (Salmo 36:9; Hechos 17:24, 25). Ni̱ kée sí ña̱ ná kutaku ndijaá táʼan ña̱ ta̱kú, tá ña̱kán ió ndée̱ sí ña̱ kée sí ña̱ ná nataku na̱ ni̱ siʼi̱.

• Tá si̱naʼá si̱ naʼa̱ vá Ndio̱s ña̱ kuu vá jánátaku sí na̱ ni̱ siʼi̱. Tu̱ʼun Ndio̱s káʼa̱n ña̱ saʼa̱ una̱ taʼndá ta̱ ni̱ jánátaku Ndio̱s na̱yivi ni̱ siʼi̱ —ñaʼá xíʼín ta̱a ta si̱ jíin si̱ jíin kuia̱ ná— ta ni̱ nataku ná nuu̱ Ñúʼu̱ yóʼo. Ni̱ sio java ná na̱ jaá ni̱ siʼi̱ vá ná; jo ni̱ sio iin ta̱ ta̱a ña̱ si̱ ni̱ yáʼa kúmí ví kivi ña̱ ni̱ siʼi̱ rá ta ni̱ jánátaku Ndio̱s miírá (San Juan 11:39-44).

• Ta viti kúu ini Ndio̱s kée tuku sí ña̱. Ko̱ó nataʼan míí vá ini Jeová Ndio̱s ña̱ ná kivi na̱yivi jáchi̱ kandají sí ña̱yóʼo (1 Corintios 15:26). Kúu ini sí jándíʼi kíi sí nuu̱ ña̱yóʼo ta kée sí ña̱ ná nataku na̱ ni̱ siʼi̱. Saʼa̱ na̱yivi na ñuʼu ini Ndio̱s saʼa̱ kúni̱ sí ña̱ ná nataku tuku ná nuu̱ Ñúʼu̱ yóʼo (Job 14:14, 15).