“Mií Ndio̱s indiví chikaa̱na iin reino ña̱ ni iin kivi̱ o̱ndíʼi miívá nuu̱ña” (Daniel 2:​44, Traducción del Nuevo Mundo, 2019).

“Ni̱xi̱ʼona iin de̱ʼe nuu̱yó; ta joko̱ ta̱ yóʼo kanakaa̱ gobierno” (Isaías 9:6).

• Jáchi̱ kían iin gobierno ña̱ kée ndaa̱ chúun ta kuu chindeéán iin ta iin miíyó (Isaías 48:​17, 18).

• Nda̱ cháává kúmani̱, ta gobierno Ndio̱s keeña ná koo iin ñuyíví sa̱á, nuu̱ kandoyi ñúchíyó ta o̱kíʼvi̱ka̱yó (Apocalipsis 21:​3, 4).

Kuuvá kandísayó, ná kande̱ʼéyó ivi̱ ña̱ naʼa̱ ña̱ jaá kían:

• Jesús ni̱naʼa̱na ndá kían kee Reino Ndio̱s. Ni̱ja̱naʼa̱na nuu̱ na̱ ni̱sandíko̱ ñaʼá ná kaka̱taʼvi̱na ña̱ ná kasaa̱ kíi kivi̱ ña̱ kixi Reino Ndio̱s ta ná kee Ndio̱s ña̱ kúni̱na nuu̱ Ñúʼu̱ Ndeʼi̱ yóʼo (Mateo 6:​9, 10). Janí ni̱naʼa̱na ndixi xino̱ko̱o ña̱yóʼo.

  Tá ni̱kixi Jesús nuu̱ Ñúʼu̱ Ndeʼi̱ yóʼo, ni̱xi̱ʼona ña̱ kasáʼan na̱yivi, ni̱ja̱ndúva̱ʼana na̱ kíʼvi̱ janí ni̱ja̱nátakuna na̱ ni̱xiʼi̱ (Mateo 15:​29-​38; Juan 11:​38-​44). Saʼa̱ ña̱ kakuuna Rey nuu̱ Reino Ndio̱s, ña̱káa ni̱kuu ni̱naʼa̱na ña̱ va̱ʼa kee Reino Ndio̱s saʼa̱ na̱yivi kandoyi nuu̱ ñúʼu̱ yóʼo (Apocalipsis 11:​15).

• Ndiʼi ña̱ ió nuu̱ ñuyíví yóʼo sa̱ naʼa̱ ña̱, sa̱ kuyati kasaa̱ Reino Ndio̱s kaʼndaña chúun nuu̱ ñuyíví yóʼo. Jesús sa̱ ni̱ka̱ʼa̱nna ña̱ xinañúʼú koo tu̱ndóʼó ña̱ saʼní táʼan na̱yivi, jo̱kó xíʼín ña̱ táan javí Reino Ndio̱s kaʼndaña chúun nuu̱ Ñúʼu̱ Ndeʼi̱ yóʼo (Mateo 24:​3, 7).

  Sa̱ sa̱nde̱ʼéyó ndiʼi tu̱ndóʼó yóʼo kivi̱ víti. Ña̱káa kuu kandeé iniyó ña̱ nda̱ cháává kúmani̱ ta jándíʼi Reino Ndio̱s ndiʼi tu̱ndóʼó ndóʼoyó.